Général
-
Clément V (1305-1314)
-
Fratribus Min. Vigintimilien. copiam dat transferendi coenobium suum infra ipsam civitatem.1
-
1313, iulii 23, Grauselli.
-
1313
-
Dilectis filiis ‥ guardiano et aliis fratribus ord. Minorum Vigintimilien.a
Laudabilis vestra religio promeretur, ut illa vos favoris gratia prosequamur, per quam sub tranquillitatis commodis liberius divinis obsequiis insistatis. Cum itaque, sicut dilectus filius Alexanderb ordinis vestri generalis minister in nostra proposuit praesentia constitutus, locus vester Vigintimilien. adeo ruinosum fundum habere noscatur, quod vos tute non potestis in eo aliquatenus habitare: nos eiusdem ministri supplicationibus inclinati, vobis transferendi vos de dicto loco ad alium congruum situm infra civitatem Vigintimiliensem et ibidem locum vobis construendi sine iuris praeiudicio alieni (constitutione fel. record. Bonifatii papae VIII praedecessoris nostri et qualibet alia super hoc in contrarium edita non obstante), plenam auctoritate praesentium licentiam elargimur. Datum in prioratu de Grausello Vasionen. dioecesis, X kalendas augusti, anno octavo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°219., pp.97-98
-
Reg. Vat. t. 60, f. 155, ep. 481 b (n. 9495); apud Wadd. l. c. n. 42.
1 -
(a) Alias Albintimilien. (Ventimiglia) in custodia Albingana provinciae Ianuae.
-
(b) Bonini de Alexandria, qui in capitulo generali Barchinonae tempore Pentecostis a. 1313 electus (cfr. supra n. 212) illico ad summum pontificem se contulit.