Général
-
Nicolas IV (1288-1292)
-
Le seigneur d'Arlay, Jean de Chalon
-
XVI kalendas octobris, anno secundo
-
-
Rieti
-
Titre, général (littere gratiose, cum filo serico)
-
[Expédition] E. FRANCE, Besançon, Archives départementales du Doubs, 1 B 456, n. 3 (Trésor des Chartes). Bulle de plomb sur fils de soie jaune et rouge. Sur le pli : « N. Ver. ». Sous le pli : « Fam. ». Au dos : « Jacobus de Vercel. // Reperta CCCCLXII » [images en ligne]. Également présents sous la même cote deux vidimus.
-
[Registre de la chancellerie apostolique] R. CITÉ DU VATICAN, Archivio apostolico Romano, Registra Vaticana 44, c. 462, fol. 210.
-
Ernest Langlois, Les Registres de Nicolas IV. Recueil des bulles de ce pape, Paris : Ernest Thorin (BÉFAR), 1887-1893, n. 1360, p. 274 (d'après R) [en ligne].
-
?
-
?
-
Jus pedagii Johanni de Cabilone concessum [Langlois].
-
Nicolaus episcopus, servus servorum Dei, dilecto filio nobili viro Johanni de Cabilone, domino de Arlato, salutem et apostolicam benedictionem.
Exhibita nobis tua petitio continebat quod tu, cupiens obviare periculis que mercatoribus et aliis viatoribus, circa castrum tuum et ejus territorium de Joigne commeantibus, per que publica strata dirigitur, contingebant, cum frequenter spoliarentur, quandoque vulnerarentur, et interdum etiam occiderentur plures, pro hujusmodi viatorum conductu securo, ad custodiam strate ipsius, tuis sumptibus deputasti, te nichilominus ad satisfaciendum ipsis viatoribus de dampnis que inibi eos pati contingeret voluntarie astringendo, nonnullis ex eis quos postmodum ibi dampnificari contigit satisfactione impensa, propter quod carissimus in Christo filius noster Rudolfus, rex Romanorum illustris, sub cujus dictum castrum ditione consistit, diligenter attendens quod hujusmodi custodiam et securitatem de antiquo et consueto in eodem castro pedagio comode prosequi non valebas, dictum pedagium consuetum, prout facti qualitati congruere putavit, augmentans, ipsum taliter augmentatum tibi et posteris tuis in feudum regali provisione concessit, prout in litteris inde confectis dicitur plenius contineri.
Licet autem utroque jure, canonico videlicet et civili, sit cautum illa interdicta esse pedagia que non constat antiqua consuetudine introducta, vel imperatorum aut regum auctoritate, vel liberalitate concessa, nec sit dubium quin possint per imperatores et reges pedagia de novo constitui vel etiam augmentari, tu tamen, sollerter attendens quod in omnes imponentes in terris suis nova pedagia in tribus anni sollempnitatibus per sedem apostolicam excommunicationis sententia promulgatur, ad majorem tue conscientie securitatem, humiliter supplicasti tibi et eisdem posteris circa hec ejusdem sedis beneficio provideri.
Nos itaque, tuis supplicationibus inclinati, tibi et posteris memoratis presentium auctoritate concedimus ut, juxta dictam concessionem memorati regis in prefato de Joigne castro exigendo pedagium, nec concessionis hujusmodi terminos in aliquo excedendo, tu vel ipsi posteri nequaquam propterea excommunicationis sententiam incurratis.
Nulli ergo etc. nostre concessionis etc.
Datum Reate, XVI kalendas octobris, pontificatus nostri anno secundo. -
Inconnue de Potthast.
Informations
Acte
Antonin
Bourquin
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 192526 (aposcripta-40343), http://telma.irht.cnrs.fr/chartes/aposcripta/notice/192526 (mise à jour : 28/04/2024).