Général
-
Grégoire IX (1227-1241)
-
Detrahentem Stigmatibus Sancti Francisci præcipit ab officio prædicationis suspendi, & ad se in curiam mitti. (
Regest. Vatic.num. 15. Monumenta, & Specul. Ord. cit. in superiori Epist., Rodulphius lib. 2., & Waddingus in Annal. num. 3., AutorqueCollis paradisilib. 1. tit. 46. p. 79., atqueRodericusin Bullario Apostol. Reg. tom. 1., Bul. 8., necnon Firmamen. trium Ordinum part. 2. tract. 1. fol. 12.) -
Anno 1237. die 31. Martii.
-
1237
-
GREGORIUS &c.
Dilectis filiis Prioribus, & Provincialibus Ordinis … Salutem, & Apostolicam Benedictionem.
Non minus dolentes accepimus, quam mirantes, quod quidam Frater vestri Ordinis Evechardus nominea immemor, quod sermo prædicantium salis gratiæ semper habere debeat condimentum; cum pervenisset Opaviam Moraviæ Civitatem, de prædicante transiens in blasphemum in communi dicere non expavit, quod in laudem Beati Francisci per quosdam ex discipulis suisb piè proposita deberent haberi pro reprobis, quod in ejus corpore Stigmata non fuissent. Quid ultra? nec Christo, qui Sanctum eumdem manibus, pedibus, ac latere hujusmodi Stigmatum privilegio decoravit; nec Nobis, qui ex tanto miraculo, cum ceteris solemniter probato, causam specialem habuimus, quod ipsum adscripsimus Catalago Beatorum, deferendo; dicti Fratris elatio in tantam prorupit insaniam, quod discipulos memoratos, coram Populo quæstuarios, & falsos prædicatores appellans impudenter asseruit, quod in ipsos, & consimiles auctoritate nostra excommunicationis posset sententiam promulgare. Verum, cum non solum jam dictæ nequitiæ protulerit verba; sed & ipsis alia perversa proximorum pace, suaque salute postpositis cumulaverit; discretioni vestræ per Apostolica scripta in virtute obedientiæ districtè præcipiendo mandamus, quatenus si præmissis veritas suffragatur, Fratrem eumdem, apud quemcumque fuerit, suspensum a prædicationis officio ad nostram mittatis præsentiam pro meritis recepturum.
Datum Viterbii ii. Kalend. Aprilis Pontificatus Nostri Anno Undecimoc.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXXI., p.213
-
(a) Evechardus nomine: Provinciæ Bohemiæ, cujus, nec non & epistolæ meminit Barthol. Pisanus Conform. 31. part. 2.
-
(b) Discipulis suis: Fratribus Ord. Minorum.
-
(c) Etiam Alexander IV. teste S. Antonino Hist. part. 3. tit. 24. cap. 2. § 10. anno, ut videtur, 1255. coactus est scribere Archiepiscopo Genuensi, ut illis, qui de imagine S. Francisci in Ecclesia S. Mariæ de Vineis, & Monasterii S. Sixti malitiose stigmata deleverant, diem diceret, citaretque ad se præsentandos Pontif. pro meritis recepturos inhibendo sub anathematis sententia, ne quis de cetero similia attentaret. Cum tamen Lucas Tudensis Episcopus adversus Albigensium errores scribens anno 1231. lib. 2. cap. 2. de his sacris Stigmatibus dixerit: Etenim vero, ut in ejus sacra reperitur Legenda, & multorum Religiosorum, Clericorum, laicorum, & secularium, qui manibus contrectare meruerunt, vel corporeis oculis ante quinquennium aspexerunt, pium perhibet testimonium: addatque Albertus Stadensis Abbas in Chron. Pontificem anno 1228. in Canonizatione hujus beati viri cum Cardinalibus, aliisque pluribus Antistitibus Sancti corpus ex ipsa tumba levasse ea etiam de causa, ut Cardinalium, & aliorum votis satisfieret; ac inspicerent in integro corpore pulchra illa Jesu Christi vestigia.