Général
-
Grégoire IX (1227-1241)
-
Le précepteur et les frères de l'Hôpital de Jérusalem
-
V kalendas augusti, anno nono
-
-
Pérouse
-
Mandement (littere cum filo canapis)
-
[Registre de la chancellerie apostolique] R. CITÉ DU VATICAN, Archivio Segreto Vaticano, Registra Vaticana ... Greg. IX Reg. Vol. V, 58; Lib. IX, 170.
-
Ici reprise de Karl Rodenberg, Epistolae s. XIII e regestis pontificum romanorum selectae, I, Berlin : Weidmann (MGH), 1883, n. 649, p. 548 [en ligne], d'après R.
-
?
-
Potthast, Regesta pontificum Romanorum, n. 9974 [en ligne].
-
Gregorius IX papa praeceptori et fratribus Hospitalis Hierosolymitani mandat, ut baiulo et legato imperatoris in Terra Sancta constituto omne auxilium praebeant, et si Iohannes de Ibelino et populus Acconensis ad obsidionem civitatis Tyri procedant, eos a conatu suo desistere faciant.
-
Preceptori et fratribus Hospitalis Ierosolimitani.
Evidens est et ambiguitatis nubilum non admittit, quod ad hoc potissime religionis habitum assumpsistis, ut in Terre Sancte partibus ampliationi vacando fidei possitis patrie superne civibus aggregari. Digne igitur vobis suadere possumus et debemus, ut cum propositum vestrum ex eo precipue promoveri valeat, quod Sirie partibus aliquod adversitatis nubilum non incumbat, illa promptis affectibus studeatis efficere, per que possit eadem pacis et quietis gaudiis exultare. Rogamus itaque universitatem vestram et hortamur attente, per apostolica vobis scripta in virtute obedientie precipiendo mandantes, quatinus provida meditatione pensantes quid carissimo in Christo filio nostro Friderico, Romanorum imperatori etc., ex eo favoris debeamus et premii, quod in obsequiis matris ecclesie, sicut suam excellentiam decuit, promptus et efficax studuit inveniri, . . baiulo et legato suo in predictis partibus constituto omne quod poteritis in imperialium conservatione iurium consilium et auxilium sublato difficultatis obstaculo prebeatis, curam et studium habituri, ut si forte nobilis vir Iohannes de Ybelino ac populus Acconensis eiusdem suggestionibus instigatus ad obsidendum civitatem Tyri vel aliquam terrarum ad dominium imperiale spectantium procedere aliquatenus attemptarent, efficacem opem et operam apponatis, ut ipsi a suo conatu corruant et adversus imperatorem eundem se ulterius erigere non presumant, sicque fiat, quod illis a concepti erroris prosecutione cessantibus et vestra faciente prudentia quod in predictis partibus vitentur dissensionis et scandali detrimenta, nos, qui honoribus ecclesie reputamus adici quicquid secundum Deum potest utilitatis et glorie imperiali excellentie cumulari, reddatis vobis in vestris necessitatibus obligatos, et imperatoris eiusdem potentia sit vobis oportunis temporibus gratiosa; scituri quod cum sepedictus imperator sit in remoto positus, quare nobis de suorum conservatione iurium cura imminet specialis, si eum in premissis vel aliis a quoquam offendi contingeret, quasi esset illata nobis iniuria, gravis cor nostrum turbatio fatigaret, succedentibus ultionis condigne studiis, que haberi condecet in presumptorum excessibus corrigendis.
Dat. Perusii, V Kal. Aug. anno nono.
In eundem modum . . magistro et fratribus domus militie Templi Ierosolimitani.
In eundem modum . . preceptori et fratribus hospitalis sancte Marie Teutonicorum in Accon. -
(a) ?
-
(b) ?
-
(c) ?
-
(d) ?
-
(e) ?
-
(f) ?
-
1. ?
-
2. ?
-
3. ?
-
?
Informations
Acte
aposcripta
admin
(IRHT), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 158553 (aposcripta-10993), http://telma.irht.cnrs.fr/chartes/aposcripta/notice/158553 (mise à jour : 15/06/2021).