Général
-
Innocent IV (1243-1254)
-
Æstimationem quamdam domorum, locorumque pro Conventus Spoletini O. M. ædificio factam jubet, ut observare faciat, Fratribusque faveat. (Ex Regesto Vatic. epist. 573. anno 11.)
-
Anno 1254. die 1. Aprilis.
-
1254
-
INNOCENTIUS &c.
Venerabili Fratri a ‥ Episcopo Spoletan. Salutem, & Apostolicam Benedictionem.
Dilecti Filii Minister, & Fratres Minores de Spoletob Nobis insinuare curarunt, quod cum de communi consensu speciale, ac generale Consilium Civitatis Spoletanæ quasdam domos, & casalina cum plateis, sine quibus domus Fratrum ipsorum ædificaric commodè non valebant, per duos viros idoneos, & discretos Civitatis ejusdem ad id specialiter deputatos fecerint æstimari; prout in publicis Instrumentisd exinde confectis plenius continetur: Fraternitatem tuam rogamus, monemus, & hortamur attentè mandantes, quatenus ob reverentiam Apostolicæ Sedis, & nostram, æstimationem hujusmodi faciens juxta tenorem Instrumentorum ipsorum inviolabiliter observari; eisdem Ministro, ac Fratribus super iis, & aliis exhibere te studeas favorabilem, & benignum; preces, & mandatum nostrum taliter impleturus, quod exinde devotionis tuæ promptitudinem meritò commendemus.
Datum Laterani Kalendis Aprilis Pontificatus Nostri Anno Undecimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°DXXXIX., pp.719-720
-
(a) Ven. Fratri ....: Bartholamæo, de quo Ughellus agit tom. I. Ital. sac., & nos non semel in not. ad plures Pontificias epistolas.
-
(b) Fratres Minores de Spoleto: Ubi jam ab anno 1213. locum obtinuerant ex Waddingo ad eum ann. n. 7.
-
(c) Ædificari: Seu ampliari, vel ad alium locum excitari futura Custodiæ Vallis Spoletanæ 2. domus in Provincia S. Francisci seu Umbriæ ex cit. veteri Provinciali Ordinis.
-
(d) In publicis Instrumentis: Quæ a nobis adhuc desiderantur.