Général
-
Alexandre III (1159-1181)
-
Le diacre et le chapitre de Lincoln
-
n.c.
-
circa 1171/04
-
n.c.
-
Mandement (littere cum filo canapis)
-
[Autre copie médiévale] F1. ITALIE, Rome, Biblioteca vaticana, Cod. Vat. 6024, p. 152. Copie du XIIIe siècle.
-
[Autre copie médiévale] F2. ITALIE, Bologne, Biblioteca dell'Università, Mon. Bologn. XLIII, n. 4.
-
Ici reprise de Julius von Pflugk-Harttung, Acta pontificum Romanorum inedita. III. Urkunden der Päpste vom Jahre 590 bis zum Jahre 1197, III, Stuttgart : W. Kohlhammer, 1886, n. 224, p. 226-227.
-
Philippe Jaffé, Wilhelm Wattenbach, Samuel Loewenfeld, Ferdinand Kaltenbrunner, Paul Ewald, Regesta pontificum Romanorum ab condita ecclesia ad annum post Christum natum MCXCVIII, 2e éd. Leipzig : Veit, 1885-1888, 2 vol., n. 11918 [en ligne].
-
Alexander III schreibt an den Kanonikerkonvent von Lincoln, er habe den Magister David zu ihrem Kanoniker erhoben und ihm die erste ihrer freiwerdenden Präbenden überwiesen, sie sollen ihn als Bruder aufnehmen und ihn bis zum Freiwerden der Präbende ein jährliches Beneficium zukommen lassen.
-
(Alexander) decano et capitulo Lincolnensi.
Quoniam ad nostrum spectat officium, viris honestis et literatis in ecclesia dei locum congruum assignare et eorum provisioni animo libenti intendere, dilectum filium nostrum, magistrum D(avid), virum utilem, litteratum, providum ac discretum, et non solum canonicatui sed episcopali etiam, in quantum nos comprehendere potuimus, idoneum dignitati, ecclesie vestre canonicum auctoritate apostolica constituimus, et ipsi primam prebendam, quam in eadem ecclesia vacare contigit, ipsi vel alii nomine suoa ea, qua fungimur, potestate concessimus.
Unde, quoniam de tanti viri consortio debetis non immerito plurimum gratulari, presertim cum per eum ecclesie vestre magisterium, quod ipsi per ecclesiam videatur collatum fuisse, universitati vestre per apostolica scripta precipiendo mandamus et in virtute obedientie iniungimus, ut eum, cum ad vos venerit, in fratrem et concanonicum, omni contradictione, dilatione et appellatione postposita, recipiatis et, illi certum locum in choro et capitulo assignantes, ipsum de prima prebenda, queb in ecclesia vestra vacare continget, auctoritate nostra investiatis, et aliis, si que solent in prebendarum investituris de ecclesie vestre consuetudine, sollempnitatibus adhibitis, concessionem nostram precipiatis ab omnibus irrefragabiliter observari.
Si autem aliquis episcopus vel alius quislibet contra hoc venire presumpserit et prebendam, cum vacaverit, alii concedere vel assignare tentaverit, eius in hac parte factum nullas vires optinere volumus, sed irritum et vacuum prorsus haberi, neque donatio sive concessio, quia iam ab alio facta, ei in hoc impedimentum aliquid sive nocumentum possit prestare. Interim vero vos precibus nostris volumus exoratos haberi, ut prenominato D(avid) aliquod benefitium annuum pro beati Petri et nostra reverentia et optentu litterature et probitatis sue liberaliter concedatis et, donec prebendam vacare contigerit, assignetis, ut nos devotioni vestre multiplices interim gratias teneamur exsolvere et preces ac petitiones vestras, cum opportunitas se optulerit, promptius et efficatius exaudire. In hoc enim aliquid donationis, in eum facte, comprobabitur inditium et necessitati sue qualecumque subsidium conferetur. -
(a) Von ipsi an unterstrichen
-
(b) ursprünglich quam
-
Informations
Acte
Thomas
Girard
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 147362 (aposcripta-6989), http://telma.irht.cnrs.fr/chartes/aposcripta/notice/147362 (mise à jour : 17/05/2024).