Général
-
Grégoire IX (1227-1241)
-
Statuit, ut Fratres Prædicatores ad Ordinem Fratrum Minorum transeuntes post emissam ibi professionem non teneantur remitti ad suos; & similiter de Fratribus Minoribus. (Extat in
Firmamentistrium Ordinum Sancti Francisci part. 2. tract. 1. fol. 12.) -
Anno 1236. die 6. Novembr.
-
1236
-
GREGORIUS &c.
Dilectis filiis Ministro a , & Fratribus Ordinis Minorum Salutem, & Apostolicam Benedictionem.
Licet olim quibusdam ex Fratribus vestris ad Fratrum Prædicatorum, & aliquibus ex eis ad vestrum Ordinem transeuntibus, utrosque suo restitui Ordini mandassemusb; quia tamen temporis longi prolixitas, & Professionis vinculum repugnare videntur; quominus absque utriusque Ordinis scandalo possit mandatum Apostolicum adimpleri: Nos & animarum saluti providere volentes, & dissidiis obviare, ita duximus providendum; ut jam professi in Ordinibus memoratis, non obstante mandato prædicto, in eis debeant remanere auctoritate præsentium; ne hac occasione inter vos, & illos scandalum oriatur: id de cetero fieri districtius inhibentes.
Datumc … viii. Idus Novembris Pontificatus Nostri Anno Decimod.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXII., pp.206-207
-
(a) Ministro: Fr. Eliæ Cortonensi, al. Assisiati.
-
(b) Mandassemus: Per litteras Quo vos in Christo anno 1235. editas die 21. Junii; ut ibi notatum est.
-
(c) Datum …: Interamnæ; ut ex aliis ejus epistolis hoc tempore datis eruitur: etsi in Spicilegio Dacherii tom. 3. pag. 606. extent hujus Pontificis litteræ signatæ Terracinæ Idibus Novembris Pontif. anno x., nisi sit scribarum erratum.
-
(d) Eandem epistolam dederat Pontifex PP. Cisterciensibus die 4. Augusti supra relatam.