Général
-
Jean XXII (1316-1334)
-
Les prieurs de Saint-Albain de Bâle et de La Charité, diocèse d'Auxerre, ainsi que le prévôt d'Avignon
-
L'abbaye de Saint-Oyend de Joux, OSB, diocèse de Lyon
-
IV augusti, anno quinto
-
-
Avignon
-
Mandement (littere cum filo canapis)
-
[Expédition] E. FRANCE, Lons-le-Saunier, Archives départementales du Jura, 2 H 11 (fonds de l'abbaye de Saint-Claude). Bulle manquante, reste de fils de chanvre. Sur le pli : « N. de Fractis ». Sous le pli : « R. Boers » [images en ligne].
-
[Vidimus] F1. FRANCE, Lons-le-Saunier, Archives départementales du Jura, 2 H 11 (fonds de l'abbaye de Saint-Claude). Fulmination par le prieur de la Charité, Thibaud, datée du 8 décembre 1429. Également présente, sous la même cote, une copie de cette fulmination, datée du 23 juin 1746.
-
[Registre de la chancellerie apostolique] R1. CITÉ DU VATICAN, Archivio Apostolico Romano, Regestra Avenionense, 15, fol. 379 a.
-
[Registre de la chancellerie apostolique] R2. CITÉ DU VATICAN, Archivio Apostolico Romano, Regestra Vaticana, 72, ep. 1430.
-
Antonin Bourquin pour APOSCRIPTA, septembre 2024, d'après E.
-
Guillaume Mollat, Jean XXII (1316-1334), Lettres communes, Paris, 1904-1947, 16 t., n. 13979, d'après R.
-
Bulle de Jean XXII nommant les prieurs de Saint-Albain au diocèse de Bâle et de La Charité au diocèse d'Auxerre et le prévôt d'Avignon comme juges délégués et conservateurs des privilèges et possessions de l'abbaye de Saint-Oyend [Inventaire AD].
-
Johannes episcopus, servus servorum Dei, Dilectis filiis .. Sancti Albani Basiliensis et .. Caritatensis, Antisiodorensis diocesis, prioribus, ac .. preposito Avinionensis, Salutem et apostolicam benedictionem.
Militanti ecclesie, licet immeriti, disponente Domino, presidentes, circa curam ecclesiarum et monasteriorum omnium solertia reddimur indefessa soliciti, [ut juxta debitum pastoralis officii, eorum occurramus dispendiis et profectibus], divina cooperante clementia, salubriter intendamus.
Sane dilecti filii Hugonis abbatis monasterii Sancti Eugendi Jurensis, ordinis Sancti Benedicti, Lugdunensis diocesis, conquestione percepimus, quod nonnulli venerabiles fratres nostri archiepiscopi et episcopi ceterisque ecclesiarum prelati ac clerici et ecclesiastice persone, tam religiose quam etiam seculares, necnon duces, marchiones, comites, barones et nobiles, communia civitatum, universitates opidorum, castrorum, villarum et aliorum locorum ac alie singulares persone illarum partium occuparunt et occupari fecerunt, membra, ecclesias, prioratus et capellas sibi subjecta, necnon castra, villas et alia loca, terras, domos, possessiones, vassallos, jura et jurisdictiones, necnon fructus, census, redditus et proventus eorumdem, et nonnulla alia bona mobilia et immobilia, spiritualia et temporalia, ad monasterium et membra predicta spectantia, et ea detinent indebite occupata, seu eadem detinentibus prestant auxilium, consilium, vel favorem, nonnulli etiam civitatum et partium predictarum qui nomen Domini in [vacuum percipere] non formidant eisdem abbati et monasterii in predictis membris, ecclesiis, prioratibus et capellis, necnon castris, villis et locis aliis, terris et domibus, [...iis], possessionibus, juribus et jurisdictionibus, fructibus, censibus, redditibus et proventibus eorumdem, et quibuscumque aliis bonis mobilibus et immobilibus, spiritualibus et temporalibus ac aliis rebus ad monasterium et membra, prefata pertinentibus, multiplices molestias et injurias inferunt ac jacturas.
Quare prefatus abbas nobis humiliter supplicavit, ut cum eidem valde reddatur difficile pro singulis querelis ad apostolicam Sedem habere recursum, providere sibi et dicto monasterio super hoc paterna diligentia curaremus.
