Général
-
Innocent IV (1243-1254)
-
Tous les chrétiens auxquels parviendront ces lettres
-
La Chapelle des Ducs de Dijon
-
XII kalendas aprilis, anno octavo
-
-
Lyon
-
Bref ouvert (indulgences)
-
[Expédition] E. FRANCE, Dijon, Archives départementales de la Côte-d'Or, G 1126 (fonds du chapitre de la Sainte-Chapelle de Dijon). Bulle manquante [images en ligne].
-
Antonin Bourquin pour APOSCRIPTA, juin 2024, d'après E.
-
?
-
Bulle du pape Innocent IV, qui, pour concourir à l'agrandissement de l'église de la chapelle, accorde des indulgences à ceux qui contribueront à cette oeuvre [Inventaire AD].
-
Innocentius episcopus, servus servorum Dei, Universis Christi fidelibus ad quos littere iste pervenerint, Salutem et apostolicam benedictionem.
Quoniam ut ait apostolus omnes stabimus ante tribunal Christi recepturi, prout in corpore gessimus, sive bonum, sive malum, oportet nos diem messionis extreme misericordie operibus prevenire, ac eternorum intuitu seminare in terris, quod reddente Domino cum multiplicato fructu recolligere debeamus in celis, firmam spem, fiduciamque tenentes, quoniam qui parce seminat, parce et metet, et qui seminat in benedictionibus, de benedictionibus et metet vitam eternam.
Cum igitur sicut ex parte dilectorum filiorum .. decani et capituli Capelle Ducis Duvionensis, Lugdunensis diocesis, nobis extitit intimatum, iidem Capellam ipsam in honore beate Marie Virginis et sancti Johannis Evangeliste, fundatam ampliare ceperint opere sumptuoso, nec ad tanti consumationem operis proprie sibi supperant facultates universitatem vestram monemus, rogamus et hortamur attente, ac in remissionem vobis injungimus peccatorum quatinus provide attendentes, quod illud Deo acceptabilius creditur quod de pinguedine caritatis offertur eis de bonis vobis adeo collatis pias elemosinas et grata caritatis subsidia erogetis, ut per subventionem vestram predictum opus valeat consumari, et vos per hec et alia bona que domino inspirante feceritis, ad eterne possitis felicitatis gaudia pervenire.
Nos enim de omnipotentis Dei misericordia et beatorum Petri et Pauli apostolorum ejus auctoritate confisi, omnibus vere penitentibus et confessis qui eis ad hoc manum porrexerint adiutricem quadraginta dies de injuncta sibi penitentia misericorditer relaxamus. Presentes autem mitti, per questuarios districtius inhibemus, eas actum fuerit carere juribus decernentes.
Datum Lugduni, XII kalendas aprilis, pontificatus nostri anno octavo. -
Inconnue de Potthast. Absente des registres édités.
Informations
Acte
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 193042 (aposcripta-40777), http://telma.irht.cnrs.fr/chartes/aposcripta/notice/193042 (mise à jour : 27/06/2024).