Général
-
Lucius III (1181-1185)
-
L'archevêque de Besançon, l'évêque de Langres, et les archidiacres et abbés de ces diocèses
-
L'abbaye cistercienne d'Acey
-
XIII kalendas augusti
-
-
Velletri
-
Mandement (littere cum filo canapis)
-
[Expédition] E. FRANCE, Lons-le-Saunier, Archives départementales du Jura, 15Hps6 (anciennement 15 H 12) (fonds de l'abbaye Notre-Dame d'Acey). Bulle de plomb sur fils de soie rouge et jaune [images en ligne].
-
[Vidimus] G1. FRANCE, Lons-le-Saunier, Archives départementales du Jura, 15Hps3 (anciennement 15 H 9) (fonds de l'abbaye Notre-Dame d'Acey). Vidimus du 9 septembre 1359 par l'official de Besançon, portant sur un vidimus par l'official de Besançon daté du 14 août 1359 (2e bulle rapportée) [images en ligne].
-
Wilhelm Wiederhold, Papsturkunden in Frankreich, 1. Franche-Comté, Berlin, 1906 (Nachrichten der königlichen Gesellschaft der Wissenschaften zu Göttingen. Beiheft), n. 62, p. 111 [en ligne].
-
Bernard de Vregille, René Locatelli, Gérard Moyse, Regesta pontificum Romanorum. Gallia Pontifica. La papauté et les églises et monastères en France avant 1198, Vol. I : Diocèse de Besançon, Gôttingen, Vandenhoeck und Ruprecht, 1998, Acey, n. 4, p. 248.
-
Lucius III. beauftragt den Erzbischof von Besançon, den Bischof von Langres und die Archidiaconen und Aebte ihrer Diöcesen, die Brüder von Acey gegen alle zu beschützen, die sich unter dem Scheine, die Gastfreundschaft des Klosters in Anspruch zu nehmen, dort einführen, um dann mutwillig an dem Besitztum des Klosters Schaden anzurichten [Wiederhold].
-
Lucius episcopus, servus servorum Dei, Venerabilibus fratribus .. archiepiscopo Bisuntino et .. Lingonensi episcopo, ac dilectis filiis archidiaconis et abbatibus per utramque diocesim constitutis, Salutem et apostolicam benedictionem.
Ex parte dilectorum filiorum nostrorum abbatis et fratrum de Aceio gravis ad nos querela pervenit, quam per censuram ecclesiasticam celerius comprimi convenit, ne sub dissimulatione trahatur ad usum et venerabilia sacre religionis instituta confundat.
Accepimus siquidem , quod quidam perversi homines, cum in monasterio aut grangiis eorum hospitio fuerint secundum loci facultatem et consuetudinem ordinis decenter ac benigne recepti, tanquam ignis in sinu vel mus ina pera, qui suos male remunerant hospites, quando de loco redeunt, in quo fuerunt honeste tractati, equos vel boves aut alia que sue iniquitati occurrunt, violenter abducunt, que postmodum aut pretio distrahunt aut ad usus alios pro sua voluntate convertunt.
Porcos etiam arietes gallinas et alia quelibet altilia, que pro infirmis solent misericorditer in ordine reservari, mactare ac comedere non formidant et contra institutionem ordinis locum esu carnium prophanantes, alia turpia, que verecunde silenda sunt, diabolo suadente committunt.
Cameras etiam et cellaria, in quibus ova vel casei reponuntur, violenter intrantes ea que fratres ipsi sibi sub abstinentie laude subtrahunt, pro sua gulositate consumunt et hora brevi per filios iniquitatis absumuntur, quodb fratrum parsimonia pro se vel hospitibus proposuerat reservare.
Quoniam igitur hec gravia sunt et pro religionis sacre reverentia studio sacerdotalis officii corrigenda, uniuersitati vestre per apostolica scripta mandamus atque precipimus, quatinus, cum predicti fratres ad vos pro tantis enormitatibus emendandis accesserint, eos quos talia commisisse constiterit, contradictione et appellatione cessante, vinculo anathematis innodetis et, si tales fuerint, qui villas habeant aut castella, quandiu in eis presentes fuerint, omnia divina preter penitentia et baptisma prohibeatis officia celebrari, loca etiam alia, ad que ipsi malefactores devenerint, aut in quibus ea que fratribus ablata fuerint, constiterit detineri, sub eadem interdicti sententia teneantur nec lata in eos excommunicationis aut in loca interdicti sententia relaxetur, donec ablata restituant et de tantis enormitatibus et injuriis satisfactionem exhibeant competentem. Vestre autem sollicitudinis erit et studii latam in eos sententiam in sollempnibus sinodis innovare et presbiteris firmiter nostra et vestra auctoritate injungere, ut sententiam ipsam in suis parrochiis inviolabiliter usque ad dignam satisfactionem observent.
Datum Velletri, XIII kalendas augusti. -
von sinu bis in von feiner Hand corrigiert.
-
so im Orig.
-
Inconnue de Jaffé.
Informations
Acte
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193305 (aposcripta-40996), http://telma.irht.cnrs.fr/chartes/aposcripta/notice/193305 (mise à jour : 11/09/2024).