Général
-
Benoît XII (1334-1342)
-
L'évêque de Nantes
-
II kalendas aprilis, anno tertio
-
-
Avignon
-
Lettre, général (après 1198, littere cum filo canapis)
-
[Registre de la chancellerie apostolique] R1. CITÉ DU VATICAN, Archivio segreto Vaticano, Registra Vaticana 124, ep. 130.
-
R2. CITÉ DU VATICAN, Archivio segreto Vaticano, Registra Avinionensia 51, fol. 85v.
-
Ici reprise de Guillaume Mollat, « Études et documents sur l'histoire de Bretagne, XIIIe-XVIe siècle », Annales de Bretagne et des pays de l'Ouest, 23-3, 1907, p. 389-411, aux p. 409-411 [en ligne].
-
Jean-Marie VIDAL, Benoit XII, Lettres communes, t. I, p. 458, n. 4889, analyse.
-
L'évêque de Nantes reçoit pouvoir de confirmer la fondation de Thibaud de Rochefort et de permettre aux carmes le libre exercice du culte.
-
Venerabili fratri episcopo... Nannetensi, salutem, etc.
Pro parte dilectorum filiorum... prioris generalis et fratrum ordinis Beate Marie de Monte Carmeli fuit nuper nobis expositum quod, licet olim quondam Theobaldus, vicecomes Dongiarum, dum viveret, fervore pie devotion is accensus, pro divini cultus augmento et pro sue ac parentum suorum animarum salute, in civitate Nannetensi pro dictis fratribus, ad quos dictus Theobaldus devotam affectionem gerebat, quendam locum cum oratorio ubi plures fratres ejusdem ordinis collocavit, inibi Domino Jesu Christo ac Beate Marie genitrici sue laudabiliter servientes, construere inchoarit, quem dilectus filius nobilis vir Guillelmus, vicecomes Dongiarum, dicti Theobaldi filius, ad opus ipsorum fratrum proponit effectualiter consumare; tamen dilecti filii Predicatorum et Minorum ordinum fratres minus veraciter asserentes quod dictus locus, qui a locis eorum sitis in civitate predicta per spatium in privilegio felicis recordationis Clementis Pape IV, predecessoris nostri, eis super distantia locorum fratrum mendicantium construendorum de novo concesso limitatum nequaquam distat, de jure construi et edificari non potest, dictique fratres ejusdem ordinis Beate Marie de Monte Carmeli in dicto loco licite morari non debent privilegio hujusmodi obsistente, fratres ipsos quominus in dicto loco remanere valeant impediunt et perturbant. Quare pro parte dictorum fratrum Carmelitarum fuit nobis humiliter supplicatum ut, cum dictus locus amortizatus fuerit annis duodecim jam elapsis et viginti quatuor fratres dicti ordinis Beate Marie de Monte Carmeli inibi commorentur, ipseque Guillelmus alium locum non habeat, ad quem locum et oratorium supradicta transferre valeat absque suo vituperio dictorumque fratrum Carmelitarum scandalo dampnoque multiplici et jactura, eisdem fratribus quod in dicto loco licite remanere valeant, etiamsi infra dictum spatium fundatus existat, presertim cum ex hoc nullum impedimentum officio divino, quod in predictis eorumdem Predicatorum et Minorum ordinum fratrum locis agitur, afferatur, gratiose concedere dignaremur. Nos igitur, qui dictum ordinem Beate Marie de Monte Carmeli gerimus in visceribus caritatis, ampliationem divini cultus ab intimis affectantes, fraternitati tue, de qua fiduciam gerimus in Domino specialem, per apostolica seripta committimus et mandamus quatinus super premissis auctoritate nostra plenarie te informant, si per informationem hujusmodi tibi constiterit quod predicti Predicatorum et Minorum ordinum fratres circa divinum officium per concessionem hujusmodi, si eis flerit, nequeant impediri, prefatis ejusdem Beate Marie de Monte Garmeli fratribus ut in dicto loco, etiamsi infra dictum spatium fundatus existat, hujusmodi privilegio nequaquam obstante, licite remanere valeant auctoritate nostra concedas.
Datum Avenione, II kalendas aprilis, anno tertio.
Informations
Acte
Clara
Lenne
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27403 (aposcripta-4104), http://telma.irht.cnrs.fr/chartes/aposcripta/notice/27403 (mise à jour : 17/05/2024).