« bullarium-franciscanum-400 »

INNOCENTIUS &c.

Dilectis Filiis universis Inquisitoribus Hæreticorum in Provincia Narbonen., & in partibus Albigen. a , ac in toto Regno Franciæ constitutis Salutem, & Apostolicam Benedictionem.

Inter cetera, quæ Nobis incumbunt, Nostra quotidiana instantia existit, ut ad propagationem Orthodoxæ fidei totis affectibus intendamus. Volentes igitur iis, qui pravitatis hæreticæ vitio sunt infecti, omnem occasionem auferre, quominus ad lumen veræ fidei sine moræ dispendio revertantur: præsentium vobis auctoritate mandamus, quatenus in singulis locis, ad quæ vos causa Inquisitionis hujusmodi pervenire contigerit, omnes hæreticos, vel credentesb, seu quocumque alio nominec censeantur, qui non condemnati, neque convicti, vel in jure confessi, sed sua spontanea voluntated redire voluerint ad Ecclesiasticam unitatem, auctoritate Nostra recipiatis, nulla eis pœna imposita publica, vel privata, Ecclesiastica, seu mundana; idque faciatis per eadem loca statim, cum ad ipsa veneritis, publicè nunciari, præfigentes in singulis locis terminum competentem, infra quem redire debeant; si fuerit eis divinitus inspiratum. Si verò post hujusmodi terminum tales fuerint in eodem vitio deprehensi, contra ipsos utpotè salutis propriæ contemptores asperiùs, prout expedire videritis, procedatis; invocato ad id, si necesse fuerit, auxilio brachii secularis.

Datum Laterani ii. Idus Decembris, Pontificatus Nostri Anno Primo.