« bullarium-franciscanum-171 »

Acte | bullarium-franciscanum/notice/151631
plus d'informations

Général

  •  
    Grégoire IX (1227-1241)
  •  
    Fr. Jacobum Ordinis Minorum constituit Oeconomum Monasterii S. Cosmæ de Urbe. (Apud Waddingum in Annal. Min. ad annum 1233. num. 37. ex libro Monumentorum ejusdem Monasterii.)
  •  
    Anno 1234. die 15. Septembris.
  •  
    1234

  •  

    GREGORIUS &c.

    Dilecto filio Fratri Jacobo de Ordine Fratrum Minorum Salutem, & Apostolicam Benedictionem.

    De tua discretione confisi, ut in Monasterio Sancti Cosmæa in Transtyberim de Urbe possis Oeconomum facere, & ordinare, quæ secundum Deum, videris ordinanda, præsentium tenore tibi liberam concedimus potestatem.b

    Datum Spoleti 15. diec Septembris Pontificatus Nostri Anno Octavo.
  •  
    Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CXLIII., p.138
  •  
    (a) S. Cosmæ: Monachorum antea S. Benedicti cognominatum in Mica aurea, & vulgo S. Cosmato datum est circa hoc tempus Monialibus S. Damiani, seu Clarissis; ut ex his litteris elicere se putat cit. Waddingus, ubi plura de hoc Monasterio declarat, ante quidem diem 5. Julii anni 1233. ex Pontificis epistola incip. Quia illos vere &c. superius allata. Certe a Gregorio IX. datum Franciscanæ Religioni testatur Auctor quidam ad calcem Libri Censuum cod. MS. perantiqui Archivi Vaticani apud Raynaldum ad annum 1227. num. 14., eratque hæc una ex primis, ac præcipuis, quas Benedictini habebant in urbe, Abbatiis, multis locuples possessionibus.
  •  
    (b) De hoc Monasterio agitur in Bulla hujus Pontificis Quoties a nobis petitur &c. data anno 1238. die 9. Augusti, ut infra.
  •  
    (c) 15. die: Forsan legendum xv. Kal., cum sit præter morem curiæ Romanæ scribere Bullas sine Kalendis, nonis, & idibus; atque uti notis numerorum, vulgo Arabicis, & non Romanis; notæ sunt enim librariorum audaciæ, ac negligentiæ. Hinc apparet, Mabillonium, qui in append. tom. 3. n. 60., & tom. 4. n. 86. Annal. Benedict. Catalogum Abbatum hujus Monasterii texit, vel a Waddingo, vel ex libro monumentorum hujus loci, a quadam Moniali, & Abbatissa seculo xvi. conscripto sumpsisse; ex quo & Waddingus transcripsit; dum asserit Monasterium 1234. die 15. Septembris translatum fuisse ad Moniales inclusas S. Damiani ex Bulla Gregorii IX., quando quidem jam ante diem 5. Julii anno 1233. constat ex supradictis locum aliis datum fuisse.

Informations

Acte
bullarium-franciscanum admin (IRHT), dans  Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 151631 (bullarium-franciscanum-171), http://telma.irht.cnrs.fr/chartes/bullarium-franciscanum/notice/151631 (mise à jour : 15/12/2020).
http://telma.irht.cnrs.fr/chartes/bullarium-franciscanum/notice/151631
bullarium-franciscanum/notice/151631
XML  JSON