« bullarium-franciscanum-479 »


Général

  •  
    Innocent IV (1243-1254)

  •  
    Committit Fratribus Ord. Min. curam, & regimen Monialium Ord. Sancti Damiani, modumque regiminis præscribit. (Regest. Vatic. epist. 622. apud Waddingum in Annal. ad annum 1245. num. 37.)

  •  
    Anno 1245. die 16. Octobris.

  •  
    1245


  •  

    INNOCENTIUS &c.

    Dilectis Filiis Generali a , & universis Provincialibus Ordinis Fratrum Minorum Salutem, & Apostolicam Benedictionem.

    Paci, & saluti dilectarum in Christo filiarum Monialium inclusarum Ordinis Sancti Damiani paterna sollicitudine providere volentes præcipiendo mandamus; quatenus eis tam in capite, quàm in membris per vos ipsos, vel alios Ordinis vestri Fratres providos, & discretos auctoritate nostra, quoties expedire videritis, visitationis, correctionis, & reformationis officium impendatis; informetis disciplinis regularibus: & prædicatione verbi Dei confortetis easdem: Confessiones audiatis ipsarum, eisque Missarum solemnia, & alia Divina celebretis Officia, & exhibeatis Ecclesiastica Sacramenta; & cum necesse fuerit, vel propter ipsarum graves ægritudines, seu obitus, aut propter visitationem, seu Altarium vel Monialium consecrationes, aut alias justas, & honestas causas, associatis vobis tot idoneis Fratribus vestri Ordinis, quot ad hoc noveveritis opportunos, Monasteria ingrediamini earumdem. Proviso, quod Frater Presbyter unum, & Visitator, qui pro tempore fuerit, duos Fratres idoneos pro exequendis, quæ ad ipsorum spectant officium, juxta tenorem, qui in earum vitæ Formula contineri noscitur, secum ducant. Ad hæc, & ad prætacta Monasteria in specialibus festis ipsorum, & Monialium obitu earumdem, ad celebrandum in eis Divinum Officium, ac proponendum verbum Dei Populo, qui tunc, aliisque temporibus ibidem convenerit, nec non pro aliis honestis, & rationabilibus causis; ac ad Portas, Crates, & Locutoria Monasteriorum ipsorum, cum expedire videritis, accedere, & Fratres vestri Ordinis destinare possitis, auctoritate vobis præsentium duximus concedendum.

    Datum Lugduni xvii. Kal. Novembris Pontificatus Nostri Anno Tertiob.


  •  
    Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CIV., p.388

  •  
    (a) Generali: Nempe Crescentio Æsino, de quo supra.
  •  
    (b) Jam trimestri ante Pontifex exemerat Fratres ex parte a cura Sanctimonialium per litteras Paci, & tranquillitati dat. die 17. Julii, uti supra: sed his reclamantibus Pontifex hanc edidit epistolam: sub Urbano IV. & S. Bonaventura res ventilata est, & charitate composita, ut infra videbitur. Iteravit etiam litteras pro Monialibus speciatim Provinciæ Marchiæ Anconitanæ hoc anno die 8. Novembris, ut infra.

Informations

Acte

bullarium-franciscanum admin (IRHT), dans  Bullarium Franciscanum

Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 151939 (bullarium-franciscanum-479), http://telma.irht.cnrs.fr/chartes/bullarium-franciscanum/notice/151939 (mise à jour : 15/12/2020).