Général
-
Boniface VIII (1294-1303)
-
à renseigner
-
IIII kalendas martii, pontificatus nostri anno septimo
-
-
Latran
-
n.c.
-
[Expédition] E. Barcelone, Arxiu de la Corona d’Aragó, Reial Cancelleria, Butlles, lligall 22, núm. 9. B Barcelona, Arxiu de la Corona d’Aragó, Reial Cancelleria, Butlles, lligall 22, núm. 9 doble. a Butlles amb fil de cànem.
-
[Registre de la chambre apostolique] R. CITÉ DU VATICAN, Archivio apostolico Vaticano, Registra Vaticana??, fol. ??.
-
Ici reprise de Tilmann Schmidt, Roser Sabanés i Fernández, Butllari de Catalunya : documents pontificis originals conservats als arxius de Catalunya (1198-1417), Barcelone : Fondació Noguera, 2016, 3 vol., I [en ligne], n. 606.
-
b Domínguez Sánchez, Documentos de Bonifacio VIII, p. 786-788, doc. 782. c MIQUEL ROSELL, Regesta, p. 164, doc. 309. d Schedario Baumgarten, II, p. 657, doc. 4699, 4700.
-
Georges Digard, Maurice Faucon, Antoine Thomas, Robert Fawtier, Les registres de Boniface VIII. Recueil des bulles de ce pape, Paris : Albert Fontemoing (BÉFAR), 1884-1939, n. ??? [en ligne].
-
?
-
?
-
Potthast, Regesta pontificum Romanorum, n. ??? [en ligne].
-
?
-
Bonifaci VIII prega al rei Jaume II d’Aragó que empari el dret de l’almirall Roger de Llúria sobre els castells de Calp i Altea (València), comprats a Jazpert, vescomte de Castellnou, per seixanta mil sous amb la condició de retrovenda en el cas de recuperar els de Castellnou i Ceret que havia perdut a la guerra. El seu germà, Alfons II (el Franc), havia cedit aquells castells a Jaspert, en compensació d’aquests, a condició de retornar-los-hi quan els recuperés. El papa li prega que, malgrat que hagi estat així, desisteixi del seu propòsit d’anul·lar el contracte en atenció als serveis que Roger de Llúria ha prestat a l’Església. [Schmidt et Sabanés i Fernandez].
-
Bonifatius VIII episcopus servus servorum Dei, carissimo in Christo filio Iacobo Aragonie regi illustri salutem et apostolicam benedictionem.
Habet facta nobis assertio dilecti filii nobilis viri Rogerii de Lauria regnorum Sicilie et Aragonie amirati et tuarum litterarum pagina seriose recenset, quod quondam Alfonsus germanus tuus castra de Calp et de Altea sita in regno Valentie dilecto filio nobili viro Iazperto vicecomiti Castri Novi concessit et dedit sub illius conditionis adiectu, quod cum idem Alfonsus vel heredes ipsius restituerent dicto Iazperto vel suis vicecomitatum de Castro Novo et locum de Cereto que idem Iazpertus pro serviciis Alfonsi prefati perdiderat, dicto Alfonso vel suis iamdicta castra memoratus Iazpertus restituere teneretur. Postea vero ammiratus predictus memorata castra emit a prefato Iazperto pro pretio sexaginta milium solidorum currentis monete in venditione subiuncto quod si dictus Iazpertus ipsos solidos eidem ammirato persolveret, ammiratus ipse eidem Iazperto castra restitueret antedicta. Et subsequenter tu castra predicta dicto ammirato suorum servitorum obtentu imperpetuum concessisti et promisisti per litteras, quod si contingeret per te posse restitutionem fieri prefato Iazperto de vicecomitatu et loco de Cereto predictis, differres restitutionem ipsam donec per dictum Iazpertum ammirato iamdicto de dictis solidis esset integre satisfactum. Nunc autem vicecomitatu de loco de Cereto prefatis memorato Iazperto per te, ut audivimus, restitutis et provisione secuta dampnis que idem Iazpertus in guerra sustinuit restauratio sibi pro tua parte succedat, in ducentis et quinquaginta milibus solidorum citatur, ammiratus ipse per litteras tuas, ut ipse per se vel procuratorem ydoneum usque ad kalendas iunii coram te compareat, facturus eidem Iazperto iustitiam super conventione pretacta, cum Iazpertus ipse paratum se offerat predicta sexaginta milia solidorum eidem ammirato persolvere et recuperare duo castra predicta que pro restauracione premissa debet adhuc pro certo pretio de tuo beneplacito retinere.
Cum igitur memorata castra ad eundem ammiratum tam ex tua concessione quam emptione prefata pleno iure pertineant et restitutis eidem Iazperto vicecomitatu et loco de Cereto predictis, iam ius detentionis quod ex prima tua concessione habebat in ipsis videatur esse solutum et precipue quia in aliis castris per te memorato Iazperto traditis potest sibi eorundem dampnorum premissa restauratio provenire, serenitatem regiam attente requirimus et ex corde rogamus, quatinus procures et facias quod eidem Iazperto de dictis dampnis in locis aliis congruis satisfactio condigna proveniat et ammirato predicto ipsa duo castra remaneant sine lite. Videtur enim esse calumpnia et est indubitate circuitus vitandus a probis quod dictus Iazpertus, qui in duobus predictis castris ius non obtinet, per eum sexaginta milium solidorum soluto pretio ipsa recuperet, et habita certe partis restaurationem dampnorum, ea ammirato predicto restituat, quia proculdubio ipsa duo castra pro tali satisfactione dampnorum ipsorum eidem Iazperto rationabiliter non darentur. Et si forte huiusmodi nostra precatio iuri consona, quam sanus intellectus admittit, perduceretur per aliquorum dubitationem sollicitam in anfractum, adhuc precando subiungimus ut differatur ipsius citationis edictum donec idem ammiratus in nostris fuerit et ecclesie Romene servitiis actibus bellicis occupatus. Nosti quidem princeps provide quod absentes rei publice causa cuius locum rationabiliter obtinet, Romena mater ecclesia omnium domina et magistra multis gaudent ex iuris concessione favoribus illisque precipue quod eque censure regula peremptoriis ac muneribus subducit eosdem et diem prorogat, etiam dum penalis instantia morum accusat. Merentur etiam ammirati predicti grandia et fructuosa servitia tibi diutius subsequenter nobis et eidem ecclesie ac carissimo in Christo filio nostro Carolo illustri regi Sicilie patri tuo impensa devotius, quod apud nos tueque provisionis intuitum non solum sibi ad iustitie ianuam aditus promptus et facilis apertius pateat, sed in gratiarum favoribus tua dextera munifice largitatis assistat, maxime cum officiorum tuorum que de manu nostra devote ab ecclesia Romena sumpsisti, ammiratus idem pondus sustinens et efficaciter vicem gerens, in obsequiis nostris et dicti regis Sicilie probatis effectibus presentet se utilem et in tuis honoribus gloriosum. Sic igitur tua prudentia requisitionem et preces huiusmodi affectuose recipiat et ad terminos efficacis executionis adducat, quod affectibus nostris et honori tuo pariter inde complaceas et ammiratus ipse ad nostra tuaque servitia promptis desideriis ferventius incalescat.
Datum Laterani, IIII kalendas martii, pontificatus nostri anno septimo. -
n. c.
Informations
Acte
Ponzio
Manon
(Université Lumière de Lyon), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193062 (aposcripta-40792), http://telma.irht.cnrs.fr/chartes/aposcripta/notice/193062 (mise à jour : 01/07/2024).