Général
-
Innocent IV (1243-1254)
-
Imperat, ut quascumque censuras Ecclesiasticas a suo Legato contra Græcorum injurios latas ratas habeant, & observari faciant. (
Regest. Vatican.epist. 4., al. 1004., & indeWaddingusin Annal. Minor. ad hunc annum num. 10.) -
Anno 1247. die 3. Augusti.
-
1247
-
INNOCENTIUS &c.
Venerabilibus Fratribus Patriarchis, Archiepiscopis, & Episcopis tàm Latinis, quàm Græcis in Partibus Orientis Salutem, & Apostolicam Benedictionem.
Censuram Ecclesiasticam debitum ubique robur obtinere volentes præsentium vobis auctoritate mandamus, quatenùs si Dilectus Filius Frater Laurentiusa de Ordine Fratrum Minorum, Pœnitentiarius Noster, Apostolicæ Sedis Legatus auctoritate Legationis suæ aliquas contra Latinos, exceptis tamèn Patriarchis, Archiepiscopis, & Episcopis, pro evidentibus injuriis, seù molestiis,b quas indignè Græcis inferunt, & debitam super illis satisfactionem præstare renuerint moniti diligentèr; aut in Græcos eosdem pro ipsorum excessibus manifestis suspensionis, vel interdicti, aut excommunicationis sententias duxerit promulgandas; singuli vestrum in suis Civitatibus, & Diœcesibus ad requisitionem ipsius faciatis easdem usque ad satisfactionem condignam Auctoritate Nostra inviolabilitèr observari.
Datum Lugduni iii. Nonas Augusti, Pontificatus Nostri Anno Quinto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXXIV., pp.475-476
-
(a) Fr. Laurentius: Ad quem sunt litteræ legationis datæ hoc anno die 4., 24. Aprilis, ac 5. Junii supra relatæ, & 7. Augusti infra legendæ.
-
(b) Injuriis, seu molestiis: Concinat huic epistolæ alia ejusdem Pontificis data anno 1250. die 21. Julii Episcopo Tusculano A. S. Legato in Oriente, quæ infra legi poterit Venerabilis Fratris nostri &c.; ante quam tamen extat & illa Satis exister et &c. anno 1243. die 4. Junii ad eum scripta.