Général
-
Grégoire IX (1227-1241)
-
Hortatur, & committit Episcopo Senensi, ut curet Fratres Minores transferri ad Ecsiam Sancti Petri ad Ovile. (Ex
AuthographoArchivi Conventus Sancti Francisci Senarum.) -
Anno 1236. die 27. Octobris.
-
1236
-
GREGORIUS &c.
Venerabili Episcopo a Senensi Salutem, & Apostolicam Benedictionem.
Dilecti filii Fratres Minores Senensesb Nobis humiliter supplicarunt, ut cum locus, in quo morantur, eorum habitationi non modicum ineptus existat; ipsique ad Ecclesiam Sancti Petri ad Ovile c Senensis, quæ in hoc eis aptior reputatur, cupiant se transferre; ipsis per te eamdem assignari Ecclesiam faceremus. Volentes ergo prædictos Fratres, quantum cum Deo possumus, Apostolico favore fovere, Fraternitatem tuam monemus, rogamus, & hortamur attentè per Apostolica Scripta præcipiendo mandantes, quatenus Presbyteris in ea existentibus in æquivalenti, vel meliori alterius Ecclesiæ beneficio providere; ac ejus Parochianos, & alia bona ipsius alteri Ecclesiæ, prout secundum Deum expedire noveris, deputare procurans, dictam Ecclesiam Sancti Petri cum platea ante illam posita, & tantum de ipsius vinea, quantum dictis Fratribus ad hortum faciendum sufficiat, Divinæ retributionis obtentu, & ob reverentiam Apostolicæ Sedis, & nostram liberaliter conferas, & libenter; Ita quod ex hoc devotionem tuam possimus non immeritò commendared.
Datum Reate vi. Kal. Novembris Pontificatus Nostri Anno Decimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCXI., p.206
-
(a) Episcopo: Bonfilio, de quo Ughellus to. 3. Italiæ sacræ in Senen. tradit, anno 1244. eum Senas evocasse Fratres Prædicatorum, & Minorum Ordinum contra hæreticam pravitatem Inquisitores; eisque vices suas commisisse litteris dat. 15. kalend. Februarias.
-
(b) Fratres Minores Senenses: Qui jam ab anno 1226. locum in urbe obtinuerant recipiente S. P. Francisco a Domino Bonaventura, teste Waddingo ad eum annum num. 7. ex Rodulphio lib. 2. fol. 261., estque caput
Custodiæsui nominis in divisione Provinciarum Ordinis anno 1260. a S. Bonaventura in Comitiis Narbonen. facta; & in veteriProvincialiOrdinis apud Polychronicon, & Barthol. Pisanum Conform. xi. -
(c) Ad ecclesiam S. Petri ad Ovile: Hujus diplomatis meminit Massiccius Philomatus lib. de Arbore S. Francisci serm. 4.
-
(d) Commendare: Idque Episcopus executioni mandavit; & locum adhuc incolunt PP. Minores Convent., etsi Ecclesia anno 1326. funditus renovata fuerit ex. cit. Waddingo, & denuo nostris temporibus.