Général
-
Innocent IV (1243-1254)
-
Corpora, quæ in contentione insepulta remanserant; jubet humi recondi, interimque donec imminens compositiofiat, a mutua infestatione desistere. (Regestum Vatican. epist. 203. ann. 5.)
-
Anno 1247. die 11. Julii.
-
1247
-
INNOCENTIUS &c.
Dilectis Filiis … Priori, & Canonicis Pampilonen. a Salutem, & Apostolicam Benedictionem.
Cum dilectus Filius noster H.b tituli Sanctæ Sabinæ presbyter Cardinalis negotium, quod inter Ecclesiam vestram ex parte una, & Fratres Minores in Civitate Pampilonen. commorantes ex altera ex diversis emersit articulisc, compositione amicabili de speciali mandato Nostro debeat terminare; jamque ferè ad consummationem compositionis hujusmodi sit processumd; Universitati vestræ per Apostolica scripta in virtute obedientiæ firmiter præcipiendo mandamus, quatenus illorum corpora, quæ hac occasione insepulta permanent, tradentes incontinenti Ecclesiasticæ Sepulturæ tam vos, quam ipsi a mutua denuntiatione, vitatione, ac inquietatione, donec compositionis receperitis litteras, penitus desistatis, compositioni eidem, cum ipsam receperitis, pariturie.
Datum Lugduni v. Idus Julii, Pontificatus Nostri Anno Quinto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXVIII., p.470
-
(a) Pampilonen.: Civitatis tunc Regi Navarræ Metropolis, ut alias dictum est.
-
(b) H.: Hugo dictus de S. Charo Gallus O. P., de quo Ciacconius, aliique sui Ordinis Scriptores.
-
(c) Articulis: Nempe ob loci mutationem ex epistola
Lecta coram nobis &c.anno superiori die 15. Octobris data Episcopo Cæsaraugustano. -
(d) Sit processum: Facta est enim compositio die 17. mensis sequentis, & a Pontifice confirmata die 2. Septembris per litteras
Plantatus olim &c.infra relatas. -
(e) Super hac re scripsit Pontifex & Episcopo Pampilonen., & Abbatibus, ac Clero, populoque Diœcesis ejusdem Civitatis die 13. mensis sequentis
Negotium, quod &c.ut infra.