Général
-
Alexandre IV (1254-1261)
-
Le roi de France
-
XI kalendas julii, anno quinto
-
-
Anagni
-
Bulle (ad perpetuam rei memoriam)
-
[Original] A. FRANCE, Paris, Archives Nationales, Trésor des chartes, Mélange de bulles, J 697, n°21.
-
Ici reprise de Delisle Léopold, Cartulaire normand de Philippe-Auguste, Louis VIII, Saint-Louis et Philippe le Hardi, Caen, Hardel (MSAN ; 16, 2e série, 6, p. 160-390), 1852, n° 617, p. 116-117 [en ligne], numérisée par Pierre Bauduin (dir.), SCRIPTA. Base des actes normands médiévaux, Caen, CRAHAM-MRSH, 2010-2016, [en ligne], Acte 3588.
-
Bulle d’Alexandre [IV] adressée au roi de France sur l’élection de l’évêque d’Évreux.
-
Alexander, episcopus, servus servorum Dei, carissimo in Xpisto filio, illustri regi Francie1, salutem et apostolicam benedictionem.
Debitum officii nostri requirit, ut, inter sollicitudines alias, quibus assidue premitur, specialiter circa ecclesias sollertiam adhibentes, ipsarum utilitatibus intendamus, in eo maxime ut viduatis ne longe vacationis dispendia patiantur, de talium nostre diligentie studio provideatur substitutione pastorum, per quos spiritualiter et temporaliter continuum, auctore Domino, suscipiant incrementum. Sane Ebroicensis ecclesia pastoris solatio destituta, nonnulli ex canonicis ipsius, dilectum filium, magistrum Radulfum Ebroicensem electum, tunc custodem ecclesie Peronensis, alii vero magistrum Radulfum de Albussone, capellanum nostrum, canonicum ipsius ecclesie Ebroicensis, in pastorem ejusdem ecclesie elegerunt ; cumque super electionibus hujusmodi esset apud sedem apostolicam inter partes diutius altercatum, tandem idem capellanus, pro se, ac dilectus filius magister Petrus Bonjor. camerarius venerabilis fratris nostri episcopi Tusculanensis, pro eadem custode, a quo habebat super hoc speciale mandatum, libere renuntiarunt in nostris manibus omni juri, si quod capellano et thesaurario predictis ex eisdem electionibus fuerit acquisitum. Nos itaque nolentes quod predicta ecclesia Ebroicensis diutius sine presule remaneret, ne occasione vacationis ipsius posset incurrere aliqua detrimenta, eundem electum, cui clara morum et vite ac scientie merita suffragantur, ac perhibetur testimonium quod in spiritualibus et temporalibus sit laudabiliter circumspectus, eidem Ebroicensi ecclesie, de fratrum nostrorum consilio et apostolice plenitudine potestatis, prefecimus in episcopum et pastorem, firma concepta fiducia quod predicte Ebroicensi ecclesie per ipsius ministerium prosperitatis et honoris, Deo propitio, desiderata provenient incrementa.
Quia vero, fili carissime, pietatis est opus Dei ministros et presertim pontificali dignitate predictos (sic) benigno favore prosequi, ac eos verbis et operibus, pro regis eterni gloria, venerari, serenitatem regiam rogamus, monemus et hortamur attente, quatinus, eidem electo concedens regalia, et ipsum habens ac ecclesiam sibi commissam, ob reverentiam apostolice sedis et nostram, propensius commendatos, ipsos regio favore munias et oportunitatis tempore potentie tue brachio tuearis, ita quod predictus electus tuo fultus presidio in comissa sibi cura pastoralis officii, Deo propitio, valeat prosperari, nos que, qui de impenso favore personis ecclesiasticis letitiam specialem concipimus, celsitudini tue proinde grates uberes referamus2.
Datum Anagnie, XI kalendas julii, pontificatus nostri anno quinto. -
1. Louis IX « Saint Louis » (roi de France : 8 novembre 1226 - 25 août 1270).
-
2. Sur cette élection et ses suites, voyez une note de M. Bonnin , Reg. Visit. archiep. Rothom., p. 346. — La consécration de Raoul eut lieu le 19 octobre 1259, en présence du Roi, à Evreux ( ib ). — Anno 1259 die crastino sancti Luce evangeliste, conseeratus est in episcopum Ebroieensem magister Radulphus de Grosparmy, natus de Piris {Periers en Cotentin }, in ecclesia beati Taurini Ebroicensis. Ad cujus consecrationern... inter fuit etiam Ludovicus illustris rex Francorum cum duobus pueris, scilicet Ludovico et Philippe. M. Le Prévost, Mém. des Antiq. de Norm., années 1827 et 28, p. 211 , d’après Le Brasseur, Hist. d'Evreux, p. 193. Le Nain de Tillemont ajoute que les comtes de Leicester et d’Eu y assistèrent avec beaucoup d’autres grands seigneurs. Vie de saint Louis, t V, p. 63, d’après Gallia Christ., t. II, p. 574 (ancienne édit.) et Duboulay, p. 369.
Informations
Acte
Benjamin
Oury
(CIHAM (UMR 5648)), dans
APOSCRIPTA database
APOSCRIPTA database – Lettres des papes, dir. J. Théry, CIHAM/UMR 5648, éd. électronique TELMA (IRHT), Orléans, 2017 [en ligne], acte n. 143602 (aposcripta-5196), http://telma.irht.cnrs.fr/chartes/aposcripta/notice/143602 (mise à jour : 17/05/2024).