Général
-
Jean XXII (1316-1334)
-
Le chanoine de Trente Francesco de Banchis da Piacenza
-
XI kalendas junii, anno quintodecimo
-
-
Avignon
-
Titre, provisions de bénéfice (littere gratiose, cum filo serico)
-
[Registre de la chancellerie apostolique] R1. CITÉ DU VATICAN, Archivio segreto Vaticano, Registra Avenionensia 38, MDCCXLVIIII, fol. 244v (cancellée ; taxe XI, XIII).
-
[Registre de la chancellerie apostolique] R2. CITÉ DU VATICAN, Archivio segreto Vaticano, Registra Vaticana 99, fol. 308v-309.
-
Ici reprise d’Emanuele Curzel, Documenti papali per la storia trentina (fino al 1341), Bologne, 2004 (Annali dell’Istituto storico italo-germanico. Fonti ; 1), n. 292, p. 452-453, d’après R1 et R2.
-
Guillaume Mollat, Jean XXII (1316-1334). Lettres communes (Bibliothèque des Écoles Françaises d’Athènes et de Rome), Paris, 1904-1947, n. 53679.
-
Giovanni XXII a Francesco de Banchis da Piacenza : gli riserva un beneficio, un personatus o una dignità il cui conferimento spetta al vescovo di Trento, nonostante egli sia canonico nella chiesa di Trento.
-
Dilecto filio Francisco de Banchis de Placenciaa canonico Tridentino, salutem.
Suffragantia tibi merita probitatis, super quibus laudabile tibi perhibetur testimonium, rationabiliter nos inducunt ut ad personam tuam apostolice liberalitatis dexteram extendamus.
Horum igitur consideratione, volentes tibi gratiam facere specialem, beneficium ecclesiasticum cum cura vel sine cura, etiam si dignitas vel personatus existat, spectans ad collationem, provisionem vel quamvis aliam dispositionem venerabilis fratris nostri .. episcopi Tridentini, si quod vacat ad presens vel cum vacaverit, quod per te vel procuratorem tuum ad hoc legitime constitutum infra unius mensis spatium postquam tibi vel eidem procuratori huiusmodi beneficii vacatio innotuerit duxeris acceptandum, conferendum tibi post acceptationem huiusmodi cum omnibus iuribus et pertinentiis suis, donationi apostolice reservamus, districtius inhibentes eidem episcopo ne de dicto beneficio interim etiam ante acceptationem predictam, nisi postquam ei constiterit quod tu vel procurator predictus illud nolueritis acceptare, disponere quoquomodo presumat, ac decernentes ex nunc irritum et inane si secus super hiis a quoquam, quavis auctoritate, scienter vel ignoranter, contigerit attemptari, non obstantibus quibuscumque statutis et consuetudinibus ecclesie in qua forsan huiusmodi beneficium fuerit contrariis, iuramento, confirmatione apostolica vel quacumque firmitate alia roboratis aut si aliqui super provisionibus sibi faciendis de huiusmodi vel aliis beneficiis ecclesiasticis in illis partibus speciales vel generales apostolice Sedis vel legatorum eius litteras impetrarint, etiam si per eas ad inhibitionem, reservationem et decretum vel alias quomodolibet sit processum, quibus omnibus preterquam auctoritate nostra huiusmodi beneficia expectantibus te in ipsius beneficii assecutione volumus anteferri, sed nullum per hoc eis quo ad assecutionem aliorum beneficiorum preiudicium generari, aut si eidem episcopo vel quibusvis aliis, comuniter vel divisim, ab eadem sit Sede indultum quod ad receptionem vel provisionem alicuius minime teneantur et ad id compelli non possint quodque de huiusmodi vel aliis beneficiis ecclesiasticis ad eorum collationem, provisionem seub quamvis aliam dispositionem, coniunctim vel separatim spectantibus, nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mentionem et qualibet alia dicte Sedis indulgentia generali vel speciali, cuiuscumque tenoris existat, per quam, presentibus non expressam vel totaliter non insertam, effectus huiusmodi gratie impediri valeat quomodolibet vel differri et de qua cuiusque toto tenore habenda sit in nostris litteris mentio specialis, aut si presens non fueris ad prestandum de observandis statutis et consuetudinibus ecclesie in qua huiusmodi beneficium forsan fuerit solitum iuramentum, dummodo in absentia tua per procuratorem ydoneum et, cum ad ecclesiam ipsam accesseris corporaliter, illud prestes, seu quod in ecclesia Tridentina canonicatum et prebendam nosceris obtinere.
Nulli ergo et cetera nostre reservationis, inhibitionis et constitutionis infringere et cetera.
Datum Avinione, XI kalendas iunii, anno quintodecimo.
In eodem modo venerabili fratri .. episcopo et dilectis filiis .. archidiacono Placentinis ac Busolo de Parma canonico Tornacensi, capellano nostro, salutem.
Suffragantia dilecto filio Francisco de Banchis et cetera, usque noscitur obtinere.
Quocirca mandamus quatinus vos vel duo aut unus vestrum per vos vel alium seu alios huiusmodi beneficium, per nos ut premittitur reservatum, si huiusmodi nostre reservationis tempore vacabat vel postea vacavit aut cum illud vacare contigerit, eidem Francisco vel procuratori suo eius nomine post acceptationem predictam cum omnibus iuribus et pertinentiis suis auctoritate nostra conferre et assignare curetis, inducentes eum vel dictum procuratorem pro ipso in corporalem possessionem beneficii ac iurium et pertinentiarum predictorum auctoritate predicta et defendentes inductum ac facientes eundem Franciscum vel dictum procuratoremc pro ipso ad huiusmodi beneficium in ecclesia, in qua forsan fuerit, ut est moris, admitti sibique de ipsius beneficii fructibus, redditibus, proventibus, iuribus et obventionibus universis integre responderi, non obstantibus omnibus supradictis, seu si episcopo prefato vel quibusvis aliis, comuniter vel divisim, a prefata sit Sede indultum quod interdici, suspendi vel excomunicari non possint per litteras apostolicas non facientes plenam et expressam ac de verbo ad verbum de indulto huiusmodi mentionem, contradictores auctoritate nostra et cetera.
Datum ut supra. -
(a) clerico suit supprimé R1.
-
(b) vel R2.
-
(c) procuratorem suit répété et supprimé R2.
Informations
Acte
Laurent
Vallière
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 145828 (aposcripta-6001), http://telma.irht.cnrs.fr/chartes/aposcripta/notice/145828 (mise à jour : 17/06/2019).