Général
-
Innocent IV (1243-1254)
-
Sororum in earum Monasterio vota Religionis profitentium bona quæcumque, ac si essent in seculo, percipere, & retinere posse concedit. (Ex Authographo in Archivo Monasterii Montis Sancti nunc S. Francisci Tuderti extante sub plumbo.)
-
Anno 1250. die 11. Maji.
-
1250
-
INNOCENTIUS &c.
Dilectis in Christo filiabus ‥ Abbatissæ, & Conventui Monasterii S. Mariæ Montis Sancti Tudertin. a Ordinis S. Damiani Salutem, & Apostolicam Benedictionem.
Devotionis vestræ precibus inclinati, ut bona mobilia, & immobilia, quæ liberas personas Sororum ad Monasterium vestrum Mundi relicta vanitate volantium, & professionem facientium in eodem contigissent de jure, si remansissent in seculo, percipere, ac retinere, exceptis rebus feudalibus, liberè valeatis, vobis auctoritate præsentium indulgemus. Nulli ergo omnino hominum liceat hanc paginam nostræ concessionis infringere, vel ei ausu temerario contraire. Si quis autem hoc attentare præsumpserit, indignationem Omnipotentis Dei, & Beatorum Petri, & Pauli Apostolorum ejus se noverit incursurum.
Datum Lugduni v. Idus Maii Pontificatus Nostri Anno Septimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXXVII., pp.543-544
-
(a) S. Mariæ Montis Sancti Tudert.: Pro quo loco videas Bullam Religionem Monialium &c. anno 1244. die 30. Maji emissam; & aliam hoc anno 1250. die 16. Junii, Cum sicut nobis &c. aliasque plures a venerabili loco nobis humanitate summa subministratas.