Général
-
Lucius III (1181-1185)
-
L'abbé, Servius, et les frères de Notre-Dame d'Acey
-
IV kalendas decembris, indictione I, MCLXXXII, anno secundo
-
-
Velletri
-
Privilège solennel
-
[Expédition] E. FRANCE, Lons-le-Saunier, Archives départementales du Jura, 15 H 12 (fonds de l'abbaye Notre-Dame d'Acey). Bulle manquante [images en ligne].
-
Antonin Bourquin pour APOSCRIPTA, septembre 2024, d'après E.
-
Wilhelm Wiederhold, Papsturkunden in Frankreich, 1. Franche-Comté, Berlin, 1906 (Nachrichten der königlichen Gesellschaft der Wissenschaften zu Göttingen. Beiheft), n. 63, p. 112 (partielle) [en ligne].
-
Bernard de Vregille, René Locatelli, Gérard Moyse, Regesta pontificum Romanorum. Gallia Pontifica. La papauté et les églises et monastères en France avant 1198, Vol. I : Diocèse de Besançon, Gôttingen, Vandenhoeck und Ruprecht, 1998, Acey, n. 5, p. 248.
-
Lucius III confirme les biens et possessions de l'abbaye d'Acey, énumérés, et place celle-ci sous la protection du Saint-Siège [APO].
-
Lucius episcopus, servus servorum Dei, Dilectis filiis SERVIO abbati monasterii Sancte Marie de Aceyo, ejusque fratribus tam presentibus quam futuris, regularem vitam professis, In perpetuum.
Religiosam vitam [eligentibus] apostolicum convenit adesse presidium, ne forte cujuslibet temeritatis incursus aut eos a proposito revocet aut robur, quod absit, sacre religionis infringat.
Eapropter, dilecti in Domino filii, vestris justis postulationibus clementer annuimus, et prefatum monasterium Sancte Dei Genitricis semperque Virginis Marie de Aceyo, in quo divino mancipati estis obsequio, sub beati Petri et nostra protectione suscipimus, et presentis scripti privilegio communimus.
In primis siquidem statuentes, ut ordo monasticus, qui secundum Deum et beati Benedicti regulam atque institutionem Cisterciensis fratrum in eodem monasterio institutus esse dinoscitur, perpetuis ibidem temporibus inviolabiliter observetur.
Preterea quascumque possessiones, quecumque bona idem monasterium impresentiarum juste et canonice possidet, aut in futurum concessione pontificum, largitione regum vel principum, oblatione fidelium, seu aliis justis modis prestante Domino poterit adipisci, firma vobis vestrisque successoribus, et illibata permaneant.
In quibus hec propriis duximus exprimenda vocabulis :
Locum ipsum, in quo prefatum monasterium situm est cum omnibus pertinentiis suis ; Vallem Sancti Johannis, cum pertinentiis suis ; Curtim Amblie, cum piscariis et usuariis suis ; Rotundam grangiam, cum pertinentiis suis ; Grangiam Columbarii et Ateys, cum usuariis et appenditiis suis et communitatibus de Tervay1 ; Grangiam Fontis Alliaci et Valedum2, cum appenditiis suis ; Pascua et usuaria de Juy et de Bucey ; Grangiam de Novavilla, cum suis pertinentiis ; Grangiam de Mommorel et Fruntiney, cum appenditiis suis ; Grangiam de Waschenges, cum pertinentiis suis ; Totam terram quam dedit vobis Grirardus et Amelina, soror ejus, apud Ogneyum3, cum appenditiis suis ; Allodia que liberi homines de Ogneyo, videlicet Huo, Stephanus de Cray, Wido de Cray, Maygno, Wicardus, Humbertus, Odilo, Bordellus, Aaluz, Ericus, Fulco, Humbertus, Brachiumforte, Stephanus de Valnose, Paganus, Lipaleiz, Pontius miles et ceteri liberi homines ejusdem ville communi consilio et consensu