Général
-
Nicolas IV (1288-1292)
-
Pallium Pontificale postulatum attribuit, eique Jaderen. Ecclesiam commendat. ex Vatic. Reg. Pontif. epist. 687. n. 2. anni 3.
-
Anno 1291. die 13. Februarii.
-
1291
-
NICOLAUS &c.
Venerabili Fratri Johannia Archiepiscopiscopo Jadren. Sal. & Ap. Ben.
Cum Palleumb insigne videlicet Pontificalis Officiic a Nobis cum ea, qua decuit, instantiad humiliter postulasses, Nos tuis supplicationibus annuentes ipsum de corpore Beati Petrie sumptum tibi per dilectos filios nostros Matthæumf Sanctæ Mariæ in Porticu, Jacobumg Sanctæ Maria in Via-lata, & Petrumh Sancti Eustachii Diaconos Cardinales, præstito a te nostro, & Ecclesiæ Romanæ nomine fidelitatis solitæ juramento,i duximus assignandum, ut illo intra Ecclesiam tuam illis diebus utaris, qui expressi in ipsius Ecclesiæ privilegiis continentur. Ut igitur signum non discrepet a signato, sed quod geris exteriùs, intus serves in mente, Fraternitatem tuam monemus, & hortamur attente, quatenus humilitatem, & justitiam dante Domino, qui dat munera, & præmia elargitur, observare studeas, quæ suum servant, & promovent Servatorem, & Jadrensem Ecclesiam Sponsam tuam cures sollicite actore Domino spiritualibus incrementis, & temporalibus augmentare. Datum apud Urbem veterem Idibus Februarii, Pontificatus nostri Anno Tertio.
-
Bullarium Franciscanum romanorum pontificum, tomus IV, n°CDIX., p.216
-
(a) Joanni: de quo in proxime superiori epistola, & alibi.
-
(b) Palleum: meliùs Pallium, quod ex Durando lib. 3. Ration. cap. 17. n. 3. est de candida lana contextum, habens circulum humeros constringentem, & duas lineas ab utraque parte, videlicet ante & retro pendentes: a sinistris est duplex, a dextris simplex: habet quatuor cruces purpureas. at nunc nigras. scilicet ante, & retro, a destris, & a sinistris. Du-Cange in Gloss. ad hanc vocem.
-
(c) Pontificalis officii: olim solùm Summis Pontificibus, Patriarchis, Primatibus, & Metropolitanis proprium: decursu verò temporis Episcopis quoque interdum fuit concessum, teste Du-Cange supra relato. Hoc autem de Latinis tantùm est accipiendum; apud Græcos enim omnibus Episcopis indiscriminatim conceditur.
-
(d) Instantia: Antiquitus nonnisi ad Apostolorum limina venientibus, & instanter postulantibus dabatur, ut apud Gregorium Magnum l. 7. Ind. I. epist. 5. Postmodum missum legitur per Legatos Sedis Apostolicæ apud eumdem Gregorium Magnum cit. Tandem etiam per Procuratores, ut in Cærem. Romano.
-
(e) De Corp. B. Petri: Eatenus hujusmodi Pallia de corpore B. Petri sumpta dicuntur, quia postquam contexta sunt ex ea lana, quæ tonditur a duobus agais quotannis oblatis a Religiosis viris Monasterii S. Agnetis super Altare, & in die festo ejusdem Sanctæ, deferuntur per Subdiaconos Apostolicos ad Basilicam Principis Apostolorum, ibique per Canonicos Basilicæ reponuntur sub Altari Majori super corpora SS. Petri & Pauli, ubi factis de more vigiliis, illa per noctem dimittunt, deinde Subdiaconis restituunt, qui in loco honesto ea conservant. Cærem. Rom. lib. 1. sect. 10.
-
(f) Matthæum: Rubeum Ursinum.
-
(g) Jacobum: Columnam Odonis filium.
-
(h) Petrum: itidem Columnam Joannis filium.
-
(i) Juramento: Hujus fidelitatis juramentum primus emisit Henricus Archiep. Aquilejæ in Conc. Rom. 6. ut apud Labbeum his verbis: Se non fore nec in Concilio, nec in facto, ut Papa Gregorius, successoresque ipsius vitam, aut membra, aut Papatum perdant, aut capti sint mala captione. Hæc autem fidelitatis formula circa sæculi undecimi medium substituta fuit professioni fidei, quam antea exigebat Concilium Ravennatense Can. 1. sub Joanne VIII.