Général
-
Innocent III (1198-1216)
-
Les archevêques, évêques et abbés, prieurs et tous les prélats des églises auxquels ces lettres parviendront
-
L'ordre de Saint-Jean de Jérusalem
-
XII kalendas junii, anno primo
-
-
Rome, Saint-Pierre
-
Mandement (littere cum filo canapis)
-
[Original] E. ALLEMAGNE, München, Bayerisches Hauptstaatsarchiv, Abt.I, Ritterorden U 6.
-
Werner Maleczek, d'après E.
-
A faire
-
Innocentius episcopus, servus servorum Dei, venerabilibus fratribus archiepiscopis, episcopis et dilectis filiis abbatibus, prioribus et universis ecclesiarum prelatis, ad quos littere iste pervenerint, salutem et apostolicam benedictionem.
Querelam gravem dilectorum filiorum nostrorum fratrum Ierosolimitanensis hospitalis pro magnitudine culpe ac pauperum dispendio respectu etiam tuitionis et subventionis nostre Ierosolimitan. dissimulare nec volumus nec debemus. Proposuerunt siquidem iamdicti fratres, quod, cum pro confratriis et elemosinis pauperum requirendis iuxta consuetudinem suam auctoritate apostolica confirmatam ad ecclesias quorundam presbiterorum accedunt eos recipere nolunt, sed quod gravius est ab ecclesiis ipsis predictos fratres eicere non verentur, cum debent eos benigne ac patienter audire et parrochianos suos ad conferendas pauperibus elemosinas attentius exhortari accedit ad hec, quod idem presbiteri quandam partem elemosinarum pauperum exigunt impudenter et, ut possint extorquere, quod querunt, parrochiam suis reclamantibus pauperum ob.... impedire pro sue voluntatis arbitrio non formidant unde quam tantum predictorum fratrum gravamen et pauperum dispendium clausis non debetis oculis pertransire, quibus ex debito pastoralis officii patrocinium debetis contra omnium insolentiam impertiri, universitati vestre per apostolica scripta precipiendo mandamus, quatinus universis presbiteris vestre potestati subiectis sub pena officii et beneficii iniungatis, ut predictos fratres in ecclesiis suis ad opus pauperum predicare et elemosinas querere iuxta quod eis apostolica sadas indulsit sine qualibet contradictione premittant nec aliquid ab eis exigere vel extorquere presumant. Si vero postmodum e iamdictis presbiteris ad audientiam vestram querela pervenerit in transgressores precepti vestri iuxta modum culpe taliter vindicetis, quod eos sue temeritatis peniteat et fratres pro defectu iustitie non cogantur ad nostram presentiam laborare. Pervenit preterea ad audientiam nostram, quod, si quando parrochiani vestri prefatis fratribus de rebus suis quicquam in testamento relinquunt, heredes eorum vel illi, qui res ipsius penes se habent, ipsum legatum eis solvere contradicunt. Quia vero gravem culpe maculam contrahunt et non mediocriter oculos divine maiestatis offendunt, qui ea, que sacris Dei ecclesiis et .... religioni et honestati deditis rationabiliter in testameno legantur, temeritate qualibet detinere presumunt. Universitati vestre per apostolica scripta precipiendo mandamus, quatinus, si quando predicti fratres exinde apud vos querimoniam deposuerint, illos quos vobis nominaverint si vobis ita esse constiterit, moneatis et districtius compellatis, ut ea, que predictis fratribus sunt in testamento legata remoto appellationis obstaculo sine malitia dilatione absque diminutione persolvant vel in presentia vestra sublato appellationis remedio iustitie complementum exhibeant. Quod, si monitis vestris parare contempserint eos appellatione remota usque ad condignam satisfactionem excommunicationis vinculo astringatis.
Datum Rome apud sanctum Petrum, XII. Kal. Iunii, pontificatus nostri anno primo. -
Inconnue de Potthast.
Informations
Acte
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193384 (aposcripta-41075), http://telma.irht.cnrs.fr/chartes/aposcripta/notice/193384 (mise à jour : 25/10/2024).