Général
-
Clément VII (antipape ; 1378-1394)
-
L'abbé de Saint-Oyend de Joux, OSB, diocèse de Lyon, Guillaume
-
VIII idus maii, anno decimo
-
-
Avignon
-
Titre, général (littere gratiose, cum filo serico)
-
[Expédition] E. FRANCE, Lons-le-Saunier, Archives départementales du Jura, 2 H 10 (fonds de l'abbaye de Saint-Claude). Bulle manquante, reste de fils de soie jaune et rouge. Sur le pli : « J. de Croqueto ». Sous le pli : « Jo. de Trulhacio // H. de Arena » [images en ligne].
-
Antonin Bourquin pour APOSCRIPTA, septembre 2024, d'après E.
-
?
-
Clément VII (antipape) autorise l'abbé Guillaume (de La Baume), abbé de Saint-Oyend, à percevoir une taxe sur les bénéfices dont il a la nomination, pour faire face aux besoins de son monastère, particulièrement aux frais de sépulture de son prédécesseur, Guillaume (de Beauregard) [Inventaire AD].
-
Clemens episcopus, servus servorum Dei, Dilecto filio Guillermo abbati monasterii Sancti Eugendi Jurensis, ordinis sancti Benedicti, Lugdunensis diocesis, Salutem et apostolicam benedictionem.
Exigit tue devotionis affectus, quo nos et Romanam Ecclesiam revereris, ut petitiones tuas quantum cum Deo possumus ad exauditionis gratiam admittamus.
Cum itaque, sicut tua petitio nobis nuper exhibita continebat, pro necessariis Monasterii Sancti Eugendi Jurensis, ordinis sancti Benedicti, Lugdunensis diocesis, tui te prefecimus in abbatem, necnon pro depultura Guillermi, predecessoris tui ultimi ipsius monasterii abbatis, extra Romanam Curiam defuncti, ac aliis incumbentibus tibi negotiis, multa te subire oporteat onera expensarum ; Nos, attendentes quod divisa in partes onera melius perferuntur, ac equum reputantes et congruum, ut persone ecclesiastice que beneficia ecclesiastica, tam secularia quam regularia, a dicto monasterio dependentia, ac ad collationem abbatis dicti monasterii pro tempore existentis pertinentia obtinentes, tecum hujusmodi onera patiantur, tuis itaque supplicationibus inclinati, ut ab omnibus personis ecclesiasticis, tam secularibus quam regularibus, non exemptis beneficia, ut prefertur a dicto monasterio dependentia, vel ad collationem, provisionem, presentationem, seu quamvis aliam [dispositionem] abbatis dicti monasterii pro tempore existentis pertinentia obtinentibus, pro quibus decima persolvi consuevit, mota Constitutionem felicis [recordationis] Benedicti Pape XII predecessoris nostri, ac infra ipsorum beneficiorum exigentiam et facultatem petere et recipere, aut totitate nostra semel dumtaxat libere [valeas caritativum] subsidium pro hujusmodi oneribus facilius supportandis. Non obstantibus quibuscunque statutis et consuetudinibus contrariis ac privilegiis et [indulgentiis] ac litteris apostolicis generalibus vel specialibus quorumcunque tenorum existant, eis vel eorum aliquibus communiter vel divisim sub quacunque forma vel expressione verborum concessis, per que presentibus non expressa, vel totaliter non inserta effectus eorum impediri valeat quomodolibet vel differri, et de quibus quorumque [totis] tenoribus habenda sit in verbo ad verbum in nostris literis mentio specialis plenam et liberam concedimus, tenore presentium facultatem.
Nulli ergo omnino hominum [liceat] hanc paginam nostre concessionis infringere, vel ei ausu temerario contraire. Siquis autem hoc attemptare presumpserit, indignationem omnipotentis Dei et beatorum Petri et Pauli apostolorum eius se noverit incursurum.
Datum Avinione, VIII idus maii, pontificatus nostri anno decimo. -
?
Informations
Acte
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193237 (aposcripta-40928), http://telma.irht.cnrs.fr/chartes/aposcripta/notice/193237 (mise à jour : 04/09/2024).