dicioni vestre in elemosinam dederunt, ponentes ea super altare beati Petri apostoli et rursus ab eadem domo ea retinuerunt, et in custodia ejusdem se ipsos et sua constituerunt ; Donum Valonis de Aspero monte, videlicet quicquid habebat apud Ogneyum et apud Wstrui et apud Pegney, et in prato Viller, cum appenditiis suis4 ; Donum comitis Rainaldi5, videlicet quicquid habebat in Aceyo, in Terviaco, in Columbario ; Pedagium apud Dolam et quinque solidos censuales annuatim persolvendos ; et Quicquid homines sui de casamento suo tenebant apud Aceyum ; Unam munteam murie, quam dedit vobis comes Stephanus6 apud Launs, et unum mansum terre in villa de Assona, laudante priore de Vergey, et omnia pedagia et ventas totius terre sue ; Hoc idem donavit comes Girardus frater ejus per totam terram suam ; Donum Duranni Cherdipor et filiorum ejus Pontii, Petri et Stephani de Launs, scilicet dimidiam munteam murie et unum pratum et vineam et casale ; Donum Humberti Mazaline et filiorum ejus Aymonis et Petri de Launs, quindecim situlas murie, casale et vineam ; Donum Rotholandi et Johannis, filii ejus, viginti situlas murie apud Launs ; Terram quam dederunt vobis Guido et Girardus, frater ejus, de Ogney, laudante Adelina, sorore sua, et Willelmo, filio ejus ; Terram Arnulfi Motez ; Terram Humberti apud Aceboum ; Allodium Roberti de Brenc quod habuit ibidem et apud Aceboum ; Allodium Adonis de Brenc, ubicumque sit ; Allodium Odilonis de Brenc, ubicumque sit ; Donum Willelmi de Pasmes, scilicet quicquid habebat apud Batumvilar, cum appenditiis suis, et dimidiam partem de Sales, cum appenditiis suis, ventas et pasturas totius terre sue ; Donum Girardi de Mimirey, scilicet mansum Aimonis de Monoster, et quicquid habebat in Batvmuilar, cum appenditiis suis, et quicquid de omnibus feodis suis adquirere poteritis, pascua et usuaria tam in nemoribus quam in campis de Waschenges ; Donum Stephani et Wyardi fratrum de Pasmes, scilicet quicquid habebant apud Tervay et Burgillis ; Donum Avyni militis de Pasmes et filiorum ejus Narduini et Pagani, scilicet totum allodium suum de Burgillis, et unum pratum apud Tervay, et quicquid habebant in manso terre Valirenges, de Sarmages ; Allodium et totum casamentum Guidonis de By ; Terram Petri de Avrinney ubicumque sit ; Decem jugera Araici presbiteri apud Avrinney ; Donum Guidonis Sannir de Rineyo, scilicet quicquid habebat in Vilario, et unum mansum Guidonis Crassi in eadem villa ; Donum Martini et filii ejus de Selans, scilicet quicquid habebant apud Campecnolet et Dammertin et Wuflenges7 ; Donum Lamberti de Maalenges, scilicet quicquid habebat in eadem villa et apud Dammertin et Aceboum ; Donum Adeline Ramillasse et filie ejus Gibor de Maalenges, scilicet quicquid habebant ibidem, in Rananges, in Vilesmo, in Muntecney, in Barz, in Frasne, in Dammertin et in Aceboum ; Donum Girardi de Strabona et filiorum ejus Narduini et Guidonis, scilicet quicquid habebant in Aceyo et in Curiamblie, vendere et emere in foro Strabone sine venta concesserunt, et pascua per totam terram suam, et facere aliquam habitationem ad remandas oves ; Donum Dannet de Chauvyx et filiorum ejus Richardi et Widonis, scilicet piscationem que durat a piscatione Saornaiaca usque ad molendinum de Bennæ, et concessit si aliquidus de feudo