Général
-
Eugène III (1145-1153)
-
L'évêque de Cambrai Nicolas
-
Nonas junii, indictione X, MCLLVII, anno tertio
-
-
Paris
-
Privilège solennel
-
Or. im Archive des Dép. Nord zu Lille (Collection Dellattre). — Abschrift vom 12 Jahrh. des Cartul. de l’église de Cambrai, MS. lat. 10968, fol. 21, in der Bibl. Nat. zu Paris.
-
[Cartulaire] B. FRANCE, Paris, Bibliothèque nationale de France, ms lat. 10968, fol. 21. Abschrift vom 12 Jahrh. des Cartul. de l’église de Cambrai.
-
Ici reprise de Julius von Pflugk-Harttung, Acta pontificum Romanorum inedita, Tübingen, 1880, I, n. 211, p. 194-195.
-
Eugen III bestätigt dem Bischofe Nikolaus I von Cambrai seine Besitzthümer und Befreiung von dem schädlichen Herkommen der Gabelle, wie es schon durch König Konrad III geschehen.
-
Eugenius episcopus, servus servorum Dei, venerabili fratri Nicholao, Cameracensi episcopo, eiusque successoribus canonice substituendis in perpetuum.
Officii nostri nos hortatur auctoritas, pro ecclesiarum statu satagere, et earum paci et tranquillitati paterna sollicitudine providere. Dignum namque et honestati conveniens esse cognoscitur, ut, qui ad ecclesiarum regimen assumpti sumus, eas et a pravorum hominum nequitia tueamur, et sedis apostolicȩ munimine roboremus.
Eapropter, venerabilis frater in Christo Nicolae, Cameracensis episcope, tuis iustis postulationibus clementer annuimus, atque novam illam et nocivam consuetudinem, quȩ vulgo gaulum1 dicitur, quam iniusta usurpatione solet comes Flandrensis2 exigere, quemadmodum a karissimo filio nostro Conrado illustri Romanorum rege tibi, frater episcope, ecclesiȩ, civitati et territorio Cameracensi pia devotione remissa est3, presentis scripti pagina roboramus. Statuentes et auctoritate apostolica prohibentes ut nullo in posterum tempore liceat, Flandrensi vel cuilibet alii comiti sȩcularive personȩ ad predictam consuetudinem manum mittere vel ȩcclesiȩ Cameracensi pacem super iniustis vexationibus fatigare, sed liceat tibi tuisque successoribus, res predictȩ ȩcclesiȩ cum cellulis et rebus et hominibus, sibi legaliter subiectis, sub apostolicȩ Sedis defensione pacifice possidere, et quicquid exinde regalis fiscus exigere poterat, ad luminaria ipsius ecclesie concinnanda, ipsius concessione perpetuo retinere. Preterea altare de Saventhen, altare de Liere, altare de Heiste, altare de Isca cum appenditiis suis, quemadmodum a tua fraternitate pro utilitate et necessitate illius terrȩ ȩcclesiȩ Cameracensis consilio rationabiliter statutum est, episcopali mensȩ per presentis scripti paginam confirmamus. Ita tamen, ut in singulis, sȩcundum facultates suas, proprii sacerdotes canonice ordinentur, qui eisdem ecclesiis deserviant et populi curam sollicite gerant.
Si qua igitur in futurum ȩcclesiastica sȩcularisve persona hanc nostrȩ confirmationis paginam sciens contra eam temere venire temptaverit, secundo terciove commonita, si non reatum suum digna satisfactione correxerit, potestatis honorisque sui dignitate careat, reamquea se divino iudicio existere de perpetrata iniquitate cognoscat, et a sacratissimo corpore ac sanguine dei et domini redemptoris nostri Jesu Christi aliena fiat, atque in extremo examine districte ultioni subiaceat. Observantibus autem sit pax domini nostri Jesu Christi, quatinus et hic fructum bone actionis percipiant, et apud districtum iudicem premia ȩternȩ pacis inveniant. Am. Am. Am.(R) Ego Eugenius catholicȩ ȩcclesiȩ episcopus ss. (M)
† Ego Albericus Hostiensis episcopus ss.
† Ego Imarus Tusculanus episcopus ss. (6)
— † Ego Guido presbiter cardinalis tit. sancti Grisogoni ss. (2)
† Ego Guido presbiter cardinalis tit. sanctorum Laurentii et Damasi ss.
† Ego Julius presbiter cardinalis tit. sancti Marcelli ss. (1)
† Ego Jordanus presbiter cardinalis tit. sanctȩ Susannȩ ss.
— † Ego Oddo diaconus cardinalis sancti Georgii ad velum aureum ss.
† Ego Octavianus diaconus cardinalis sancti Nicolai in carcere Tulliano ss. (6)
Dat. Parisius, per manum Hugonis, presbiteri cardinalis, agentis vicem domni Guidonis, sanctȩ Romanȩ ȩcclesiȩ diaconi cardinalis et cancellarii, nonas junii Indictione X, Incarnationis dominicȩ anno MCLLVII, pontificatus vero domni Eugenii pape anno tertio. -
(a) a. eamque.
-
1. Vergl. oben S. 166, Anm. 3.
-
2. Damals Theoderich vom Elsass, 1128–1168.
-
3. Stumpf, Reichskanzler, 3506 ; Le Glay, Cameracum Christianum p. 34.
-
Or. Perg. nicht ital., br. 0,305, lang 0,47, unten umgeschlagen, durch 2 Löcher geht die hellgelbe Seidenschnur, an der die Bulle Nr. 3 hängt, Faltung der Privilegien. Monogramm Nr. 3a, die Schräge des N nach unten zu doppellinig, Verewigungszeichen Nr. 4, in der Mitte des Mittelstrichs des M ein Knoten, Amen Nr. 1. In der ersten Zeile sind neben dem Initial-E noch das folgende u, das v von venerabili und das N von Nicholao hervorgehoben. Die Datumzeile scheint von etwas dunklerer Dinte als der Context, wenn auch wahrscheinlich von gleicher Hand herzurühren, Hugonis ist mit anderer Dinte und Feder eingetragen, der Rest der Zeile von domni an rechts untergeschrieben.
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 26320 (aposcripta-3399), http://telma.irht.cnrs.fr/chartes/aposcripta/notice/26320 (mise à jour : 09/04/2021).