Nos igitur adversus presumptores, occupatores, molestatores et injuriatores hujusmodi, illo votentes eis remedio subvenire, per quod ipsorum compescatur temeritas, et aliis aditus committendi similia precludatur, discretioni vestre per apostolica scripta mandamus, quatinus vos, vel duo, aut unus vestrum, per vos, vel alium, seu alios, etiam si sint extra loca in quibus deputati estis conservatores et judices, prefato abbati efficacis defensionis presidio assistentes, non permittatis eundem super hiis et quibuslibet aliis bonis et juribus ad monasterium et membra predicta spectantibus ab eisdem vel quibuscumque aliis indedite molestari, vel sibi gravamina seu dampna, aut injurias irrogari facturi dicto abbati, cum ab eo seu vicariis, aut procuratoribus ejus, vel aliquo eorumdem fueritis requisiti, de predictis et aliis personis quibuslibet super restitutione membrorum, prioratuum, ecclesiarum, capellarum, castrorum, villarum, et aliorum locorum, jurisdictionum, jurium ac bonorum mobilium et immobilium, reddituum quoque, et proventuum et aliorum quorumcunque bonorum, necnon de quibuslibet molestiis, injuriis, atque dampnis presentibus et futuris in illis videlicet que judicialem requirunt indaginem de plano, sine strepitu et figura judicii ; in aliis vero, prout qualitas ipsorum exegerit, justitie complementum occupatores, seu detentores, molestatores, presumptores et injuriatores hujusmodi, necnon contradictores et rebelles, cujuscumque dignitatis, status, ordinis vel conditionis extiterint quandocumque et quotienscumque expedierit, per censuram ecclesiasticam, appellatione postposita, compescendo, invocato ad hoc, si opus fuerit, auxilio brachii secularis. Non obstantibus felicis recordationis Bonifacii pape VIII, predecessoris nostri, qua cavetur ne quis extra suam civitatem et diocesim, nisi in certis exceptis casibus et in illis ultra unam dietam a fine sue diocesis, ad judicium evocetur, seu ne judices et conservatores a Sede deputati predicta extra civitatem et diocesim in quibus deputati fuerint contra quoscumque procedere, sive alii vel aliis vices suas committere, aut aliquos ultra unam dietam a fine diocesis eorumdem trahere presumant, seu quod de aliis quam de manifestis injuriis et involentiis, et aliis que judicialem indaginem exigunt penis, si secus egerint et in id procurantes adjectis conservatores se nullatenus intromittant, et tam de duabus dietis in concilio generali, dummodo ultra tertiam vel quartam dietam aliquis extra suam civitatem et diocesum auctoritate presentium non trahatur, quam aliis quibuscumque constitutionibus a predecessoribus nostris Romanis Pontificibus, tam de judicibus delegatis et conservatoribus quam personis ultra certum numerum ad judicium non vocandis, aut aliis editis que nostre possent in hac parte jurisdictioni aut potestati, ejusque libero exercitio quomodolibet obviare, seu si aliquibus communiter vel divisim a predicta sit Sede indultum, quod excommunicari, suspendi, vel interdici, aut extra vel ultra certa loca ad judicium evocari non possint per litteras apostolicas non facientes plenam et expressam, ac de verbo ad verbum de indulto hujusmodi et eorum personis et locis, ordinibus et nominibus propriis mentionem vel qualibet alia indulgentia dicte Sedis generali vel speciali, cujuscunque tenoris existat, per [quam presentibus non expressam vel totaliter] non insertam nostre jurisdictionis explicatio in hac parte valeat quomodolibet impediri et de qua cujusque toto tenore de verbo ad verbum in nostris litteris habenda sit mentio specialis.
Ceterum volumus, et apostolica auctoritate decernimus quod quilibet vestrum prosequi valeat articulum etiam per alium inchoatum, quamvis idem inchoans nullo fuerit impedimento canonico impeditus, quodque a data presentium, sit vobis et unicuique vestrum in premissis omnibus et eorum singulis ceptis et non ceptis presentibus et futuris perpetua potestas et jurisdictio attributa, ut eo vigore, eaque firmitate possitis in premissis omnibus ceptis et non ceptis presentibus et futuris, et pro predictis procedere ac si predicta omnia et singula coram vobis cepta fuissent et jurisdictio vestra et cujuslibet vestrum in predictis omnibus et singulis per citationem vel modum alium perpetuata legitimum extitisset. Constitutione predicta super conservatoribus et alia qualibet in contrarium edita non obstantibus.
Datum Avinioni, IIII idus augusti, pontificatus nostri anno quinto. -
?
Informations
Acte
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193241 (aposcripta-40932), http://telma.irht.cnrs.fr/chartes/aposcripta/notice/193241 (mise à jour : 04/09/2024).