suo aliquid impertiri vobis voluerit ; Terram Brunonis et Garneri fratrum de Chavecney apud Arne et Wulliflenges, cum appenditiis suis ; Donum Hugonis et Pontii fratrum de Cuney, scilicet quicquid habebant in Bar, et unum mansum apud Tassonna ; Terram que est inter duos rivos, quam dederunt vobis Pontius et Wido fratres de Virgillis et quicquid habebant in valle Fontis Arliaci ; Quicquid dedit vobis Willelmus Faber de Cunney apud Ogneyu et Wustrui, Jalarenges et Pegnei ; Quicquid dedit vobis Wurricus de Chamercives apud Brusillei et Novam villam ; Donum Petri Blancheri de Chastiney, scilicet quicquid habebat in Vr[.], et unum pratum apud Castiney, et sex nummos censuales apud Ansenges, et quasdam consuetudines in manso Raguinel ; Terram Narduini de Avrinney ubicumque sit ; Quicquid Sanctus Eugendus8 dedit vobis in Aceyo et in Ogneio ; Piscaturam quam dedit vobis Aymo de Rufeyo et Odo filius ejus, que est inter molendinum de Muntecney et molendinum de Aceyo, cum usuariis suis ; Donum Aymonis Basin de Muntecney et Odonis filii ejus, scilicet quicquid habebant in Novavilla ; Donum Herberti Villici de Monasterio, scilicet quicquid habebat in Aceyo, in Curiamblie et in Novavilla ; Hoc etiam Daniel filius ejus vobis donavit laudantibus filiis suis, molendinum et usum nemoris quem calumpniabatur omnino remisit preter perticas ad usum portus ; Donum Narduini de Ayvens, scilicet quicquid habebat apud Ogneyum et apud Soornay ; Quicquid Stephanus Viridis de Ogneyo dedit vobis apud Ogneyum ; Tres situlas murie quas dedit vobis Humbertus prepositus Ledonis singulis septimanis persolvendas ; Unum bullum murie quem reddunt vobis fratres Balerne pro Landrico Salins coquendum in caldaria fratrum de Roseriis9 ; Donum Symonis et Willelmi filii ejus de Mimirey, scilicet quicquid calumpniabantur in terris de Bar et usum nemoris et pasturas de Wuflenges, et tertiam partem campi juxta fontem Columbarii, et tertiam partem alterius campi ; et Donum Aymonis de Mimirey et Hugonis filii ejus, videlicet usum nemoris et pasturas de Wuflenges.
Sane laborum vestrorum quos propriis manibus aut sumptibus colitis, sive de nutrimentis animalium vestrorum, nullus a vobis decimas exigere aut extorquere presumat.
Liceat quoque vobis clericos vel laicos, e seculo fugientes, liberos et absolutos ad conversionem recipere, et eas absque contradictione aliqua retinere. Prohibemus insuper ut nulli fratrum vestrorum, post factam in eodem loco professionem fas sit, absque abbatis sui licentia de eodem loco discedere. Discedentem vero absque communium litterarum cautione nullus audeat retinere.
Paci quoque et tranquilitati vestre providere volentes, auctoritate apostolica prohibemus, ut infra clausuras locorum seu grangiarum vestrarum, nullus violentiam, vel rapinam, seu furtum committere, ignem apponere, hominem capere, vel interficere audeat. Ad hec presenti scripto sancimus, ut si episcopus in cujus parrochia domus vestra fundata est, tertio per intervalla temporum, cum humilitate et devotione qua convenit requisitus, substitutum abbatem benedicere forte noluerit, licitum sit, eidem abbati proprios novitios benedicere, et alia, que ad officium ipsum pertinent, exercere, donec idem episcopus duritiam suam recogitet, et benedicendum abbatem benedicere non recuset.
