Général
-
Clément VII (1523-1534)
-
Le chanoine de Besançon, Louis de Civria
-
MDXXVIII, XII kalendas maii, anno quinto
-
-
Orvieto
-
Titre, provisions de bénéfice (littere gratiose, cum filo serico)
-
[Expédition] E. FRANCE, Lons-le-Saunier, Archives départementales du Jura, 2 H 1271 (fonds de l'abbaye de Saint-Claude - Autres prieurés de Franche Comté - Prieuré Saint-Just d'Arbois : Prieurs). Bulle manquante. Sur le pli : « F. Bernardus ». Sous le pli : « F. Bronconnis // F. Gauden // A Cave // Re. Hilarius // C. Jacosat. // G. de Brahy // Jo. Nolm. // A. Gratiadei // Je. Perulatini » [images en ligne].
-
Antonin Bourquin pour APOSCRIPTA, septembre 2024, d'après E.
-
Bulles de provision pour Louis de Civria au prieuré Saint-Just d'Arbois [Inventaire AD].
-
Clemens episcopus, servus servorum Dei, Dilecto filio Ludovico de Civryaco canonico Bisuntine diocesis, Salutem et apostolicam benedictionem.
Nobilitas generis vite ac morum honestas aliaque laudabilia probitatis et virtutum merita, super quibus apud nos fide digno commendaris testimonio, nos inducunt ut te specialibus favoribus et gratiis prosequamur.
Nuper siquidem per nos accepto quod prioratus Sancti Justi de Arbosio, ordinis sancti Benedicti, Bisuntine diocesis, quem bone memorie Johannes1 episcopus Megarensis ex concessione et dispensatione apostolica in commendam dum viveret obtinebat commenda hujusmodi per obitum dicti Johannis episcopi qui extra Romanam Curiam debitum nature persolvit cessante ad huc eo quod dum eidem Johanni episcopo commendatus fuerat, vacabat, seu alias certomodo tunc vacare noscebatur.
Nos prioratum predictum qui conventualis [...] a monasterio Sancti Eugendi Jurensis, dicti ordinis, Lugdunensis diocesis, dependet quovismodo quem haberi voluimus pro expresso vacaret tibi per te ad sex menses a die habite per te illius pacifice possessionis computandos tenendum, regendum et gubernandum per alias nostras litteras commendavimus ac voluimus, quod tu infra dictos sex menses prefatum prioratum dimittere omnino tenereris alioquin eisdem sex mensibus elapsis illius commendam hujusmodi cessare, et illa cessante prioratum ipsum vacare decernimus eo ipso, prout in eisdem litteris plenius continetur.
Nos igitur volentes, te asserentem te in vicesimo tertio vel circa tue etatis anno constitutum, et de nobili genere ex utroque parente procreatum, ac dilecti filii nobilis viri Caroli ducis Sabaudie elemosinarium existere, ac canonicatum et prebendam ecclesie Bisuntine in titulum, necnon ex concessione et dispensatione apostolica prioratum Sancti Simonis, de mutua ordinis, et Bisuntine diocesis, predictorum in commendam inter alia obtinere premissorum meritorum tuorum intuitu favore prosequi gratioso teque a quibusvis excommunicationis, suspensionis et interdicti aliisque ecclesiasticis sententiis, censuris et penis a vire vel ab homine quavis occasione vel causa latis siquibus quomodolibet innodatus existis, ad effectum presentium dumtaxat consequendum harum serie absolventes, et absolutum fore censentes, necnon omnia et singula alia beneficia ecclesiastica, cum cura et sine cura, secularia et quorumvis ordinum regularia, que etiam ex quibusvis concessionibus et dispensationibus apostolicis in titulum et commendam, ac alias obtines et expectas, ac in quibus et ad que vis tibi quomodolibet competit, quecunque, quotcunque et et qualiacunque sint eorumque ac dictorum canonicatus et prebende, necnon prioratus Sancti Simonis fructuum, reddituum et proventuum veros annuos volores, ac hujusmodi concessionum et dispensationum tenores, necnon quarumcunque pensionum annuarum tibi super quibusvis fructibus, redditibus et proventibus ecclesiasticis assignatarum quantitates presentibus pro expressis habentes.
Tuis in hac parte supplicationibus inclinati, commendam tibi de dicto prioratu Sancti Justi, ut prefertur factam, ac cum omnibus et singulis in eis contentis clausulis de super confectas litteras predictas, ad tui vitam ita ut quoadjuxeris prioratum ipsum Sancti Justi in hujusmodi commendam retinere, libere et licite valeas, nec illa per lapsum dictorum sex mensium cessare, neque prioratus ipse Sancti Justi propterea vacare censeantur priori voluntate et decreto nostris predictis, ac aliis constitutionibus et ordinationibus apostolicis, necnon monasterii et ordinis predictorum juramento confirmatione apostolica, vel quavis firmitate alia roboratis statutis et consuetudinibus, ac omnibus illis que in dictis litteris voluimus non obstare, ceterisque contrariis nequadam obstantibus auctoritate apostolica tenore presentium extendimus pariter et ampliamus.
Nulli ergo omnino hominum liceat hanc paginam nostre absolutionis, extensionis et ampliationis infringere, vel ei ausu temerario contraire. Siquis autem hoc attemptare presumpserit, indignationem omnipotentis Dei et beatorum Petri et Pauli apostolorum eius se noverit incursurum.
Datum in Urbeveteri, anno Incarnationis dominice millesimo quingentesimo vicesimo octavo, tertiodecimo kalendas maii, pontificatus nostri anno quinto. -
1. Jean Raynaud, évêque titulaire de Megara (1524-1526).
-
?
Informations
Acte
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193246 (aposcripta-40937), http://telma.irht.cnrs.fr/chartes/aposcripta/notice/193246 (mise à jour : 05/09/2024).