Général
-
Clément IV (1265-1268)
-
Aliqua se recepisse scribit, & alia apud eos deposita ad se transmitti mandat. (Ex Archivo Assisiati Conventus Sancti Francisci apud Autorem Operis Collis Paradifi libro 2. pag. 33.)
-
Anno 1268. die 27. Junii.
-
1268
-
CLEMENS &c.
Dilectis Filiis ‥ Custodia , & Fratribus Minoribus de Assisio Salutem, & Apostol. Benedictionem.
Recepimus Arma, & alia, quæ per Nuntium Nostrum, sicut vobis mandavimus, destinastis. Unde cum adhuc indigeamus quibusdam armaturisb, quæ sunt in scriniis penes vos de mandato Nostro depositis; volumus, & per Apostolica vobis scripta mandamus, quatenus easdem armaturas per dilectum Filium Magistrum Albertum de Parmac scriptorem Nostrum latorem præsentium Nobis, visis præsentibus, destinetis.d
Datum Viterbii v. Kalendas Julii, Pontificatus Nostri Anno Quarto.
-
Bullarium Franciscanum romanorum pontificum, tomus III, n°CLXXIII., pp.160-161
-
(a) Custodi: Qui aliis in Cœnobiis Guardianus appellatur, ut etiam notavimus ad 327. epistolam Gregorii IX. Cupientes nobis &c. not. (f).
-
(b) Armaturis: Nempe vel armorum habitibus, vel ipsis armis.
-
(c) Albertum de Parma: Legationibus etiam extra Italiam celebrem.
-
(d) Destinetis: De his, aliisque rebus Romanæ Ecclesiæ Assisii olim apud nostros depositis, & asservatis dictum est jam ad Alexandri Papæ IV. epistolam 108. Cum fel. recordat. &c. anno 1255. die 24. Septembris datam not. (c); addamque ex nostro Salimbene Parmensi autore coævo in Chron. Ms. pag. 277. asserente Fr. Eliam Ministrum Generalem habitasse Assisii in Palatio Gregoriano, qui & subjungit: fecerat enim Papa Gregorius IX. magnum Palatium fieri in loco Fratrum Minorum de Assisio tum propter honorem Beati Francisci, tum etiam ut ibi habitaret, quando veniret Assisium.
Informations
Acte
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 153826 (bullarium-franciscanum-1913), http://telma.irht.cnrs.fr/chartes/bullarium-franciscanum/notice/153826 (mise à jour : 26/01/2021).