Sane si episcopi aliquid ab abbatibus vestri ordinis preter obedientiam debitam contra libertatem ordinis, a predecessoribus nostris et a nobis indultam, expetierint, liberum sit, eisdem abbatibus denegare, quod petitur, ne occasione ista predictus ordo, qui hactenus liber extitit, nova exactione gravetur.
Decernimus ergo ut nulli omnino hominem fas sit, prefatum monasterium temere perturbare aut ejus possessiones aufere vel ablatas retinere, minuere seu quibuslibet vexationibus fatigare, sed omnia integra conserventur, eorum, pro quorum ac sustentatione concessa sunt, usibus omnimodis profutura ; Salva apostolice auctoritate. Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit, secundo tertiove commonita, nisi reatum suum digna satisfactione correxerit, potestatis honorisque sui dignitate careat, reamque se divino judicio existere de perpetrata iniquitate cognoscat et a sacratissimo corpore ac sanguine Dei et Domini redemptoris nostri Jesu Christi aliena fiat, atque in extremo examine divine ultioni subjaceat.
Cunctis autem eidem loco sua jura servantibus sit pax Domini nostri Jesu Christi. Quatinus et hic fructum bone actionis percipiant et apud districtum judicem premia eterne pacis inveniant. Amen. Am. Amen.
(Colonne centrale :)
(Rota) Ego Lucius catholice ecclesie episcopus, ss. (Benevalete).
✝ Ego Theodinus Portuensis et Sancte Rufine sedis episcopus, ss.
✝ Ego Henricus Albanensis episcopus ss.
(Colonne de droite :)
✝ Ego Vivianus tituli Sancti Stephani in Celio monte presbyter cardinalis, ss.
✝ Ego Arduinus presbyter cardinalis tituli Sancte Crucis in Jherusalem, ss.
✝ Ego Laborans presbyter cardinalis Sancte Marie Transtiberim tituli Calixti, ss.
(Colonne de gauche :)
✝ Ego Rainerius Sancti Georgii ad Velum aureum diaconus cardinalis, ss.
✝ Ego Gratianus Sanctorum Cosme et Damiani diaconus cardinalis, ss.
Datum Velletri per manum Alberti, Sancte Romane Ecclesie presbiteri cardinalis et cancellarii, IIII kalendas decembris, indictione prima, Incarnationis dominice anno M.C.LXXX.II, pontificatus vero domni LUCII pape III anno secundo. -
1. La plupart des localités énumérées semblent avoir auj. disparu, et devaient se trouver aux alentours de la première implantation des moines, dans la première moitié du XIIe siècle, au Val Saint-Jean, situé sur l'actuelle commune de Thervay. Les granges de Colombier et Athées font parties des premières donations. La Grange-Ronde se trouve sur le territoire d'Ougney.
-
2. La Fontaine Arlay et le bois de Vaudenay (cne de Vitreux, Jura).
-
3. Ougney.
-
4. Valon seigneur d'Apremont (Haute-Saône) donne ce qu'il possède Ougney, Vitreux et Pagney (Jura).
-
5. Raynaud III de Bourgogne (vers 1093-1148), comte de Bourgogne, de Mâcon et de Vienne.
-
6. Étienne, comte d'Auxonne (✝ 1173) et son frère Géraud (✝ 1184), comte de Vienne et de Mâcon, donne des biens à Lons-le-Saunier et Auxonne, où le prieur de Saint-Vivant de Vergy possédait aussi des propriétés.
-
7. Champagnolot, Dammartin et Offlanges.
-
8. L'abbaye Saint-Oyend de Joux (aujourd'hui Saint-Claude, Jura).
-
9. Abbayes cisterciennes de Balerne et de Rosières.
-
Inconnue de Jaffé.
Informations
Acte
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193307 (aposcripta-40998), http://telma.irht.cnrs.fr/chartes/aposcripta/notice/193307 (mise à jour : 15/09/2024).