« bullarium-franciscanum-1000 »

ALEXANDER &c.

Dilectis in Christo Filiabus ...a Abbatissæ, & Conventui Monasterii Sancti Damiani Asisinat.b Salutem, & Apostolicam Benedictionem.

Cum a nobis petitur &c.c Olim inter vos ex parte una, & Venerabilem Fratrem nostrum ...d Asisinat. Episcopum, dilectos filios Capitulum Ecclesiæ Sancti Rufinie, & Rectorem Ecclesiæ & Hospitalis Sancti Georgii Asisinatisf ex altera super facienda permutatione de Ecclesia, loco, & terra Monasterii Sancti Damiani, in quo nunc degitis, cum prædictis Ecclesia, & Hospitali Sancti Georgii, & pertinentiis eorumdem contentione subortag, dilectus filius noster Johannes Tituli Sancti Laurentii in Lucinah Presbyter Cardinalis, cujus arbitrio, & ordinationi amicabiliter vos, & pars altera submisistis, partium voluntatibus, & utriusque loci extimatione per bonos viros facta plenius intellectis, super hoc arbitrium promulgavit, prout in publico instrumento confecto exinde plenius continetur. Præterea dilectus filius Magister Leonardus ejusdem Cardinalis Capellanus dilectum filium Venturam Magistri Johannis Yconimum, Sindicum, & Procuratorem vestrum de prædicti Cardinalis mandato, in Ecclesiæ, & Hospitalis Sancti Georgii prædictorum, ac eorumdem pertinentiarum, in hujusmodi arbitrio expressarum corporalem possessionem vestro nomine inducere procuravit; sicut habetur in confecto exinde publico instrumentoi. Nos itaque vestris precibus inclinati, quod super præmissis factum est, ratum, & firmum habentes; ac defectum, si quis in eo extitit, supplentes de plenitudine potestatis illud auctoritate Apostolica confirmamus, & præsentis scripti patrocinio communimus. Verum quia, sicut accepimus, inter Procuratorem vestrum, & Capitulum prædictæ Ecclesiæ Sancti Rufini inter cetera dicitur esse actum, & conventionibus, ac pactionibus roboratum, ut certus dumtaxat Fratrum numerus apud præfatam Sancti Georgii Ecclesiamj, quæ vobis ex prædicta permutatione conceditur, debeat pro tempore retineri, & non nisi unica ibidem Campana suspendi; Nos nolentes per hæc, vel alia, quæ in eisdem conventionibus, vel pactionibus venisse noscuntur, loci ejusdem, vel eorum, qui eum inhabitaverint, libertatem in præmissis, vel aliis aliquatenus impediri; illa decernimus viribus omnino carere; hiis tantummodo, quæ in memorati Cardinalis continentur ordinatione, seu arbitrio, in suo robore permansuris. Eorumdem autem instrumentorum tenores de verbo ad verbum præsentibus inseri fecimus ad cautelam; Qui tales sunt. “In Dei nomine. Amen. Cum contentio verteretur inter ... Abbatissam, & Sorores Sancti Damiani Asisinat. ex una parte, & Venerabilem Patrem ... Episcopum Asisinat. & Capitulum Sancti Rufini; & Rectorem Hospitalis Sancti Georgii ... ejusdem ex altera super permutatione facienda de Ecclesia, & loco, & terra Sancti Damiani, in quibus dictæ Sorores habitant, cum Ecclesia Sancti Georgii, & Hospitali ibidem sito cum pertinentiis eorumdem; cui Ecclesiæ, & loco Sancti Damiani isti sunt fines; Primo vinea domini Morici Tedaldi: a Secundo Terra Angeli Johannis Dominici: a tertio terra filii sanguinei: a quarto terra Johannis Guarneri; & cui Ecclesiæ Sancti Georgii, & Hospitali, & loco isti sunt fines; primo, & secundo via: tertio, & quarto possessiones Sancti Rufini: tandem omnes prædicti in Nos Johannem Tituli Sancti Laurentii in Lucina presbyterum Cardinalem committere curavere; & nostro arbitrio, & ordinatione se supposuere, ut instrumentis exinde confectis plenius continetur. Nos autem visis, & intellectis, ac auditis voluntatibus partium; & intellecta æstimatione plenarie utriusque loci facta per bonos viros & legales; sic dicimus, & arbitramur; & providendum duximus; videlicet quod damus & concedimus, & adjudicamus Episcopo prædicto Ecclesiam Sancti Damiani cum duodecim stariis terræ ibidem positis libere, & absolute, secundum quod ad Episcopatum pertinebat, cum juribus suis, antequam ipsis Sororibus assignaretur. Damus etiam, & concedimus eisdem Sororibus Ecclesiam Sancti Georgii cum juribus, & pertinentiis suis libere, & absolute in omnibus, & per omnia in singulis, & per singula, quemadmodum habebant Ecclesiam Sancti Damiani; hoc excepto, quod volumus, & mandamus, quod prædictæ Abbatissa, & Sorores dent Episcopo Asisinat. annuatim decem & octo denarios Lucensesk ratione prædictæ Ecclesiæ Sancti Georgii, cum dictos denarios percipere consueverit in eadem. Dicimus etiam, & volumus, & ordinamus, ut Abbatissa, & Moniales Sancti Damiani dent, & solvant sex libras Lucenses, Domino Episcopo Asisinat. pro deterioramento possessionum de hædifitiis ibidem destruendis, si contingat ea destrui per easdem. Item dicimus, & laudamus, quod detur ex parte Abbatissæ, & Monialium Capitulo Sancti Rufini pro hædifitiis dictæ Ecclesiæ Sanctæ Georgii, & terris, sive ortis ibidem positis ad eandem Ecclesiam pertinentibus ducentas triginta septem libras Lucenses. Damus etiam, & assignamus Hospitale prædictum cum omnibus suis hædifitiis, & cum tribus modiolis terræ, secundum quod superius clauditur, minus prædictis terris, & ortis ad dictam Ecclesiam S. Georgii pertinentibus ipsis Abbatissæ, & Sororibus Sancti Damiani, pro quibus hædifitiis Hospitalis prædicti, & tribus modiolis terræ prædictis volumus, & mandamus, quod prædicta Abbatissa, & Sorores dent hospitalario seu Rectori dicti hospitalis, cum inferiori temperamento, octingentas & sexdecim libras Lucenses; cujus hospitalarii, seu Rectoris nomine volumus, quod Johannes de Asisio Cappellanus noster, Adamucius, & Scangnus dictus Guastalarte cives Asisinat. prædictam recipiant pecuniam, & locum acquirant congruum, & ydoneum, consilio, & voluntate Prioris Sancti Rufini, & hospitalarii, seu Rectoris prædicti, in aliqua parte civitatis, in qua Hospitale fiat de prædicta pecunia; & emantur etiam possessiones ipsi hospitali, ut pauperes possint ibi comode gubernari; sicut in hospitale Sancti Georgii gubernabantur, vel poterant gubernari. Item volumus, & ordinamus, & arbitramur, ut Prior, & Capitulum Sancti Rufini habeant omne jus, & jurisdictionem, & dominium, & possessionem, & visitationem, & correctionem, & institutionem, & destitutionem, & omnia alia in omnibus, & per omnia in hospitali sic constructo, seu construendo, secundum quod habebant in prædicto hospitali Sancti Georgii. Item volumus, & arbitramur, ut prædicta Abbatissa, & Sorores possint, si voluerint, hædifitia domorum S. Damiani diruerel, & ad locum S. Georgii asportare, corpore prædictæ Ecclesiæ Sancti Damiani in suo statu integre remanente. Hæc omnia supradicta, universa, & singula dicimus, & laudamus, statuimus, & arbitramur, sententiamus, & in scriptis pronuntiamus partibus præsentibus, sub pœna in compromisso apposita per eosdem: Nobis nihilominus reservantes plenariam potestatem, prædictum arbitrium exponendi, seu interpretandi, si necesse fuerit, quotiens aliquod ambiguum versum fuerit inter partes. Laudatum, ordinatum, statutum, arbitratum, sententiatum, & in scriptis pronuntiatum est a præfato Domino Cardinali apud Ecclesiam Sancti Pauli de Asisio ipsius partibus præsentibus: quibus omnibus interfuerunt Dominus Moricus Sutrinus Episcopusm, Magister Leonardus Clericus dicti Domini Cardinalis, Dominus Oradinus Canonicus de Spello, Dominus Johannes Canonicus Firmanus, & Cappellanus dicti Domini Cardinalis, Jacobus Pauli Scisii, Testa Petri Tedaldi Testes ad hæc vocati sub Anno Domini millesimo ducentesimo quinquagesimo tertio Indictione undecima die Kalendarum Octobris, tempore Domini Innocentii Papæ Quarti. Ego Fidantia Apostolica Auctoritate Notarius hiis omnibus interfui, & ut supra legitur, dictum laudum de mandato dicti Domini Cardinalis scripsi, & publicavi.

