Général
-
Grégoire IX (1227-1241)
-
Ut pœnitentiam Andreæ Vitriacensi pro juramento illicito de Matrimonio filiæ cum Willelmo Minorum Ordinum ingresso imponat, & postulata concedat. (Ex Regesto Vatic. epist. 335. anno 12.)
-
Anno 1238. die 15. Decembris.
-
1238
-
GREGORIUS &c.
Dilecto in Christo filio … Majori Archidiacono Redonen. a Salutem, & Apostolicam Benedictionem.
Sua Nobis Nobilis vir Andreas de Vitriacob petitione monstravit, quod cum olim ipse Philippam filiam suam primogenitam nondum septennem Willelmo filio Nobilis viri G. de Pœncejo Domini de Guirchia Redon. Diœc. infra decennium existenti in uxorem dare sic præstito juramento promiserit, quòd cum altero ipsius nobilis filio contraheret, ipsorum altero non completo Matrimonio decedente; ac ita per consequens de filio in filium, quando viverent, successivè fieret; dummodo id Ecclesia toleraret; prout in litteris super hoc confectis dicitur plenius contineri: tandem dictus Willelmus, cui promissio de primogenita filia facta fuit, Fratrum Minorum Ordinem est professusc, consensu legitimo inter eos adhuc minimè subsecuto. Quare dictus Nobilis Nobis humiliter supplicavit, ut ei, quod præfatam Philippam alicui, qui dictum G. aliqua consanguinitatis linea non attingat, copulare matrimonialiter valeat, licentiam concedere curaremus. Quocirca mandamus, quatenus, si res ita se habet, imposita dicto Nobili pro temerario juramento pœnitentia competenti, ei auctoritate Nostra postulata concedas.
Datum Laterani xviii. Kal. Januarii, Pontificatus Nostri Anno Duodecimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCLXXXIII., p.257
-
(a) Redonen.: Al. Rhedonen. incolis
Rennesurbis Britanniæ minoris al. Aremoricæ Episcopalis sub Turonensi Metropoli; ubi Conventus juridicus habetur qui a GallisParlamentumappellatur. -
(b) De Vitriaco: Al. Vitræo, & Victoriaco vulgo
Vitrayoppido ejusdem Provinciæ Armoricæ, seu Britanniæ minoris, ac diœcesis Rhedonensis, a qua civitate 9. leucis in Cæciam distat versus Cenomanos. Hujus Andreæ domini Vitræi habentur litteræ ad S. Ludovicum Franciæ Regem anno 1230. datæ in Collectione Martenii tom. 7. col. 1239., quibus se S. Regi submittit. -
(c) Fratrum Minorum Ordinem est professus: Et forsan est ille Fr. Willelmus, quo Pontifex plurimum usus est in sacra ad Terram Sanctam succurrendam expeditione, quem suum
Pœnitentiariumconstituit, a prudentia, commendavit, & inter Regem Galliæ, & Ecclesiam Belluacensem valde inter se dissidentes pacis auctorem esse voluit; ut plurimæ ejus ad eum, & ad alios epistolæ testantur.