Général
-
Nicolas IV (1288-1292)
-
Eodem modo adeuntibus illam prædictorum Fratrum Beneventan.1 sed per litteras datas apud Urbem veterem tertio Nonas Julii Pontif. Nostri an. 4. ex cit. ep. 324. n. 16. Reg. Vatic. an. 4.
-
Anno 1291. die 5. Julii.
-
1291
-
Bullarium Franciscanum romanorum pontificum, tomus IV, n°DII., pp.266-267
-
Beneventan.: in Hirpinis urbs Metropolitana antiquitate notissima, & utroque nunc jure ad Summum Pontificem pertinens, in cujus Archiepiscopali Sede quatuor hucusque ex Minorum Instituto sederunt Antistites, quorum primus Frater Monaldus de Monaldeschis Urbevetanus a Suanensi ad hanc Cathedram translatus; secundus Fr. Arnaldus de Bursacco natione Gallus; tertius Fr. Guillelmus de Brundusina ad hanc Ecclesiam regendam assumptus, de quibus Ughellus, nosque fusiùs suo loco; quartus demum Fr. Joannes Baptista Colombini Ticinensis Cœnobii in Januensi Provincia alumnus natus anno 1703. die 23. Aprilis, qui cum varia tam intra, quàm extra Ordinem munera obivisset, videlicet Lectoris in Mediolanensi, ac Januensi sui Ordinis Gymnasiis, Ministri Provincialis in propria Provincia, publici Metaphis. Theol. Dogm. ac Hist. Eccl. Professoris in Regia Cæsarea Ticinensi Universitate, & Procuratoris Generalis Ordinis apud S. Sedem, ad supremam dehinc totius Ordinis Præfecturam evectus, ac insimul Consultoris munere in S. Romana universali Inquisitione decoratus, tandem in ipso generalis gubernii decursu, anno scilicet quinto, a Clemente XIII. feliciter regnante eidem Beneventanæ Ecclesiæ præpositus fuit die 19. Decembris an. 1763. ejusque pretiosam vitam Deus O. M. incolumem hucusque conservat: & hæc, quamquam extra rem nostram, in gratiam tamen Præsulum ex Ordine nostro ad hanc conspicuam Sedem regendam assumptorum; eo vel maxime, ne posteris invidi videamur, ea celando, quæ nostris temporibus evenere. De Conventu nunc O. Min. aliqua adjicere præstat, cujus origo etsi Rodulphium, & Vaddingum lateat, nosque certum ejus fundationi tempus constituere non valeamus, censemus tamen illum initia habuisse vel ante annum 1251. vel ante 1246. quod verius. Legimus namque in Romano Archivo S. Congr. Episc. & Regul. quòd regnante Friderico II. nomine Beneventani Antistitis, & consentiente Thoma Gallucio Maj. Eccl. Canonico, & Eccl. S. Constantii Rectore, Comes Petrus Stampalupo, Vitalis ejus filius, Gofredus del Giudice cum Philippo ejus nato, atque Sandulphus Cantalupus amore ducti, ac veneratione, quibus Seraphicum prosequebantur Institutum, Conventum Fratribus Minoribus concessere cum onere unius Sacri quotidie in perpetuum pro se, suorumque animabus offerendi. Quapropter, cum Fridericus, esto ex hac vita præreptus anno 1250. die 13. Decembris, Imperii tamen gubernacula tenuerit ad annum usque 1245. quo tempore excommunicationis fulmine percussus ab Innocentio IV. tamquam Imperator ab Ecclesia habitus non fuit, hinc, si Conventus Beneventanus tunc Ordini Minorum accessit, cum Fridericus regnabat, clare deducitur, eum vel ante annum 1246. vel ad summum ante an. 1251. Fratribus Ordinis nostri fuisse constructum.
1
Informations
Acte
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 154815 (bullarium-franciscanum-2902), http://telma.irht.cnrs.fr/chartes/bullarium-franciscanum/notice/154815 (mise à jour : 26/01/2021).