Général
-
Nicolas IV (1288-1292)
-
Les abbés de Cîteaux, diocèse de Chalon, de Bellevaux, diocèse de Besançon, et de Saint-Pierre de Chalon
-
L'abbé et la communauté de Baume, OSB, diocèse de Besançon
-
VI idus februarii, anno quarto
-
-
Rome, Sainte-Marie-Majeure
-
Mandement (littere cum filo canapis)
-
[Expédition] E. FRANCE, Lons-le-Saunier, Archives départementales du Jura, 1 H 13 (fonds de l'abbaye de Baume-les-Messieurs). Bulle manquante. Au dos : « N. Gisonis » [images en ligne].
-
Antonin Bourquin pour APOSCRIPTA, août 2024, d'après E.
-
Désiré Monnier, Recherches historiques sur l'abbaye royale de Baume-les-Messieurs, 1836, manuscrit conservé à la BnF, Nouvelles acquisitions françaises, 1039, p. 256 [en ligne].
-
?
-
(à faire)
-
Nicolaus episcopus, servus servorum Dei, Dilectis filiis .. Cistercii, .. Bellevalis, Cabilonensis et Bisuntine diocesium, ac .. Sancti Petri Cabilonensis, monasteriorum abbatibus, Salutem et apostolicam benedictionem.
Sua nobis dilecti filii .. abbas et conventus monasterii Balmensis, ordinis sancti Benedicti, Bisuntine diocesis, petitione monstrarunt, quod olim nobis exposite, quod monasterium Cluniacensis ad Romanam Ecclesiam nullo medio pertinens adeo debitorum onere, et aliis diversis incomodis gravabatur, quod nisi alicujus subventionis remedio per nos subveniretur eidem, in bonis suis irreparabile incurrere poterat detrimentum, nos dilecto filio .. abbati ejusdem monasterii pro exoneratione hujusmodi debitorum vicesimam partem omnium proventuum et reddituum monasteriorum et prioratuum que sunt immediate, et mediate dicto monasterio Cluniacensi subjecta, et aliarum etiam ecclesiarum tam secularium quam regularium, ad collationem seu presentationem ipsius abbatis Cluniacensis, et aliorum abbatum ordinis memorati spectantum, per certum temporis spacium per nostras sub certa forma litteras duximus concedendam, dilectis filiis .. de Marcigniaco1 et .. de Sancta Margarita in Elincuria2, ac .. Sancti Theobaldi de Vitriaco Castro3 prioribus, Cluniacensis ordinis, Eduensis, Belvacensis et Cathalaunensis diocesium, dicto abbati Cluniacensis super hoc, per alias nostras litteras certi tenoris executoribus seputatis.
Cumque dictus prior de Marcigniaco qui solus in negotio hujusmodi, prout ex forma litterarum ipsarum se posse dicebat procedebat, prefatos abbatem et conventum dicti monasterii Balmensis moneri fecisset, ac vicesimam partem omnium reddituum et proventuum dicti monasterii Balmensis, infra certum temporis spacium abbati Cluniacensis persolverent supradicto, pro parte dictorum abbatis et conventus monasterii Balmensis cum dicti prioris prioris de Marcigniaco, qui in remotis agebat, copiam habere non possent, coram quo excipere intendebant, quod cum iidem abbas et conventus dicti Balmensis monasterii, sancti Benedicti et non Cluniacensis ordinis, existerent nec predicto monasterio Cluniacensi in nullo subessent, nec dictus abbas Cluniacensis in dicto Balmensi monasterio patronatus, seu in aliquod aliud obtineret, propter quod ad solutionem dicte vicesime nullatenus tenerentur, protestatione coram probis viris facta et causa appellationis expressa, videlicet quod prioris de Marcigniaco qui tunc in remotis agebat copiam habere non poterant coram quo erant parati proponere. Quare ad solutionem dicte vicesime minime tenebantur, prout superius est expressum ad sedem apostolicam appellarunt.
Quocirca discretioni vestre per apostolica scripta mandamus, quatinus vocatis qui fuerint evocanda et auditis hinc inde propositis, quod justum fuerit, appellatione postposita decernatis, facientes quod decreveritis per censuram ecclesiasticam firmiter observari. Testes autem, qui fuerint nominati, si se gratia, odio, vel timore subtraxerint, censura simili, appellatione cessante, cogatis veritati testimonium perhibere. Quod si non omnes hiis exequendis potueritis interesse, domino vestrum ea nichilominus exequantur.
Datum Rome apud Sanctam Mariam Majorem, VI idus februarii, pontificatus nostri anno quarto. -
1. Marcigny (Saône-et-loire).
-
2. Prieuré Sainte-Marguerite d'Élincourt (Oise).
-
3. Prieuré Saint-Thibaud de Vitry-en-Perthois (Marne).
-
Inconnue de Potthast. Absente des registres édités.
Informations
Acte
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193192 (aposcripta-40896), http://telma.irht.cnrs.fr/chartes/aposcripta/notice/193192 (mise à jour : 28/08/2024).