Général
-
Clément IV (1265-1268)
-
Ut Episcopalem Sedem e Sidonien. ad Insulam Gadicen. transferat, & Diœcesim ei limitare procuret. (Ex Reges. Vatic. ep. 203. tom. 3. ann. 1. teste etiam Raynaldo ad hunc ann. num. 34.)
-
Anno 1266. die 2. Februarii.
-
1266
-
CLEMENS &c.
Cum tibi ad supplicationem Carissimi in Christo filii nostric ‥ Regis Castellæ ac Legionis Illustris in Romanorum Regem Electi fel. record. Urbanus Papa d prædecessor noster suis sub certa forma dederit litterise in mandatis, ut Episcopalem Sedem, quæ apud Civitatem Sydonamf sita in Regno Ispalen. quam idem Rex tunc noviter Divina propitiante clementia de Sarracenorum eripueratg manibus, & ad cultum nominis Christiani reduxerat, fuit antiquitus, antequam partes illæ occuparentur ab inimicis hujusmodi nominis Christiani; transferens ad Insulam Gadicen.h, ad locum Galiz dictæ Civitati vicinum, videlicet apud Ecclesiam Sanctæ Crucis loci ejusdem, ac Ecclesiam ipsam in Cathedralem erigere, & locum eumdem Civitatem constituere, ac prædictæ Ecclesiæ personam idoneam, eidemque Regi acceptam in Episcopum & Pastorem, postquam idem Rex, prout in proposito gerere dicitur, honorificè prædictam Ecclesiam Regia liberalitate dotasset, præficere procurares: quia per easdem litteras ante ipsius prædecessoris obitum nullus, ut dicitur, habitus est processusi; Nos ad ejusdem Regis instantiam Fraternitati Tuæ per Apostolica scripta mandamus, quatenus præmissa executioni debitæ demandare procures juxta formam tibi traditam per ipsius prædecessoris litteras supradictas; ac postmodum vocatis, qui fuerint evocandi, Diœcesim, quam per te in hujusmodi litteris prædictæ Ecclesiæ idem prædecessor assignari mandavit, adhibito ad hoc Prælatorum & Virorum Religiosorum illarum partium consilio, secundum Chronica, & Historias veteres, ac libros antiquos, & alias; prout expedire videris, Deum habendo præ oculis limitare procures. Contradictores per censuram Ecclesiasticam appellatione postposita compescendo juxta litterarum continentiam earumdem. Non obstante si est aliquibus ab Apostolica Sede indultum, quod interdici, suspendi, vel excommunicari non possint per litteras Apostolicas, quæ de Indulto hujusmodi plenam & expressam non fecerint mentionem; sive qualibet alia Indulgentia Sedis ejusdem, de qua cujusque toto tenore de verbo ad verbum oporteat in nostris litteris plenam & expressam mentionem fieri; & per quam effectus præsentium impediri valeat, vel differri.
Datum Perusii iv. Nonas Februarii, Pontificatus Nostri Anno Primo.j
-
Bullarium Franciscanum romanorum pontificum, tomus III, n°LXIV., p.71
-
(a) Ven. fratri ‥: Dominico ex Ord, Min. anno 1263. ab Urbano IV. promoto per litteras Cunctarum Ecclesiarum &c. die 30. Julii emissas.
-
(b) Abulen.: In Hispania, veterique Castella, ut in prædictis litteris.
-
(c) Filii nostri ‥: Alphonsi X. dicti Sapientis.
-
(d) Urbanus Papa: Quartus hujus nominis.
-
(e) Litteris; Quæ non extare creduntur.
-
(f) Sydonam: Consule not. (h) ad epist. Olim fel. record. &c. anno sequenti die 27. Maji datam.
-
(g) Eripuerat: Circa annum 1263.
-
(h) Gadicen.: A Sidonia 4. leucis distantem in occasum.
-
(i) Processus. Ob oppositionem Ecclesiæ Hispalen., uti testatur Pontifex in cit. ep. Olim fel. record. &c.
-
(j) Episcopus Abulen. Pontificis jussionem exequutus est, elegitque Fr. Joannem Martini Ord. Min. prædicto Regi acceptum Gadicen. Ecclesiæ præficiens; sed electioni opponente Archiepiscopo Hispalen., & illius Ecclesiæ Capitulo, rem Pontifex decidendam Conchen. & Corduben. Episcopis ex cit. epist. Olim fel. record. &c. relata commisit.