Général
-
Grégoire IX (1227-1241)
-
. . Ratisponensi, imperialis aule cancellario, et . . Ildesemensi episcopis
-
VIII kalendas octobris, anno nono
-
-
Asisii
-
Mandement (littere cum filo canapis)
-
[Registre de la chancellerie apostolique] R. CITÉ DU VATICAN, Archivio Segreto Vaticano, Registra Vaticana ... Greg. IX Reg. Vol. V, 72; Lib. IX, 232.
-
Ici reprise de Karl Rodenberg, Epistolae s. XIII e regestis pontificum romanorum selectae, I, Berlin : Weidmann (MGH), 1883, n. 659, p. 558 [en ligne], d'après R.
-
?
-
Potthast, Regesta pontificum Romanorum, n. 10022 [en ligne].
-
Gregorius IX papa [Sigefrido] Ratisponensi, imperialis aulae cancellario, et [Conrado II] Hildeshemensi episcopis mandat, ut iuxta continentiam priorum litterarum suarum [n. 631] in [Hermannum] Herbipolensem et [Sibotonem] Augustensem episcopos, [Conradum] abbatem Fuldensem aliosque, necnon in [Landolfum] electum Wormaciensem et magistrum Devardum canonicum Herbipolensem, qui similia praesumpsisse dicantur, appellatione postposita procedant.
-
. . Ratisponensi, imperialis aule cancellario, et . . Ildesemensi episcopis.
Olim audito quod venerabiles fratres nostri . . Herbipolensis et . . Augustensis episcopi ac . . abbas Vultuensis, oblivioni commisso quod carissimus in Christo filius noster Fridericus, Romanorum imperator semper augustus, Ierusalem et Sicilie rex illustris, provisus a Domino ecclesie sit defensor, et quicquid in prosperis vel sinistris illi advenire dinoscitur, ipsius ecclesie quasi proprium reputetur, iuramenti quo tenentur eidem religione contempta, nobili viro Henrico nato suo contra omnem hominem prestitis sacramentis adheserant, dantes causam ut status orbis illo concursu discriminis turbaretur, quod nec facile corrigi nec multis posset laboribus aboleri: fraternitati vestre dedisse recolimus in preceptis, ut inquisita super hiis diligentius veritate, si constaret vobis rem taliter se habere, ipsis ex parte nostra firmiter iniungere curaretis, ut infra duos menses post monitionem vestram recepturi pro meritis sedis apostolice se conspectui presentarent, alioquin eos ad id auctoritate nostra sublato appellationis obstaculo cogeretis; D[egenhardum] prepositum de Hougue et Walterum de Tanenberg canonicos Herbipolenses, qui Mediolanum contra imperatorem eundem ivisse de mandato dicti nobilis ferebantur, suspensos ab officio et beneficio ad nostram venire presentiam per censuram ecclesiasticam appellatione postposita compellendo. Verum cum sicut accepimus a vobis per huiusmodi litteras nullus habitus sit processus, nos, merito providere volentes ne ipsi de tante temeritatis excessu, digne non solum in clericis set etiam in laicis correctione sollicita castigari, materiam habeant gloriandi, quin immo ut pena de preterito ipsos cautos efficiat de futuro, qui si oculos ad superni equitatem iudicis erexissent, non filium in persecutionem tanti patris accendere set pro illius deprimenda protervia omnis vigilantie studium debuissent potius assumpsisse, precipiendo mandamus, quatinus super premissis circa episcopos, abbatem et canonicos memoratos necnon circa . . Warmaciensem electum et magistrum Devardum canonicum Herbipolensem, qui cum predictis presumpsisse similia referuntur, post susceptionem presentium iuxta priorum continentiam litterarum omni occasione postposita sublato appellationis obstaculo procedatis; quod super premissis inveneritis, nobis vestris litteris infra dictum terminum fideliter expressuri.
Dat. Asisii, VIII Kal. Octob. anno nono. -
(a) ?
-
(b) ?
-
(c) ?
-
(d) ?
-
(e) ?
-
(f) ?
-
1. ?
-
2. ?
-
3. ?
-
?
Informations
Acte
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 158564 (aposcripta-11004), http://telma.irht.cnrs.fr/chartes/aposcripta/notice/158564 (mise à jour : 15/06/2021).