Général
-
Benoît XII (1334-1342)
-
Pour mémoire future de la chose
-
Cinq consuls de la ville d'Albi, dont Guiraud Coll
-
XII kalendas martii, anno sexto
-
-
Avignon, Palais apostolique
-
Bulle (ad perpetuam rei memoriam)
-
Regest. Aven., t. liv, fol. 88
-
Reg. Vat., t. cxxviii, n. 58
-
Jean-Marie Vidal, Bullaire de l’Inquisition française au XIVe siècle et jusqu'à la fin du Grand Schisme, Paris : Letouzey et Ané, 1913, n. 176, p. 266-272
-
Jean-Marie Vidal, Menet de Robécourt, Le Moyen âge, 1903, p. 438.
-
J.-M. Vidal, Benoît XII, n. 8153.
-
Acte consistorial du 18 février 1340. — A l’époque de la promotion de l’évêque d’Albi, Pierre de Vie, cinq consuls de cette ville étaient venus à Avignon rendre hommage au pape Jean XXII, aux cardinaux et à leur nouveau pasteur, au nom de leurs concitoyens. L’un d’eux, Giraud Coll, se plaignit au futur Benoît XII, alors cardinal Fournier, des excès commis à Albi par certains notaires ou jurés de l’Inquisition, coupables, disait-il, d’injustices et d’exactions.Jean XXII mourut sur ces entrefaites. Benoît XII lui succéda. Alors Menet de Robécourt, soi-disant commissaire de l’inquisiteur de Carcassonne, prenant prétexte des plaintes formulées par les consuls d’Albi, entama contre eux une action judiciaire pour avoir tenté d’empêcher le libre exercice de l’Inquisition.Benoît XII appela l’affaire à son tribunal et en confia la conduite, d’abord, au cardinal Bertrand de Montfavez, puis au cardinal Pierre Bertrand. Les débats furent longs. On entendit une foule de témoins cités à la requête des deux parties, soit à Avignon, soit ailleurs. Enfin Benoît XII en personne prononça la sentence. Guiraud Coll, principal intéressé, fut rétabli dans tous ses droits et dans sa bonne renommée ; les frais du procès et les dommages subis par lui devaient lui être restitués par son adversaire. Menet de Robécourt était révoqué de son office de commissaire de l’Inquisition et déclaré inapte à recevoir une charge quelconque dans un tribunal inquisitorial.
-
Ad futuram rei memoriam.
In immensum crescit presumtorum impunita temeritas et non absque lesione multorum nimis relaxatur delinquenda licentia que iuris terminis non arcetur. Dudum siquidem in promotionis nostre primordiis ad apicem apostolice dignitatis, pro parte dilecti filii Guiraudi Colli1, civis Albiensis, fuit propositum coram nobis quod olim, tempore Johannis pape XXII predecessoris nostri, bone memorie Petro de Via2, episcopo tunc electo Albien. et de novo per predecessorem eundem promoto in episcopum Albien., ac huiusmodi promotione ad communitatis Albien. deducta notitiam, dicta communitas dilectos filios magistrum Bernardum de Grava, licentiatum in legibus, Pontium Rogerii, eundem Giraudum Colli, Bernardum Austruconis3, ac Durantum de Monteacuto, cives et consules Albien., ad veniendum ad romanam Curiam et impendendum dicto predecessori eiusdemque fratribus sancte romane Ecclesie cardinalibus, de quorum numero tunc eramus, dictoque Petro tunc electo in dicta curia existenti reverentiam specialiter deputavit. Dictique consules propter hoc ad dictam curiam accedentes prefatis predecessori et nobis tunc tituli sancte Prisce presbitero cardinali et quampluribus aliis sancte romane Ecclesie cardinalibus dictoque Petro tunc electo, nomine communitatis eiusdem reverentiam impenderunt ; et quod idem