Général
-
Boniface VIII (1294-1303)
-
Spontaneam F. Porchetti Ordinis Minorum abdicationem ab Archiepiscopali onere omnibus pandit, & Januensis Ecclesiæ collationem sibi reservat. ex Vat. Reg. epist. 429. anni 6.
-
Anno 1300. die 8. Martii.
-
1300
-
BONIFACIUS &c.
Ad futuram rei memoriam.
Dilectus filius Frater P.a Ordinem Fratrum Minorum professus olim Januen. Archiepiscopus ex certis causis oneri, & honori Archiepiscopatus Januen. cui tunc temporis præsidebat, in nostra, & Fratrum nostrorum præsentia constitutus in nostris manibus sponte cessitb; Nos verò cessionem hujusmodi admittentes, & ad votivum statum & prosperum Januen. Ecclesiæ paternæ sollicitudinis studio intendentes, provisionem dictæ Ecclesiæ Januen. hac vice dispositioni nostræ, ac Sedis Apostolicæ reservamus, decernentes ex nunc irritum & inane, si secus per quoscumque scienter, vel ignoranter contra hujusmodi reservationem nostram contigerit attentari. Nulli ergo omnino hominum liceat hanc paginam nostræ reservationis, & constitutionis &c. Datum Laterani VIII. Idus Martii, Pontificatus nostri Anno Sexto.
-
Bullarium Franciscanum romanorum pontificum, tomus IV, n°CLXXXI., pp.501-503
-
(a) Frater P.: Porchettus de quo in superiori 162. hujus Pontificis epistola pag. 482. no. (a).
-
(b) Sponte cessit: Ex iis, quæ Pontifex pronuntiat in epist. Considerantes attentiùs anno 1301. die 17. Augusti exhibenda, admittere non possumus quæ de causa hujus spontaneæ cessionis asseverat Vaddingus ad ann. 1299. n. 3. his verbis: Hic (Porchettus) tamen varias passus est in dignitate vicissitudines cedens aliquando oneri, & Papæ indignationi: Id, quod ex nuper citata epistola suo loco apponenda falsum ostenditur. Quomodo enim Papæ indignationem eum incurrisse dici poterit, quando Pontifex in prædicta epistola summis laudibus extollit grandiæ merita illius probitatis, necnon labores plurimos, ac grata, & accepta servitia, quæ ipse, & illi de Domo sua constanter, & intrepide impenderant?