« bullarium-franciscanum-398 »

Acte | bullarium-franciscanum/notice/151858
plus d'informations

Général

  •  
    Innocent IV (1243-1254)
  •  
    Indulget Monialibus S. Damiani Pragen., ne conveniri possint per litteras Apostolicas, nisi expressa mentione &c. (Reges. Vatic. epist. 248. & Waddingus in Reg. Pontif. num. 7.)
  •  
    Anno 1243. die 25. Novembris.Anno 1243. die 4. Decembris.
  •  
    1243

  •  

    INNOCENTIUS &c.

    Dilectis in Christo Filiabus Abbatissæ, & Conventui Monialium inclusarum S. Francisci Pragensis a Ordinis S. Damiani Salutem, & Apostolicam Benedictionem.

    Vacantibus amori cœlestium, & contemptui terrenorum in his benigni libenter occurrimus, per quæ ab hominum liberati calumniis & quieta contemplatione proficiant; & perennis vitæ bravium cursu libero comprehendant. Eapropter, dilectæ in Domino filiæ, ut innocens vestræ paupertatis humilitas per nostræ provisionis auxilium tranquillæ devotionis consequatur augmentum, vobis auctoritate præsentium indulgemus, ut a quoquam conveniri per litteras Apostolicas non possitis; nec aliquis contra vos earum prætextu valeat procedere, nisi de Ordine vestro, & hac indulgentia expressam fecerint mentionem. Nulli ergo omnino hominum liceat hanc paginam nostræ Concessionis infringere, vel ei ausu &c.

    Datum Laterani vii. Kalendas Decembris Pontificatus Nostri Anno Primo.
  •  
    In eumdem modum Universis Abbatissis, & Sororibus inclusis Ordinis Sancti Damiani de‥1 Data ii. Nonas Decembris 2.
  •  
    Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°XXIII., p.319
  •  
    De ‥: Supple de Assisio, & postea S. Claræ vocatis.

    1
  •  
    II. Nonas Decembris: Ita habet Waddingus in Annal. Min. ad hunc annum num. 27., etsi in Regesto Pontif. num. 7. scriptum sit xi. Decembr. authographum autem Archivi Monasterii S. Mariæ Montis Lucidi Perusini habet dat. xvi. Kalendas Januarii omnibus Sororibus Ordinis S. Damiani, hoc est die 17. Decembris; aliud vero Monasterii S. Mariæ Montis Sancti, nunc S. Francisci Tudertini xviii. Kal. Januarii anno primo. Idem privilegium dederat Gregorius IX. anno 1234. die 4. Decembr. Monasteriis S. Damiani Assisiat., & S. Mariæ de Monticello Florentin. incip. Cœlestia quærentibus.

    2
  •  
    (a) Pragensis: de quo Bohemiæ Monasterio actum est in not ad Constitutionem Gregorii IX. anno 1239. die 18. Decembris.

Informations

Acte
bullarium-franciscanum admin (IRHT), dans  Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 151858 (bullarium-franciscanum-398), http://telma.irht.cnrs.fr/chartes/bullarium-franciscanum/notice/151858 (mise à jour : 15/12/2020).
http://telma.irht.cnrs.fr/chartes/bullarium-franciscanum/notice/151858
bullarium-franciscanum/notice/151858
XML  JSON