Général
-
Adrien IV (1154-1159)
-
Tous les fidèles visitant l'église de Saint-Gilles
-
II idus decembris
-
-
-
-
Latran
-
Lettre, général (avant 1198)
-
[Original] E. FRANCE, Nîmes, Archives départementales, H 785, n. 10 (auj. 11). Original sur parchemin en bon état [inventaire en ligne].
-
Ici reprise de l'abbé Goiffon, Bullaire de l’abbaye de Saint-Gilles, Nîmes : P. Jouve, 1882, LVII, p. 78-79 [en ligne].
-
Philippe Jaffé, Regesta pontificum Romanorum, 2 vol., Leipzig, 1885-1888, II, n. 10351 [en ligne] (avec la date du 12 dec. 1156-1158).
-
Bulle d'Adrien IV datée du palais de Latran, accordant quarante jours d'indulgence aux fidèles qui visitent l'église de Saint-Gilles.
-
Adrianus episcopus, servus servorum Dei, dilectis filiis universis Dei fidelibus ad ecclesiam beati Egidii, intuitu devotionis, euntibus, salutem et apostolicam benedictionem.
Sicut in eos qui, reverentia divina postposita, ab iniquis operibus nec manum detrahunt, nec intentionem avertunt, dure animadversionis est gladius exercendus, ista et hi quos bonis ac piis artibus videmus intendere, et reverenda loca in quibus Sanctorum corpora requiescunt, devotionis studio visitare, apostolice Sedis benedictionem et gratiam habundantiori debent ubertate sentire. Ad hoc enim in sede justitie, licet non suffragantibus meritis, divina disponente gratia, residemus, ut unicuique secundum propriam mercedem nos oporteat respondere et quos in Dei servitio attentius laborare conspicimus, majora eis solatia caritatis impendere debeamus, ut et alii hoc videntes ad similia perpetranda tanto libentius aspirare contendant, quanto pro ipsis bonis operibus que fecerunt, spiritualia viderint a nobis eos beneficia consecuturos.
Hac utique ratione inducti, vobis qui relictis domibus et familiis vestris, ad ecclesiam beati Egidii in qua ipsius corpus pretiosissimum requiescit, in multis laboribus et periculis, causa peregrinationis acceditis, de meritis apostolorum Principis cujus vicem obtinemus in terris plenius confidentes, quadraginta dies de injuncta vobis penitentia indulgemus, ut hoc donum gratie de apostolica misericordia consecuti, quanto magis peccatorum vestrorum alleviatam sarcinam molemque senseritis, tanto cum pleniori gaudio ad propria remeetis.
Datum Laterani, II idus decembris.
Informations
Acte
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27710 (aposcripta-4293), http://telma.irht.cnrs.fr/chartes/aposcripta/notice/27710 (mise à jour : 17/05/2024).