Général
-
Pascal II (1099-1118)
-
L'abbesse du monastère Saint-Jean de Mantoue, Pome et ses sœurs.
-
Dat. V Idus Madii. Anno MCVII.
-
-
Latran
-
Bulle (ad perpetuam rei memoriam)
-
[Autre copie médiévale] B. ITALIE, Milan, Archivio di Stato. Beglaubigte Copialurkunde des 14 Jahrh.
-
Ici reprise de Julius von Pflugk-Harttung, Acta pontificum Romanorum inedita. Urkunden der Päpste vom Jahre 748 bis zum Jahre 1197, II, Stuttgart : W. Kohlhammer, 1884 [en ligne], n. 227, p. 189-190.
-
Philippe Jaffé, Wilhelm Wattenbach, Samuel Loewenfeld, Ferdinand Kaltenbrunner, Paul Ewald, Regesta pontificum Romanorum ab condita ecclesia ad annum post Christum natum MCXCVIII, 2e éd. Leipzig, : Veit, 1885-1888, 2 vol., n. 6133 [en ligne].
-
Paschalis II nimmt das Kloster San Giovanni di Mantova in apostolischen Schutz, und bestätigt seine Güter und Besitzthümer, wofür es jährlich zwei Solidi Lucchesisch an die Kurie zu zahlen hat.
-
Paschalis episcopus, servus servorum Dei, dilecte filie Pome vidue et sororibus, in ecclesia sancti Iohannis evangeliste de Cornu insule regulariter domino servientibus, in perpetuum.
Devotionem tuam spectavimus, quia vite melioris amore suc(c)ensaa in predio tuo in Cornu insule, in suburbio Mantuano, ecclesiam sub beati Iohannis nomine edificare cepisti, et eam beato Petro sancteque Romane ecclesie obtulisti. Et nos itaque eandem suscipientes ecclesiam statuimus, ab omni honere et alio gravamine liberam permanere sanctimonialium, illic domino servientium, usibus profuturam, singulisque annis Lucane monete soldos duos palatio Lateranensi persolvere. Interdicimus enim, ut nullus episcopus iurisdictionem in vestro monasterio sibi vendicare aut locum ipsum excommunicationi audeat vel etiam interdicto subiacere. Obeunte autem eiusdem loci abbatissa, nulla ibi qualibet subreptionis astutia seu violentia preponatur, nisi quam sorores omnium consensu vel sororum pars consilii sanioris secundum Dei timorem et beati Benedicti regulam providerint eligendumb. Sane possessiones et bona omnia, que vestrum monasterium in presenti possidet, sive in futuro, largiente domino, iuste atque canonice poterit adipisci, firma ei semper illibataque permaneant. Decernimus enim, ut nulli omnino hominum liceat, [e]idem monasterium temere perturbare aut eius possessiones auferre vel ablatas retinere, minuere vel iniuste datas suis usibus vendicare, vel temerariis quibuslibet infestationibus fatigare, sed omnia integra conserventur eis, pro quorum substentatione concessa sunt, usibus omnimodis profutura. Decimas preterea et primitias laborum vestrorum et districtim servorum ac liberorum, ad vestrum cenobium pertinentium, vobis libere habendas censemus. Oleum et crisma, consecrationes altarium sive basilicarum, ordinationes abbatisse vel monacharum sive ceterorum clericorum, qui ad sacros fuerint ordines promovendi, seu quicquid ad sacrum ministerium pertinet, a quibuscumque catholicis fuerint postulata, gratis concedimus et absque reprehensione tribuenda.
Si qua igitur in futurum ecclesiastica secularisve persona hanc nostre constitutionis paginam sciens, contra eam temere venire temptaverit, secundo tertiove commonita, si non satisfactione congrua emendaverit, potestatis honorisque sui dignitate careat, reamque se divino iuditio existere de perpetrata iniquitate cognoscat, et a sacratissimo corpore ac sanguine Dei et domini, redemptoris nostri Iesu Christi, aliena fiat, atque in extremo examine districte ultioni subiaceat. Cunctis autem, eidem loco sua iura iuste servantibus, sit pax domini nostri Iesu Christi, quatenus et hic fructum bone actionis percipiant, et apud districtum iudicem premia eterne pacis inveniant. Amen.
[Rota] Ego Pascalis catholice ecclesie episcopus ss. [Monogramme]
Ego Divizo sancte Romane ecclesie cardinalis ss.
Ego Bonefatius sancte Romane ecclesie cardinalis ss.
Dat. Laterani, per manum Iohannis, sancte Romane ecclesie diaconi et cardinalis ac bibliothecarii. v Idus Madii. Incarnationis dominice anno mcvii. pontificatus autem domni Pascalis ii pape. -
(a) gewöhnlich accensa.
-
b. Lies eligendam
-
Die Formeln entsprechen grossentheils nicht den sonst üblichen, ihre Durchführung ist bisweilen mangelhaft, ihre Reihenfolge ganz ungewöhnlich und willkürlich, so dass z. B. die Abgabe an die Kurie vorne steht, während sie gegen Ende der Urkunde gehört hätte etc. Die Umschrift ist unrichtig, die Datumangaben sind höchst ungenügend ; im Mai 1107 befand sich Paschalis nicht in Rom, sondern in Frankreich. Zeugenfirmen mit S. R. E. cardinalis sind unter Paschalis nicht üblich, Divizo war ausserdem Bischof von Tusculum (Nr. 223, APOSCRIPTA n. 4691) oder Kardinalpresbyter, Bonifatius kommt erst später vor als Kardinaldiakon. Vergl. auch Kaltenbrunner, Pabsturk., S. 80, CCCCIV.
Informations
Acte
Benjamin
Oury
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 79959 (aposcripta-4696), http://telma.irht.cnrs.fr/chartes/aposcripta/notice/79959 (mise à jour : 17/05/2024).