Général
-
Grégoire IX (1227-1241)
-
L'abbé de Saint-Jean-en-Vallée, diocèse de Chartres
-
Kalendas decembris, anno septimo
-
-
Latran
-
Mandement (littere cum filo canapis)
-
[Registre de la chancellerie apostolique] R. Reg. Vat. 17, c. 369, fol. 104v.
-
Ici reprise de Lucien Auvray, Les registres de Grégoire IX, Paris (École française de Rome), 1890-1955, n. 1604.
-
?
-
n. c.
-
Abbati monasterii Sancti Johannis in Valleia Carnotensis mandat quatenus nonnullos ejusdem monasterii canonicos, quos, contra ipsum abbatem litigantes, ipse papa non duxerat audiendos, ad idem monasterium redeuntes benigne recipiat; sub bulla sua inclusis quibusdam statutis a Galtero, episcopo Carnotensi, pro ejusdem monasterii reformatione editis [Auvray].
-
.. abbati monasterii Sancti Johannis in Valleia Carnotensis.
Cum olim venerabilis frater noster .. episcopus Carnotensis, personaliter ad monasterium tuum accedens, ipsum, quod in spiritualibus et temporalibus dicebatur esse collapsum, tam auctoritate nostra quam sua, inquisita super hoc sollicite veritate, reformaverit in utrisque, corrigens et reformans, tam in capite quam in membris, que correctionis vidit et reformationis officio indigere, cujus correctioni et reformationi tam tu quam canonici tui universi et singuli vos, juramento prestito, submisistis, quibusdam statutis ibidem ab episcopo ipso editis pro reformatione ordinis et observantia regulari: Nicolaus, Andreas, Marinus. Philippus, Laurentius et Arnulfus, ejusdem monasterii canonici, ad Sedem Apostolicam accedentes, multa tam contra processum dicti episcopi quam contra te proponere curaverunt; quibus et dilecto filio W., canonico et procuratori tuo, mandatum dumtaxat ad impetrandum et contradicendum habenti, dilectum filium nostrum S[tephanum], tituli Sancte Marie Transtiberim presbiterum cardinalem, dedimus auditorem; coram quo dictis canonicis petentibus ordinationem ipsius episcopi et statuta predicta, utpote contra regularia instituta edita, revocari, et inquiri de statu ipsius monasterii, tam in capite quam in membris, ac denuntiari nullas excommunicationum sententias in ipsos tam per eundem episcopum quam per te post appellationem ad nos legitime interpositam promulgatas, et eodem procuratore tuo contradicente, ut poterat, et se ne premissa fierent, opponente, prefatus cardinalis, auditis que fuere proposita coram eo, et nobis ac fratribus nostris fideliter recitatis, de ipsorum consilio dictos canonicos contra te et processum ejusdem episcopi non duximus audiendos ; quin potius districte fecimus eisdem injungi ut, ad idem monasterium redeuntes, statuta ipsa, que sub bulla nostra mittimus interclusa, inviolabiliter observarent.
Ad te igitur remittentes eosdem, mandamus quatenus, ipsos benigne recipiens, ac remittens pro reverentia nostra, si quid grave forsan ex disciplina ordinis meruerunt, sic eos, lata per te in ipsos excommunicationis sententia sine difficultate qualibet relaxata, in spiritu lenitatis et caritatis dulcedine honeste studeas pertractare, quod ipsi de te ulterius materiam non habeant conquerendi, et nos, qui eos ad te remittendo, devotioni tue multum detulimus, habere possimus acceptum et sinceritatem tuam merito commendare.
Datum Laterani, kalendas decembris, anno septimo. -
(a) ?
-
(b) ?
-
(c) ?
-
(d) ?
-
(e) ?
-
(f) ?
-
1. .
-
2. ?
-
3. ?
-
?
Informations
Acte
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 168498 (aposcripta-20001), http://telma.irht.cnrs.fr/chartes/aposcripta/notice/168498 (mise à jour : 25/09/2022).