Général
-
Innocent IV (1243-1254)
-
Sororibus Damianitis Favent. confirmat exemptionem Episcopi illius urbis eisdem factam. (Regest. Vatican. epist. 242., & ex eo Waddingus ad hunc annum num. 66.)
-
Anno 1247. die 26. Augusti.
-
1247
-
INNOCENTIUS &c.
Dilectis in Christo Filiabus Abbatissæ, & Conventui Pauperum Monialium inclusarum a Monasterii Sanctæ Mariæ de Virginibus Ordinis S. Damiani Faventinæ Diœcesis Salutem, & Apostolicam Benedictionem.
Solet annuere Sedes Apostolica piis votis, & honestis petentium precibus favorem benevolum impartiri. In litterisb siquidem bonæ memoriæ Albertic Faventini Episcopi perspeximus contineri, quod ipse divinæ pietatis obtentu Monasterium vestrum cum personis, & possessionibus suis ab omni Episcopali jure, tam in spiritualibus, quam temporalibus duxit perpetuò eximendum, nihil sibi præter Ecclesiastica Sacramenta, & unam libram ceræ annis singulis reservando. Verum cum Faventini Canonici moniti, & rogati suum super hoc noluerint præstare consensum; Nos ad instar fel. record. Gregoriid Prædecessoris nostri de potestatis plenitudine illorum supplentes in hac parte defectum vestris piis precibus inclinati, quod super hoc factum est in hac parte ab Episcopo memorato, auctoritate Apostolica confirmamus, & præsentis Scripti patrocinio communimus. Non obstante, si libertatis indulta, quæ ab Episcopo simul & Capitulo prius concessa sunt, vobis in his contradicere in aliquo videantur. Nulli ergo omnino hominum liceat hanc paginam nostræ suppletionis, & confirmationis infringere, vel ei ausu temerario contraire. Si quis autem hoc attentare præsumpserit, indignationem Omnipotentis Dei, & Beatorum Petri, & Pauli Apostolorum ejus se noverit incursurum.
Datum Lugduni vii. Kal. Septemb. Pontificatus Nostri Anno Quintoe.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXXXVIII., p.489
-
(a) Pauperum Monialium inclusarum: Ita primitus audiebant Clarissæ.
-
(b) In litteris: Quæ quidem desiderantur.
-
(c) Alberti: De quo Ughellus tom. 2. Ital. sac. in Faventin. Episc.
-
(d) Gregorii: IX., cujus litteræ de hac re datæ anno 1235. die 22. Martii leguntur supra ad eum annum iisdem verbis, ac istæ.
-
(e) Huic porro Monasterio accessio facta est anno 1254., ut ex litteris Alexandri IV. Cum a nobis anno 1255. datis, quæ insra sub die 20. Januarii exhibentur.