Giraudus Colli una cum dictis aliis consulibus collegis ipsius coram nobis, tunc ut premittitur cardinali, personaliter constitutus, post impensam huiusmodi reverentiam hec verba vel similia protulit in effectu, videlicet : quod aliqui homines laici erant in civitate predicta dicentes se iuratos officii Inquisitionis heretice pravitatis, de quibus dicebatur quod propter favorem eiusdem officii recipiebant multas corruptiones et faciebant multas oppressiones et exactiones de quibus non recipiebat aliquem honorem officium nec civitas prelibata ; et quod esset bonum quod nullus notarius faceret processus vel audiret personas super facto fidei nisi inquisitor huius esset presens ; adiecto in propositione predicta quod nos huiusmodi verbis responderamus per hec verba vel similia in effectu, videlicet quod temporibus quibus nos audiebamus testes vel aliquos de facto fidei nolebamus quod aliquis notarius eos audiret, nisi nos presentes essemus. Et tunc per dictos consules vel aliquem eorum nobis fuerat humiliter supplicatum quod eidem predecessori tunc viventi supplicaremus quod tale in hac parte remedium adhiberet quod boni possent vivere et mali punirentur. Et quod tandem dicto predecessore defuncto nobisque ad apicem summi apostolatus assumptis, magister Mennetus de Roberticuria4, canonicus ecclesie Montisregalis5, Carcassonen. diocesis, notarius, pro commissario Inquisitionis pravitatis eiusdem in partibus Carcassonen. et Albien. se gerens, super dictis verbis et aliis quibuscumque per eosdem consulos Albien. officium seu ministros dicte Inquisitionis tangentibus, nobis tunc cardinali dictis seu prolatis, que idem Mennetus in iniuriam et impedimentum negotii fidei et officii dicte Inquisitionis et fautoriam hereticorum redundare dicebat, quosdam processus formaverat et fecerat contra dictum Giraudum super hiis inquirendo et nonnullos testes recipiendo, ipsumque propterea multipliciter diffamando et alias expensis et laboribus pregravando. Propter que nos intendentes cum predictis Bernardo de Grava, Pontio, Giraudo, Bernardo Austruconis et Duranto super nonnullis certis negociis, et deinde volentes cum dicto Menneto super eisdem processibus contra ipsos, ut dicebatur, factis plenius informari, dictos Mennetum, notarium, magistrum Bernardum, Pontium, Guiraudum, Bernardum Astruconis et Durantum, ad nostram presentiam fecimus personaliter evocari6. Quibus Bernardo de Grava, Pontio, Giraudo, Bernardo Astruconis et Duranto ad dictam curiam venientibus dictoque Menneto, necnon prefatis Bernardo de Grava, Giraudo, ac Bernardo Austruconis in consistorio coram nobis personaliter constitutis, ac per dictos Bernardum de Grava et Guiraudum suo et quarumdam aliarum personarum civitatis eiusdem nomine, contra dictum Mennetum propositis multis variis et diversis, et per dictum Mennetum ad proposita ipsa responsionibus subsecutis ; nos dilecto filio nostro Bertrando7, S. Marie in Aquiro diacono cardinali, in dicto consistorio tunc presenti, commisimus et mandavimus oraculo vive vocis, quod super propositis et responsis predictis ipsas partes audiret et quod super eis idem cardinalis se informaret, nobisque referret. Ac nichilominus postea sibi mandavimus viva voce, quod processum etiam contra dictum Guiraudum et alios consules per dictum Mennetum factum et habitum statim faceret sibi deferri.