“In Dei nomine Amen. Anno Domini millesimo ducentesimo quinquagesimo tertio. Indictione xi. die v. Octobris intrantis tempore Domini Innocentii Papæ Quarti. Cum Venerabilis Pater Dominus Johannes tituli Sancti Laurentii in Lucina Presbyter Cardinalis Magistro Leonardo Cappellano suo dederit in mandatis, ut Procuratorem Sancti Damiani de Asisio in his, quibus ab ipso Domino Cardinali laudatum, pronuntiatum, & arbitratum est super Ecclesia Sancti Georgii de Asisio, & hospitale ibi prope posito, & terram circa ipsum hospitale adstantem in quantitate expensa in laudo seu arbitrio dicti Cardinalis, ut plenius liquet, adjudicatis Dominabus S. Damiani, & Domino Venturæ Magistri Johannis Yconomo, Sindico & Procuratori earundem Dominarum pro eisdem recipienti: Idem Magister Leonardus nolens mandatum tanti Domini surdis auribus præterire personaliter accedens ad locum Sancti Georgii nominati & ipsum Dominum Venturam Procuratorem recipientem pro ipsis Dominabus in dicto Hospitali, & Ecclesia Sancti Georgii, & in possessionem terræ, sicuti adjudicata sunt ipsis Dominabus, dictum Dominum Venturam induxit, & in corporalem possessionem pro ipsis Dominabus posuit de prædictisn. Actum est hoc apud dictam Ecclesiam Sancti Georgii; quibus omnibus fuerunt Testes rogati & vocati Dominus Leonardus de Sancto Nicolao, Bozonus Guidi, Aldebrandinus Perusii, Uguitionus Hugolini, & Angelus Johannis Fulizani, & Magister Leonardus prædictus investitor sub anno Domini m. cc. quinquagesimo tertio Indictione undecima die quinta Octobris intrantis tempore Domini Innocentii Papæ iiii. Ego Fidantia Apostolica Auctoritate Notarius hiis omnibus interfui, & ut supra de mandato dicti Magistri Leonardi, & Domini Venturæ præfati scripsi, & publicavi;” Nulli ergo omnino hominum liceat hanc paginam nostræ suppletionis, & confirmationis infringere; vel ei ausu &c.

Datum Neapoli v. Id. Martii. Pontificatus Nostri Anno Primo.