Général
-
Clément IV (1265-1268)
-
L'archidiacre de Luxeuil en l'église de Besançon et le doyen de Saint-Etienne de Troyes, chapelains du pape
-
Les chanoines de Saint-Urbain de Troyes
-
Idibus julii, anno quarto
-
-
Viterbe
-
Mandement (littere cum filo canapis)
-
[Expédition] E. FRANCE, Troyes, Archives départementales de l'Aube. Original.
-
Ici reprise de Charles Lalore, Documents sur l'abbaye de Notre-Dame-aux-Nonnains de Troyes, Troyes : Dufour-Bouquot, 1874, n. 199, p. 123-124 [en ligne], numérisée par Chartae Galliae, acte n. 208757.
-
Edmond Martène, Ursin Durand, Thesaurus novus anecdotorum, Paris, 1717, II, n. 676, col. 616 [en ligne].
-
Potthast, Regesta pontificum Romanorum, n. 20416 [en ligne].
-
Eis mandat, ut abbatissam et moniales monasterii s. Mariae Trecensis ord. s. Ben., quae archiepiscopum Tyrensem cimeterium canonicis S. Urbani benedicere volentem cum pluribus armatis hominibus impedierunt, ad satisfactionem compellant [Potthast].
Bulle de Clément IV contre les religieuses de Notre-Dame-aux-Nonnains qui ont empêché la bénédiction du cimetière de Saint-Urbain [Lalore]. -
Clemens episcopus, servus servorum Dei, dilectis filiis archidiacono de Luxovio in ecclesia Bisuntina et decano ecclesie S. Stephani Trecensis, capellanis nostris, salutem et apostolicam benedictionem.
Quamvis nos, volentes quod ecclesia sancti Urbani Trecensis, que fundata de bonis Romane ecclesie, juris et proprietatis beati Petri existit, congruis attollatur honoribus, venerabilibus fratribus nostris episcopo Autissiodorensi primo, et postmodum Tyrensi archiepiscopo, se tunc ad partes Francie conferenti, sub certa forma dederimus nostris litteris in mandatis, ut apud ecclesiam sancti Urbani ad opus canonicorum et clericorum ipsius ecclesie, suorumque familiarium decedentium cimiterium benedicerent, tamen abbatissa et nonnulle de monialibus monasterii sancte Marie Trecensis, ordinis sancti Benedicti, cum pluribus armatis hominibus, sicut dilecti filii decanus et capitulum ipsius ecclesie sancti Urbani nobis significare curarunt, adversus dictum archiepiscopum volentem exequi apostolicum ex hac parte mandatum, clausa porta ipsius ecclesie, insurgere presumserunt, eum dictam ecclesiam ingredi non sinentes, et quamvis idem archiepiscopus illas monuerit diligenter, eisque sub excommunicationis pena mandaverit, ut ipsam ecclesiam predictam ejusque portam aperiri permitterent, ipse tamen excessus excessibus cumulantes, eum ne illam intraret ad hujusmodi mandatum apostolicum exequendum, manibus injectis in ipsum, timore Dei postposito, temere violentis nequiter repulerunt.
Postmodum vero eodem archiepiscopo illuc pro ipsius executione mandati redire volente, se moniales ipsas, illi super hoc in strata publica exponentes, ne ad dictam rediret ecclesiam manuum injectione similiter retraxerunt, firmiter asserentes, quod sicut prius impedirent ; presertim cum dicte abbatisse et conventus ejusdem monasterii, ex eo vocem appellationis ad Sedem apostolicam se dicerent emisisse, quod eis pro domibus, reditibus, censibus, juribus, jurisdictionibus, et rebus aliis, quarum pretextu fuit inter partes orta materia questionis, juxta tenorem quarumdam litterarum nostrarum certis directarum personis, recompensatio non erat impensa, queque persone ipse in quas ab utraque parte, super recompensatione hujusmodi compromissum fuerat super hoc, pronunciationem aliquam non tulissent ; que si facta fuisset, dictus decanus et capitulum erant plenarie adimplere parati. Quare iidem decanus et capitulum humiliter petebant a nobis ut, cum hujusmodi clericos et laicos prorsus ignorent, providere super hoc paterna sollicitudine curaremus.
Quocirca discretioni vestre per apostolica scripta in virtute obedientie firmiter precipiendo mandamus quatenus clericos et laicos in iis assistentes abbatisse et monialibus memoratis, quorum dicti decanus et capitulum non habent notitiam, publice in ecclesiis coram populo auctoritate nostra per vos aut alium moneatis, ut infra quindecim dies post monitionem hujusmodi plenarie satisfaciant de premissis, alioquin extunc in eis, nisi infra terminum alium competentem quem ad hoc ipsis peremtorie prefixeritis hujusmodi monitioni efficaciter parere curaverint, generalem excommunicationis sententiam promulgetis, quam singulis diebus dominicis et festivis, pulsatis campanis, et candelis accensis, per omnia loca in quibus expedire videritis faciatis solemniter publicari.
Datum Viterbii, idibus julii, pontificatus nostri anno IV. -
n. c.
Informations
Acte
Julien
Théry
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 27381 (aposcripta-4088), http://telma.irht.cnrs.fr/chartes/aposcripta/notice/27381 (mise à jour : 18/07/2024).