Général
-
Innocent IV (1243-1254)
-
Leges contra Hæreticos, eorumque fautores a se factas mittit infrascriptis observandas, publicandas, & asservandas. (Ex
Bullario Romano CherubiniBul. 9., & novo Bul. 27.Pegnaad calcem Directorii Inquisitorum,BzovioAnnal. Eccl. ad an. 1252. num. 3.Labbeoin Collect. Conciliorum inter epistolas Innocentii IV. num. 1., & Bullario Ordinis Prædicat. tom. 1. Bull. 257. Innocentii IV.) -
Anno 1252. die 15. Maji.
-
1252
-
INNOCENTIUS &c.
Dilectis Filiis Potestatibus, sive Rectoribus, Consiliis, & Communitatibus Civitatum, aliorumque locorum per Lombardiam, Romaniolam, & Marchiam Tarvisinam a Salutem, & Apostolicam Benedictionem.
Ad extirpanda de medio Populi Christiani zizania hæreticæ pravitatis, quæ abundantius solito succreverunt superseminante illa licentius his diebus hominis inimico &c. (usque)b procedatis: alioquin dilectis filiis Priori Provinciali, & Fratribus Inquisitoribus hæreticæ pravitatis Ordinis Prædicatorum in Lombardia, Marchia Tarvisina, & Romaniolac damus nostris litteris in mandatis, ut &c. (usque)d statuimus, ut Potestas, seu Rector, qui Civitati præest, vel loco alii ad præsens, aut pro tempore præfuerit in futurum in Lombardia, Romaniola, vel Marchia Tarvisinae, juret præcisè, ac sine tenore aliquo attendere, ac inviolabiliter observare &c. (usque) Idem quoque Potestas, seu Rector infra tertium diem post introitum sui regiminis duodecim viros probos, & Catholicos, & duos Notarios, & duos servitores, vel quot quot fuerint necessarii, instituere teneatur; quos Diœcesanus; si præsens extiterit, & interesse voluerit; & duo Fratres Prædicatores, & duo Minores ad hoc a suis Prioribus, si Conventus ibi fuerit, eorumdem Fratrum deputati duxerint eligendos &c. (usque ad finem f.)
Datum Perusii Idibus Maii Pontificatus Nostri Anno Nonog.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CDVIII., pp.608-609
-
(a) Per Lombardiam, Romaniolam, et Marchiam Tervisinam:
Per Italiamhabet Bullarium Dominicanum ex Archivo sui Ordinis lib. A. fol. 778.; atque ita legimus in eademBullaInnocentii repetita anno 1254. die 20. Maji, quæ infra dabitur: videtur tamen retinenda Lectio per Lombardiam &c. hoc loco, ita enim habetur etiam in Bulla Exortis in agro &c. Alexandri IV. anno 1256. die 6. Martii edita. -
(b) Usque): Ut in prædicta simili
Bullaan. 1254. edita. -
(c) In Lombardia, Marchia Tarvisina, et Romaniola: In hac Bulla Pontifex ait, se litteras dare
Provinciali Priori, & Fratribus Inquisitoribus hæreticæ pravitatis Ordinis Prædicatorum in Lombardia &c., sed in alia supradicta anni 1254. utpote ampliori litteras dedit Inquisitoribus hæreticæ pravitatis Ordinis Prædicatorum, & Minorum. -
(d) Usque): V. Bulla memorata anni 1254.
-
(e) In Lombardia, Romaniola, vel Marchia Tarvisina:
In Italiahabet laudata Bulla anni 1254. -
(f) Usque in finem): Ut nimirum in jam dicta
Bullaanno 1254. edita, & infra danda. -
(g) Spondanus ad hunc annum num. 6. scribit has leges Innocentium condidisse ad comprimendam pestiferam hæresim apud Mediolanum, & universam Insubriam in 4. præcipue sectas divisam, serpentemque; quas tamen omisit Raynaldus in Annal. Eccles., & quidem Matthæus Paris eo tempore scribens Hist. Angl. ad annum 1245. de 5. doloribus ab hoc Pontifice in Concilio Lugdunensi summa animi amaritudine expositis, ac defletis unum fuisse ait pro serpigine novarum hæresum scilicet Patarinorum, Bulgarorum, Jovinianorum, & aliorum Schismatum sectarum & errorum, quæ jam multas Civitates Christianitatis, præcipue tamen Lombardiæ subrependo maculavit.