Général
-
Clément V (1305-1314)
-
Episcopo Sistaricensi mandat, ut Manuascae monasterium pro Clarissis, si expedierit, permittat aedificari.1
-
1313, iulii 1, Grauselli.
-
1313
-
Venerabili fratri [Raymundo] episcopo Sistaricen.a
Dilecti filii universitas hominum loci de Manuascab tuae dioecesis nobis humiliter supplicarunt, ut, cum ipsi ad laudem Dei et honorem sancti Francisci et beatae Clarae quoddam monasterium monialium ordinis eiusdem sanctae Clarae in dicto loco de Manuasca vel extra ipsum in dicta dioecesi in fundo proprio aedificare proponant et eidem monasterio pro sustentatione monialium inibi Domino famulantium pia erogare subsidia caritatis, eis aedificandi huiusmodi monasterium et oratorium in eodem, in quo habeatur campana et divina celebrentur officia, ac in ipso monasterio accipiantur et instituantur moniales per abbatissam, quae pro tempore fuerit in dicti monasterii gubernatione, prout in aliis eiusdem ordinis monasteriis observatur, licentiam concedere dignaremur. Volentes itaque tibi, qui loci dioecesanus existis, in hac parte deferre, fraternitati tuae per apostolica scripta mandamus, quatenus, si praedictae universitati expedire videris, postulata concedas sine iuris praeiudicio alieni. Datum in prioratu de Grausello Vasionen. dioecesis, kalendis iulii, pontificatus nostri anno octavo.c
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°214., pp.-96
-
Reg. Vat. t. 60, f. 173, ep. 538 (n. 9569); apud Wadd. l. c. reg. pont. Clem. V n. 39.
1 -
(a) Sisteron sub archiepiscopo Aquen. (Aix), quae ecclesia nunc unita est cum Dignen. seu Dinien. (Digne).
-
(b) Manosque in custodia Arelaten. provinciae Provinciae.
-
(c) Huic monasterio Clemens VI a. 1343 amplum privilegium contulit, quod suo loco exhibebitur.