Général
-
Jean XXII (1316-1334)
-
Philippo VI regi Franciae concedit facultatem intrandi quaecumque monasteria cum octo fratribus Praed. et Min. aliaque decenti hominum mulierumve comitiva.1
-
1328, maii 25, Avinione.
-
1328
-
[Carissimo filio] Philippo [VI] regi Franciae illustri.a
Ex tuae devotionis meritis pervenire conspicitur, ut apostolicae sedis benignitas consueta personam tuam in hiis, quae commode postulat, favorabiliter prosequens tibi se reddat ad gratiam liberalem. Hinc est, quod nos tuis supplicationibus inclinati auctoritate tibi praesentium indulgemus, ut monasteria monialium, cuiuscumque ordinis fuerint, cum octo fratribus Praedicatorum et Minorum ordinum ac honesta et decenti hominum et mulierum comitiva ingredi valeas, dummodo tu et iidem fratres ac homines et mulieres in monasteriis ipsis nequaquam edatis vel aliquatenus pernoctetis, non obstantibus contrariis ordinum eorundem monasteriorum consuetudinibus vel statutis. Nulli etc. Datum Avinione, VIII kalendas iunii, anno duodecimo.b
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°709., pp.-345
-
Reg. Vat. t. 86, f. 367, ep. 1962.
1 -
(a) Caroli comitis Valesii (Valois), qui erat tertiogenitus Philippi III regis Franciae, filio et successori Caroli IV regis Fr., qui 1 febr. 1328 filiis non relictis obiit.
-
(b) Aliis litteris die 6 iunii 1328 datis summus pontifex eiusdem regis uxori, Ioannae filiae Roberti II ducis Burgundiae, similem facultatem concedit (l. c. ep. 1997).