Quo siquidem processu prefato cardinali delato, et etiam assignato, dictisque Menneto, Bernardo de Grava et Giraudo coram eo postea in iudicio constitutis, idem cardinalis eisdem Menneto et Giraudo ad dicendum, proponendum et dandum in scriptis quicquid alter contra alterum dicere, proponere et dare vellet, certum assignavit terminum. In quo prefatis Menneto et Giraudo comparentibus in iudicio coram eo, idem Giraudus contra dictum Mennetum quendam libellum exhibere curavit, in quo idem Giraudus inter alia asserebat quod idem Mennetus, tunc pretendens se notarium et commissarium officii memorati, vocatis dicto Giraudo et eius collegis predictis super dictis verbis per eos propositis coram nobis, in nostrum et eiusdem Sedis contemptum ac diffamationem dicti Giraudi eiusque non modicum preiudicium et gravamen, inquisitionem formaverat et processus fecerat contra eum ; quare petebat eundem Mennetum ad exhibendum ipsos processus compelli sibique decerni copiam eorumdem seque repertum innocentem et immunem a contentis in eis per eandem Sedem absolvi, dictosque processus viam dare et facere cancellari seque restitui auctoritate apostolica in integrum ad suam bonam famam, statum et honores in quantum ejus opinio propter hoc fuerat de facto vel alias quoquomodo gravata ; dictumque Mennetum compelli ad faciendum fidem et exhibendum potestatem et mandatum, si quod habebat, cuius auctoritate et vigore ad dictos processus et actus processerat, ut prefertur ; protestando de dampnis et expensis in prosecutione predictorum factis et in antea faciendis. Ac deinde exhibitis per dictum Mennetum quibusdam exceptionibus contra libellum prefatum ; et contra ipsas exceptiones aliquibus pro parte dicti Guiraudi replicationibus subsecutis, exhibitis quoque in iudicio per dictum Guiraudum nonnullis positionibus et articulis super dictis, propositis et petitis per eum ad informationem cardinalis eiusdem, ac nonnullis exceptionibus per dictum Mennetum datis contra positiones et articulos prelibatos et ad eas pro parte dicti Giraudi aliquibus replicationibus subsecutis in terminis ad actus huiusmodi per eundem cardinalem predictis partibus peremptorie et successive prefixis ; demum nos eidem cardinali mandavimus et commisimus oraculo vive vocis quod super dictis articulis per eundem Giraudum exhibitis ad pleniorem informationem posset testes qui existerent nominati extra romanam Curiam de diversis locis ad ipsam curiam evocare, ipsosque recipere et examinare ; necnon etiam extra ipsam Curiam receptionem et examinationem ipsorum testium personis ydoneis uni vel pluribus in diversis partibus prout sibi visum foret committere. Ac nonnullis testibus pro parte dicti Giraudi productis super articulis et informatione predictis et probatione ipsorum in termino ad hoc prefixo et ab ipsis testibus per dictum cardinalem, presente dicto Menneto, iuramentis receptis ; ac demum prefato cardinali pro certis arduis et urgentibus negotiis de mandato nostro se de romana Curia absentante, nos causam seu causas huiusmodi in statu in quo remanserant coram eo tempore recessus sui de curia memorata, dilecto filio nostro Petro8, tituli sancti Clementis presbitero cardinali, ad instantiam dicti Giraudi audiendas commisimus et nobis postmodum referendas. Ac deinde de mandato eiusdem Petri cardinalis ex speciali commissione super hoc per nos sibi facta, nonnullis testibus reprobatoriis pro parte dicti Menneti contra dictos testes pro parte dicti Giraudi productos extra dictam Curiam romanam receptis, et eorum attestationibus una cum tenoribus plurium instrumentorum et litterarum coram commissariis et receptoribus dictorum testium productorum remissis ad eandem curiam iuxta morem ; nos eidem Petro cardinali attestationes et processus huiusmodi recipiendos et aperiendos, ac causam huiusmodi resumendam et audiendam commisimus et nobis postmodum referendam. Presentatis igitur dicto Petro cardinali attestationibus et processibus huiusmodi, et deinde dicto Giraudo et magistro Nicolao de Hermondivilla, procuratore prefati Menneti, coram Petro cardinali predicto in iudicio comparentibus, ac omnibus et singulis sigillis appositis et appensis in eis omnibusque attestationibus, remissionibus et processibus in huiusmodi causa in partibus habitis dicto Petro cardinali exhibitis ; et per ipsos Giraudum et Nicolaum hinc inde recognitis et etiam confessatis ; et quibusdam aliis instrumentis et litteris autenticis ut prima facie apparebat exhibitis ; ac deinde prefatis Nicolao procuratore et Giraudo coram dicto cardinali in iudicio constitutis, idem Petrus cardinalis, in presentia eorumdem Giraudi et Nicolai, attestationes et processus huiusmodi omnes et singulos aperuit et etiam publicavit et pro apertis habuit et etiam publicatis. Ac ilico post predicta Giraudus et Nicolaus procurator prefati, quilibet videlicet pro parte sua sponte in causa huiusmodi concluserunt ; idemque Petrus cardinalis cum eisdem conclusit et habuit pro concluso.
