Général
-
Clément VI (1342-1352)
-
Vesianum Roulandi ord. Min. ecclesiae Eugubin. (Gubbio in Umbria) praeficit in episcopum.1
-
1346, octobris 2, Avinione.
-
1346
-
Dilecto filio Vesiano Roulandi electo Eugubin.
Apostolatus officium etc. Nuper siquidem Eugubin. ecclesia ad eamdem Romanam ecclesiam nullo medio pertinente per obitum bonae memoriae Francisci episcopi Eugubin.,a qui nuper apud sedem apostolicam diem clausit extremum, pastoris solatio destituta, nos ... post deliberationem, quam super his cum fratribus nostris habuimus diligentem, demum ad te ordinis fratrum Minorum professorem, in sacerdotio constitutum, quem litterarum scientia praeditum, vitae ac morum honestate decorum, in spiritualibus providum et in temporalibus circumspectum ac aliis multiplicium virtutum meritis laudabiliter insignitum ex testimoniis fide dignis accepimus, convertimus oculos nostrae mentis. Quibus omnibus debita meditatione pensatis de persona tua, nobis et eisdem fratribus nostris consideratione praemissorum accepta, praefatae Eugubin. ecclesiae de fratrum nostrorum consilio auctoritate apostolica providemus teque illi praeficimus in episcopum et pastorem, curam et administrationem eiusdem ecclesiae tibi in spiritualibus et temporalibus plenarie committendo etc. Datum Avinione VI nonas octobris anno quinto.
In e. m. capitulo et vassallis ecclesiae Eugubin. necnon clero ac populo civ. et dioec. Eugubin.b
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°392., pp.-191
-
Reg. Vat. t. 173 (Clem. VI a. 5, l. 1), ep. 35; Wadd. l. c. reg. pont. Clem. VI, n. 133. Cfr. infra n. 544.
1 -
(a) Die 7 apr. 1346 a Tergestin. ad eccl. Eugubin. translati.
-
(b) Aliis litteris die 5 oct. 1346 datis (l. c. t. 176 f. 110 ep. 164) S. P. declarat, illam provisionem valere, quamquam in litteris super ea confectis mentio non est facta de defectu aetatis, quem ipse Vesianus patitur, utpote in 27 aetatis suae anno constitutus. Die autem 5 dec. 1346 S. P. eidem Vesiano, qui munus consecr. per Ioannem ep. Portuen. iam recepit, mandat, ut ad suam ecclesiam se conferat (l. c. f. 148, ep. 299).