« bullarium-franciscanum-108 »

Acte | bullarium-franciscanum/notice/151568
plus d'informations

Général

  •  
    Grégoire IX (1227-1241)
  •  
    Mandat M. Conrado Marpurgensi, ut protegat Hospitale S. Francisci a S. Elisabetha exstructum. (Regest. Vatic. Epist. 125., & apud Waddingum in Reg. Pontif. n. 8.)
  •  
    Anno 1232. die 14. Octobris.
  •  
    1232

  •  

    GREGORIUS &c.

    Dilecto filio Magistro Conrado a de Marpurch prædicatori verbi Dei in Alemannia Salutem, & Apostolicam Benedictionem.

    Hospitale in Marpurchb favore benevolo, quantum cum Deo possumus, prosequentes, ac ad defensionem ipsius intendentes sollicitè, ut valeat a malefactorum oppressionibus respirare, discretioni tuæ, de qua plenam in Domino fiduciam obtinemus; per Apostolica Scripta mandamus, quatenus Hospitale ipsum manuteneas, protegas, & defendas, non permittens illud, & degentes in ipso ab aliquibus indebitè molestari; molestatores hujusmodi per Censuras, appellatione postposita, compescendo.

    Datum Anagniæ ii. Idus Octobris, Pontificatus Nostri Anno Sextoc.
  •  
    Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°LXXXI., p.88
  •  
    (a) Conrado: Viro vita, & eruditione præclaro, qui a Gregorio IX. contra hæreticos inquirendi officio oneratus ab illis anno 1233. trucidatur; cum fuisset S. Elisabethæ magister, & director: Non defuerunt, qui eum Ordinis Regularis extitisse litteris mandarunt: sed recte, & candide Waddingus ad ann. 1226. num. 48., & Jacobus Echardus de Scriptor. Ord. Prædicat. tom. I. nulli Regularium Instituto addictum fuisse fatentur: & qui post istos causam instaurare, suoque Ordini adjungere tentavit, oleum, & operam se perdidisse sciat.
  •  
    (b) Hospitale Marpurch: Quod biduum ante Pontifex variis adjuvit Indulgentiis; & quod S. Elisabetha Lantgravia construi fecit, & S. Francisci nomini dedicari, ita jubente Gregorio IX., qui B. Franciscum inter Sanctos a se relatum, & velut filiæ carissimæ patronum designavit, & protectorem; misso etiam eidem nonnihil de sanguine, qui de latere ejus profluxerat, cum sacris Stigmatibus insigniretur, teste Auctore coævo Vitæ S. Elisabethæ MSs. Lovanien. apud Waddingum ad ann. 1229. num. 3. Hoc autem Hospitale cura, & regimine Magistri Conradi Marpurgensis jam defuncti destitutum anno 1234. ad preces Henrici, & Conradi fratrum Ludovici Lantgravii Elisabethæ viri Pontifex concessit Magistro, & Fratribus Hospitalis, S. Mariæ Teutonicorum Hierosolymitanorum; exemitque ab omni Ordinariorum jurisdictione, additis multis privilegiis, ex litteris Pontificis in Regest. Vatic. num. 145., teste cit. Waddingo ad ann. 1234. num. 3., & ut infra.
  •  
    (c) Affertur hæc epistola etiam in Bullario Ord. Prædicat. tom. I. Bul. lx. Gregorii IX. ex Archivo Ordinis prædicti lib. 6. fol. 353. data dilecto filio Fratri Conrado Prædicatori ii. Idus Decembris anno sexto, sed contra fidem codicis Vaticani supra relati.

Informations

Acte
bullarium-franciscanum admin (IRHT), dans  Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 151568 (bullarium-franciscanum-108), http://telma.irht.cnrs.fr/chartes/bullarium-franciscanum/notice/151568 (mise à jour : 15/12/2020).
http://telma.irht.cnrs.fr/chartes/bullarium-franciscanum/notice/151568
bullarium-franciscanum/notice/151568
XML  JSON