Général
-
Nicolas IV (1288-1292)
-
Adeuntibus orationis causâ Ecclesiam Patavin. Fratrum Ord. Minor. certis annis diebus Indulgentiam elargitur. ex Vatic. Reg. Pont. epist. 272. anni 3.
-
Anno 1290. die 23. Augusti.
-
1290
-
NICOLAUS &c.
Universis Christifidelibus præsentes litteras inspecturis Sal. & Ap. Ben.
Licet is, de cujus munere venit &c.a. Cupientes igitur, ut Ecclesia dilectorum filiorum Ordinis Fratrum Minorum Paduan.b in honorem Beati Antonii dedicata congruis frequentetur honoribus, & devotis reverentiis veneretur, omnibus vere pœnitentibus, & confessis, qui Ecclesiam ipsam in singulis Beatæ Mariæ Virginis, Sanctorum Francisci, Antonii, & Beatæ Claræ festivitatibus, & per octo dies &c.c Datum apud Urbem veterem X. Kalendas Septembris, Pontificatus nostri Anno Tertio.
-
Bullarium Franciscanum romanorum pontificum, tomus IV, n°CCCII., p.171
-
(a) Venit &c.: ut in ep. 99. die 29. Martii superioris anni data usque ad aptiores.
-
(b) Paduan.: seu Patavin. italice Padova urbis notissimæ. Hìc, ut aliàs innuimus, fertur S. ipsum Parentem Conventum suis obtinuisse. Sed extra omnem dubii aleam est D. Antonio obtigisse vetustum quoddam Junonis Fanum tunc primùm a Jacobo Conrado Episcopo Deiparæ Virgini dicatum: Hoc ipsum deinceps, ab an. nempe 1231. quo S. Antonius migravit e vita, in augustissimi, ac celeberrimi Templi formam magno sumptu elatum, ob sacras Viri hujus Apostolici exuvias anno 1263. in novo Templo asportatas S. Antonii nomen obtinuit, ut ad eum annum habet Vaddingus n. 7.
-
(c) Octo dies &c.: ut in supracitata epistola usque in finem.
Informations
Acte
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 154615 (bullarium-franciscanum-2702), http://telma.irht.cnrs.fr/chartes/bullarium-franciscanum/notice/154615 (mise à jour : 26/01/2021).