Denique facta per eundem Petrum cardinalem nobis de omnibus et singulis actis, actitatis, habitis et productis in causa huiusmodi ac attestationibus et processibus in eadem causa factis, tam coram dicto Bertrando cardinali quam etiam coram eo, relatione plenaria et fideli, nos, de fratrum nostrorum consilio, sententialiter et diffinitive pronuntiamus, decernimus et declaramus non licuisse dicto Menneto formare vel facere processus aliquos seu procedere vel inquirere potuisse contra dictum Giraudum ratione, vel occasione, seu causa dictorum verborum per ipsum Giraudum olim ut prefertur in eadem Curia romana coram nobis tunc cardinali, ut premittitur, prolatorum ; neque ipsum Mennetum pretextu potestatis vel commissionis cuiuspiam per dictum inquisitorem sibi facte premissa facere potuisse ; ipsumque processum per dictum Mennetum contra dictum Giraudum factum et habitum, ut prefertur, tanquam temerarium et de facto presumptum cassamus, anullamus et irritamus, et cassum, nullum et irritum nunciamus ; ac nichilominus pronuntiamus, decernimus et declaramus eundem Giraudum fuisse et esse bone opinionis et fame ; nullamque infamiam vel diffamationem per huiusmodi processus et inquisitiones habitos seu habitas, factos seu factas contra eum per dictum Mennetum super dictis verbis, per eundum Giraudum in dicta Curia romana prolatis vel eorum pretextu seu occasione incurrisse ; dictumque Mennetum dicto Giraudo in expensis per eum in huiusmodi causa factis, quatenus articulum dictorum verborum per eum in eadem Curia prolatorum concernunt, cum restauratione et emendatione dampnorum que dictus Giraudus propterea incurrit eidem Giraudo restituendis, prout hec omnia fuerant per dictum Giraudum petita, sententialiter condempnamus ; ipsorumque expensarum et dampnorum taxationem eidem Petro cardinali committimus modo debito faciendam9. Prefatum quoque Mennetum quocumque officio circa Inquisitionis negotium heretice pravitatis vel eius occasione quomodolibet vel ubilibet exercendo perpetuo apostolica auctoritate privamus.
Insuper volumus et districte precipimus quod idem Mennetus nullum officium circa negotium Inquisitionis heretice pravitatis quocumque modo possit deinceps recipere, vel quomodolibet exercere, vel de illo se intromittere quoquomodo absque nostra vel successorum nostrorum romanorum pontificum licentia speciali. Supplentes omnem defectum, si quis forsitan foret ex solemnitate iuris omissa vel pro eo quod idem Mennetus tempore huiusmodi per nos prolate sententie presens non extitit, vel alias quocumque modo in processibus supradictis.
Nulli ergo, etc., nostre cassationis, anullationis, irritationis, nuntiationis, condempnationis, commissionis, privationis, voluntatis, pronuntiationum, declarationum, constitutionum, precepti et supplementi infringere, etc.10.
Actum Avinioni, in palatio nostro apostolico xii kalendas martii, anno sexto. -
1. Voir n. 154, note 4.
-
2. Pierre de Vie ; n. 155, note 1.
-
3. Voir n. 154, note 5.
-
4. Voir n. 28, note 2, et 154, 155.
-
5. Montréal (Aude), chef-lieu de cant., arrond. de Carcassonne.
-
6. Voir les citations, n. 154, 155.
-
7. Bertrand de Montfavez, n. 67, note 1.
-
8. Pierre Bertrand, docteur in utroque jure, archidiacre de Billom dans le chapitre de Clermont, fut promu à l’évêché de Nevers, le 28 janvier 1320 ; transféré à Autun, le 19 mai 1322 ; créé cardinal du titre de Saint-Clément, le 20 décembre 1331 ; il mourut le 24 juin 1348. Baluze, col. 782 ; Gall. christ., t. xii, col. 647 ; t. iv, col. 408-412 ; Hist. de Lang., t. ix, p. 459-460 ; Eubel, Hier., t. i, p. 15, 71, 386.
-
9. Le cardinal Pierre Bertrand fixa à 150 florins d’or de Florence la somme que Menet de Robécourt devait payer à Giraud Coll. Le 15 août 1340, Benoît XII nomma les exécuteurs de ce jugement (cf. n. 181).
-
10. Voir sur cette curieuse affaire les n. 28, note 2, 154, 155, 181.
Informations
Acte
aposcripta
admin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 20353 (aposcripta-340), http://telma.irht.cnrs.fr/chartes/aposcripta/notice/20353 (mise à jour : 14/12/2023).