Général
-
Grégoire IX (1227-1241)
-
Concedit Privilegia FF. Minoribus ad Terras Infidelium proficiscentibus. (Ex Speculo Ordinis tract. 1., & Monum. Ord. Min. apud
Waddingumin Annal. num. 7., & Rodericum in Bullario Regul. Bul. 7. Firmamentaque trium Ordin. part 2. tract. 1. fol. 12.) -
Anno 1233. die 17. Maji.
-
1233
-
GREGORIUS &c.
Dilectis filiis Fratribus Ordinis Minorum in Terras Saracenorum, & Paganorum proficiscentibus Salutem, & Apostolicam Benedictionem.
Pro zelo Fidei Christianæ, & pro illuminatione Gentium in ignorantia, ac erroris ambulantium cœcitate peregrinationem vobis assumentibus, & ad exteras regiones, præsentium vobis auctoritate concedimus, ut proponere verbum Dei, & illarum partium homines per ministerium exhortationis vestræ convertere, ad unitatem Fidei Christianæ venire cupientes recipere, ac baptizare possitis; & Ecclesiæ Sacrosanctæ filiis aggregare; aggregatos insignire charactere Clericali; ac eos, qui per apostasiam, schisma, vel hæresim a Christiani confessione nominis recedentes inter Saracenos habitant, absolvere, & reconciliare per gratiam pœnitentiæ salutaris, si ad obedientiam Ecclesiæ Romanæ in humilitatis Spiritu duxerint redeundum.
Datuma xvi. Kalend. Julii Pontificatus Nostri Anno Septimob.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CI., p.103
-
(a) Datum: Supple Laterani, ubi degebat Pontifex ex aliis ejus litteris.
-
(b) Hanc epistolam iterum scripsit. anno 1238. die 30. Januarii, & 13. Aprilis, renovavitque Innocentius IV. anno 1250., ut infra.