Général
-
Grégoire IX (1227-1241)
-
Visitationem, & reformationem omnium Monasteriorum &c. exceptis Ord. Cistercien., & Monialium pauperum inclusarum, Sedi Apostolicæ nullo medio subjectorum committit in Provinciis Lombardiæ, Romandiolæ, March. Tarvisinæ, & Anconitanæ, Venetorum, & Genuen. (Ex Regesto Vatic. ep. 81. an. 11., & in tom. 1. Bullarii Ord. Prædicat. B. 162. Greg. IX.)
-
Anno 1237. die 12. Maji.
-
1237
-
GREGORIUS &c.
Dilecto filio Priori Provinciali Fratrum Prædicatorum a in Lombardia Salutem, & Apostolicam Benedictionem.
Succensa est quasi ignis inopinatæ prævaricationis impietas, quæ non solùm vepres, & spinas devorat carnalibus scilicet operibus servientes; sed quasi cedros Libani jam consumit nonnullos videlicet Regularis Ordinis Professores præsertim Sedi Apostolicæ immediatè subjectos, quorum correctioni prementibus undique curis universalis Ecclesiæ per se nequit, ut expedit, Romanus Pontifex imminere. Verum quoniam a capite membra nutrimenta suscipiunt; & membra suo tenentur capiti deservire, ut mutuis vegetata subsidiis in sua possint integritate persistere; tibi, de cujus Religione, zelo, & sinceritate confidimus, Monasteria exempta Ordinum Sancti Benedictib, & Sancti Marcic, & Canonicas Regularesd cujuscumque Professionis, vel Ordinis, Humiliatos quoquee, & Hospitalia, nec non Ecclesias, & loca, in quibus correctio ad Diœcesanos non pertinet; vel quæ in possessione libertatis existunt in Provincia Lombardiæ, Romandiolæ, Marchiæ Tarvisinæ, & Anchonitan., Civitatum quoque, & Diœcesum Venetiarum, & Januen., (Monasteriis Cisterc. Ordinis, & Monialium Pauperum inclusarum f dumtaxat exceptis) omni anno, donec Nobis placuerit, semel, vel pluries, prout videris expedire, privilegiis eorum, & Indulgentiis nequaquam obstantibus, committimus visitanda &c.g
Datum Viterbii iv. Idus Maji, Pontificatus Nostri Anno Undecimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXXXI., pp.219-220
-
(a) Priori provinciali FF. Prædicatorum: De quo nihil in notis ad prædictum Bullarium Ord. Prædicat., forsan Fr. Philippus Carisius Vercellensis procurator anno 1233. Canonizationis S. Dominici, ter postmodum Prior Provincialis Lombardiæ ex Scriptoribus sui Ordinis.
-
(b) Ordinum S. Benedicti: Quorum quamplura ad Cisterciensium, & Clarissarum Instituta traducta fuerunt.
-
(c) Et S. Marci: Mantuæ instituti paulo ante Concilium Lateranen. IV., & ab Innocentio iii. approbati, ab Honorio iii. etiam, & Gregorio IX. confirmati anno 1231. cum Canonicorum veterum Regula in ejusdem Gregorii Bulla 28. Bullarii Rom. Cocquelines tom. 3. relata.
-
(d) Et Canonicas Regulares: Ordinis S. Augustini; subditur autem: cujuscumque professionis, vel Ordinis; nam erant Lateranen., Præmonstraten., Congregat. Renanæ &c.
-
(e) Humiliatos quoque: Qui jussu S. Pii V. suppressi sunt, atque destructi, cum jam sub Regula S. Benedicti ab Innocentio iii. anno 1200, ut ajunt, confirmatus fuisset eorum Ordo sub Alexandro iii., & Friderico I. Imp. exortus Mediolani.
-
(f) Monialium pauperum inclusarum: Nempe
DamianitarumAssisiaten., sive Clarissarum, quo vocabulo solitus est Pontifex eas appellare, ut alibi monuimus. -
(g) Visitanda &c.: Cetera videri poterunt in cit. O. P. Bullario.